2ካዎታ ማጻፋ 17:6 - ጋሞ ማጻፋ

⁶ ሆሴኤይ ካዎቲዳ ኡዱፉን ላይን ኣሶሬ ካዎይ ሳማሪያ ኦይኪዴስ። ኢስራኤሌ ኣሳ ዲኢ ኤኪዲ ኣሶሬ ዴሬ ዴን ኤፊዴስ። ሄይታካ ኣላሄን፥ ጎዛን ሃቦሬ ሻፋ ማታኒኔ ሜዶኔ ካታማታን ኤፊ ዎዴስ።

Geeshsha Maxaafa

⁶ Hose7ey kawotida uddufunththo layththan Asoore kawoy Samaariya oykkides. Isra7eele asaa di7i ekkidi Asoore dere denththi efides. Heytakka Alahen, Gozaan Haboore shaafa mataninne Meedoone katamatan efi woththides.

2ካዎታ ማጻፋ 17:6 ပူးပေါင်းရင်းမြစ်များ

ሜቴ ማጻፋ 10:2

ያፌቴ ኣቱማ ናይቲ ጎሜሬ፥ ማጎጌ፥ ማዳዬ፥ ያዋኔ፥ ቱባሌ፥ ሜሼኬኔ ቲራሴ

1ካዎታ ማጻፋ 8:46

«ናጋራ ኦንታ ኣሲ ባይንዳ ጊሻስ ኢስቲ ናጋራ ኦን ኔኒ ኢስታ ቦላ ሃንቄታዳ ሞርኬታስ ኢስታ ኣ ኢሚን ሞርኬቲካ ኢስታ ዲኢዲ ሃኮ ዎይኮ ማታ ጊዲን ባንታ ቢታ ኤኪ ኤፊን፥

2ካዎታ ማጻፋ 15:29

ኢስራኤሌ ካዎ ፋቁሄይ ካዎቲ ዲዛ ላይታን ኣሶሬ ካዎ ቴሊጌሊቴሊፌሊሶሬይ ዪዲ ኢዮኔ፥ ኣቤሊ-ቤቲ-ማኢካ፥ ያኖኬ፥ ቃዴሴ፥ ሃጾሬ፥ ጋላኣዴ፥ ጋሊላኔ ኒፍታሌሜ ዴራካ ኢሲፌ ጋ ኦይኪዴስ። ኣሳካ ዲኢ ኤኪዲ ኣሶሬ ዴሬ ኤፊዴስ።

2ካዎታ ማጻፋ 17:23

ጎዳይ ባ ኣይሌታ ናቤታ ባጋራ ኢስታስ ካሴ ሚን ዮቲዳ ማላ ባ ሲንፌ ኢስታ ዲጋና ጋካናስ ኢስቲ ናጋራ ኦሶ ጉጂ ጉጂ ቢዳ፤ ሄሳ ጊሻስ ኢስራኤሌ ዴሬይ ባ ዴሬፔ ዲኤቲ ኣሶሬ ዴሬ ቢዴስ፤ ሃኢካ ሄን ዴስ።

2ካዎታ ማጻፋ 18:34

ሃማቴ ኤቃ ጾሳቲኔ ኣርፋዴ ኤቃ ጾሳቲ ኣኔ ኣዋን ዲዞ? ሴፋርዋይሜ፥ ሄና ኤቃ ጾሳቲኔ ኢዋ ኤቃ ጾሳቲ ሂስቲን ኣዋ ጋኪዶ? ኢስቲ ሳማሪያ ታ ኩሼፔ ኣሺዶ?

2ካዎታ ማጻፋ 19:12

ካሴ ታ ኣዋቲ ይሲዳ ካዎቴታ ጎዛኔን፥ ካራኔን፥ ኤራፋሴን ሄሳካ ታላሳሬን ዲዛ ኤዴኔ ኣሳታ ኢስታ ኤቃ ጾሳቲ ኢስታ ኣሺዶ?

2ካዎታ ማጻፋ 21:13

ታኒ ሳማሪያስ ጊግሲዳ ዋ ዎዶሮ፥ ታኒ ኣካቤሶ ኢዛራ ጊናሳ ጼሊዳ ቱምቤዛካ ዬሩሳላሜ ቦላ ዬዳና፤ ኣሲ ሳኔ ሜጪ ጉፋንዛ ማላ ታኒካ ዬሩሳላሜ ሜጫ ይሳና።

1ታሪኬ ማጻፋ 5:22

ኦላዚ ጾሳፌ ጊዲዳ ጊሻስ ዳሮቲ ሃይቂዳ፤ ጾኒዳይቲ ጉዬፔ ዲኤቴ ላይ ዉራና ጋካናስ ሄ ኣሳታ ሶን ኡቲዳ።

1ታሪኬ ማጻፋ 5:26

ሄሳ ጊሻስ ኢስራኤሌ ጾሳይ ኣሶሬ ካዎ ፑሌ ዎይኮ ቴሊጌሊቴሊፌሊሶሬ ዴንዲ ኦሮቤሌ ቆሞታ፥ ጋዴ ቆሞታኔ ሚናሴ ቆሞታፔ ባጋ ዲኢ ኤፋና ማላ ኦዴስ፤ ኢዚ ሄይታንታ ኣላሄ፥ ሃቦሬ፥ ሃራኔ ጎዛኔ ሻፋ ሄራን ዴኣና ማላ ኦዴስ፤ ኢስቲ ሃች ጋካናስ ሄን ዴቴስ።

ኢዝራ ማጻፋ 6:2

ጊዶ ኣቲን ባቢሎኔ ካታማን ጊዶንታ ሜዶኔ ዴሬን ኣሂሚቴ ካታማን ኢሲ ጻ ማጻፋይ ቤቲዴስ፤ ኢዛን ጻፌቲዳ ቃላይ፥

ናሂሚያ ማጻፋ 9:32

ጊታ፥ ዎልቃማኔ ያሺዛ ኑ ጾሳዉ! ኔኒ ኔ ጫቆ ቃላኔ ሜርና ጋካናዉ ዲዛ ኔ ሲቆ ናጋሳ፤ ኑ ቦላ፥ ኑ ካዎታ ቦላኔ ኑና ካሌዛይታ ቦላ ኑ ቄሴታ ቦላኔ ኑ ናቤታ ቦላ ኑ ኣዋታ ቦላ፥ ቃሴካ ዴሬ ኡባ ቦላ፥ ኣሶሬ ካዎታፔ ዶሚዲ ሃች ጋካናስ ጋኪዳ ሜቶ ኡባ ኔ ቆፓ።

ኢሳያሳ ቲንቢቴ 10:9

‹ካልኖይ ካርካሚሼ ማላ፥ ሃማቴይ ኣርፋዴ ማላ፥ ሳማሪያይካ ዳማስቆ ማላ ጊዴቴኔ?

ኢሳያሳ ቲንቢቴ 13:17

ቤኢቴ፥ ቢራስ ዉዱ ጎንታይታ፥ ዎርቃንካ ኡፋዬቶንታይታ ሜዶኔ ዴሬ ኣሳ ታ ኢስታ ቦላ ዴንና።

ኢሳያሳ ቲንቢቴ 17:4

«ሄ ዎዴ ያቆቤ ቦንቾይ ሻሩማታና፤ ኢዛ ሞቴይካ ሹማና።

ኢሳያሳ ቲንቢቴ 21:2

ያሺዛ ኣጁታ ታ ቤኣዲስ፤ ኣ ኢሚዛይሲ ኣ ኢሜስ፤ ዲኢዛይሲ ዲኤስ። ኤላሜ ዴንዳ! ሜዶኔ ጊዶ! ኢዛ ጋዳ ዋዬ ኡባ ታ ኤሳና።

ኢሳያሳ ቲንቢቴ 36:17

ሄሳ ኢንቴ ሃናናይ ታኒ ያዳ ኢንቴና ኢንቴ ቢታ ሚሳቲዛ ዴሬ ዴን ኤፋና ጋካናሳ። ሄ ቢታይ ካኔ ዎይኔ ኡሺ፥ ካ ቢታኔ ዎይኔ ኣታኪልቴይ ኩሚዳ ቢታ› ጌስ።

ኢሳያሳ ቲንቢቴ 36:19

ሃማቴ ጾሳቲኔ ኣርፋዴ ጾሳቲ ኣዋን ዲዞ? ሴፋርዋይሜ ጾሳቲ ኣዋን ዲዞ? ሃይቲ ሳማሪያ ታ ኩሼፔ ኣሺዶ?

ኢሳያሳ ቲንቢቴ 37:18

«ኣቤት ጎዳዉ ቱማካ፥ ኣሶሬ ካዎቲ ሃ ካዎቴታኔ ኢስታ ቢታ ኡባ ባዞ ኬሲዳ።

ኢሳያሳ ቲንቢቴ 8:4

ናዚ፥ ‹ኣቦ! ኣዬ!› ጊ ጼይስ ኤራናፔ ካሴ ኣሶሬ ቢታ ካዎይ ሳማሪያኔ ዳማስቆ ኣቆታ ዲኢ ኤፋና» ጊዴስ።

ኤርማሳ ቲንቢቴ 50:17

«ኢስራኤሌይ ጋሞይ ጎዲዲ ላሊዳ ዉዴ ማላ ጊዲዴስ፤ ኮይሮ ኣሶሬ ካዎይ ፑዜሬ ሚዴስ፤ ጉዬፔ ባቢሎኔ ካዎ ናቡካዳናጾሬይ ሜቄ ጊዴስ» ጌስ ጎዳይ።

ዳኔላ ቲንቢቴ 5:28

ፋሪስ! ጉሲ፥ ‹ኔ ካዎቴ ሻኬቲ ዎዴስ፤ ሜዶኔታሲኔ ፓሪሴታስ ኢሜቲዴስ› ጉሳ» ጊ ዛሪዴስ።

ሆሴኤ ቲንቢቴ 1:4

ሄሳፌ ጉዬ ጎዳይ ሆሴኤስ፥ «ኢዩኔ ኢዛ ዜሬቲ ኢዝራኤሌን ዎዳ ኣሳታ ጌዶን ኢዩ ዜሬታ ታ ቃጻያና ዎዴይ ሃሆ ጊዴና፤ ኢስራኤሌ ካዎቴ ሃይሳፌ ጉዬ ኩንዳና ማላ ታ ኦና።

ሆሴኤ ቲንቢቴ 1:6

ጎሜራ ቃሴካ ቃንታዳ ማጫ ና ዬላዱስ። ጎዳይካ ሆሴኤስ፥ «ታኒ ሃይሳፌ ጉዬ ኢስራኤሌ ኣሳስ ቃቲኬ፤ ታ ኢስታ ማሪኬ፤ ሄሳ ጊሻስ ኔኒ ኢዚ ሱን፥ ‹ሎሩሃማ› ጋ ሱን።

ሆሴኤ ቲንቢቴ 1:9

ጎዳይካ ሆሴኤ፥ «ሃይሳፌ ጉዬ ኢስራኤሌ ኣሳይ ታ ዴሬ ጊዴና፤ ታኒካ ኢስታ ጾስ ጊዲኬ። ሄሳ ጊሻስ ኔኒ ኔ ናዛ ሱን፥ ‹ሎኣሚ› ጋ ጼይጋ» ጊዴስ።

ሆሴኤ ቲንቢቴ 13:16

ሳማሪያ ኣሳይ ባንታ ጾሳ ቦላ ማካሊዳ ጊሻስ ባንታ ቆሆ ቶካና፤ ማሻንካ ሲፌታና፤ ቄሪ ናይቲ ቢታ ቦላ ዲንጬታና፤ ቃንራ ዲዛ ማጫሳታ ኡሎይ ዳኬታና» ጌስ።

ሆሴኤ ቲንቢቴ 8:8

ኢስራኤሌይ ሃራ ካዎቴታ ጊዶን ሂራይሶ ሚሻ ማላ ጊዲዳ።

ሆሴኤ ቲንቢቴ 9:3

ኢስራኤሌ ዴሬይ ጎዳይ ኢስታስ ኢሚዳ ቢታን ኡቴና። ኤፍሬሜይ ዱጌ ጊብጼ ሲማና፤ ኣሶሬካ ቢዲ ቱኒዳ ካ ማና።

ሌዌታ ማጻፋ 26:38

ኢንቴ ቤቴ ቢዲ ሄ ዴሬን ሃይቃና፤ ኢንቴ ኢንቴ ሞርኬታ ካዎቴን ሚቴቲ ኣታና።

ኣሞጼ ቲንቢቴ 5:27

ታኒ ኢንቴና ዳማስቆፌ ጌዴ ሃሳ ጎዳና» ጌስ ጎዳይ ሳሎ ጾሳይ።

ኣሞጼ ቲንቢቴ 7:17

ሄሳ ጊሻስ ኣማሲያሳ! ኔ ጊሻስ ጎዳይ፥ ‹ኔ ማቼያ ካታማ ጊዶን ላይማ ማጫስ ጊዳና፤ ኔስ ማጫ ናይቲኔ ኣቱማ ናይቲካ ኦላን ሃይቃና፤ ኣላጋቲ ኔ ቢታ ዎዶሮን ዋ ጊሼቲ ኤካና፤ ኔኒካ ኣላጋ ቢታን ሃይቃና፤ ኢስራኤሌ ኣሳይ ባ ቢታፌ ዲኤቲዲ ኣላጋ ዴሬ ባና› ጌስ» ጊ ዮቲዴስ።

ዛሬ ማጻፋ 28:36

ጎዳይ ኔናኔ ኔኒ ኔ ቦላ ካዎሳና ካዎዛ ሃ ቢታፌ ዴንዲ ካሴ ኔኒኔ ኔ ኣዋቲ ኤሮንታ ሃራ ካዎቴ ኤፋና፤ ኢንቴ ሄን ሚፌኔ ሹቻፌ ኦሴቲዳ ኤቃ ጾሳታስ ጎይናና።

ዛሬ ማጻፋ 28:64

ጎዳይ ኔና ኩሜ ኣላሜን ዲዛ ኣሳ ጊዶን ቢታስ ጋጻፔ ጋጻ ጋካናስ ላላና፤ ሄን ኔኒኔ ኔ ኣዋቲ ካሴ ጎይኒ ኤሮንታ ሚፌኔ ሹቻፌ ኦሴቲዳ ኤቃ ጾሳታስ ኢንቴ ጎይናና።

ዛሬ ማጻፋ 30:18

ኢንቴ ሙሌራ ያናይሳ ሃች ታ ኢንቴስ ዮታይስ፤ ኢንቴ ዮርዳኖሴ ሻፋ ፒኒዲ ላታና ቢታይን ዳሮ ላይ ጋምኤኬታ።