2ቆሮንቶሴ ኣሳስ 11:31 - ጋሞ ማጻፋ

³¹ ሜርናስ ጋላቴቲዳ ጎዳ ዬሱስ ኪርስቶሳ ኣዋ ጾሲ ታ ዎርዶቶንታይሳ ኤሬስ።

Geeshsha Maxaafa

³¹ Mernaas galatettida Godaa Yesus Kirstoosa Aawaa Xoossi ta wordotonttayssa erees.

Gamo Geesha Maxxafa New Testamen

³¹ Medhinas galatetida Goda Yesus Kiristoosa Aawa Xoossi ta wordotonttayssa erees.

2ቆሮንቶሴ ኣሳስ 11:31 ပူးပေါင်းရင်းမြစ်များ

ናሂሚያ ማጻፋ 9:5

ኢያሶ፥ ቃዲምኤሌ፥ ባኔ፥ ሃሻቢናዬ፥ ሼሬቢያ፥ ሆዲያ፥ ሼባኒያኔ ፓታያ ጌቴቲዛ ሌዌ ባጋ ኣሳቲ፥ «ኢንቴ ዴንዲ ኤቂዲ ሜርና ጎዳ ኢንቴ ጾሳ ጋላቲቴ፤ ጋላታፔኔ ኣንጆፌ ቁ ቁ ጊዳ ቦንቼቲዳ ጾሳ ሱን ሳቢቴ» ጊዳ።

ዬ ማጻፋ 41:13

ጎዳ ኢስራኤሌ ጾሳይ ሜርናፔ ሜርና ጋካናዉ ጋላቴቶ። ኣሚን! ኣሚን!

ዮሃኒሳ ሚሺራቾ 10:30

ታኒኔ ታ ኣዋይ ኑ ኢሲኖ» ጊዴስ።

ዮሃኒሳ ሚሺራቾ 20:17

ዬሱሲ ቃሴ፥ «ታ ቡሮ ፑዴ ታ ኣዋኮ ኬዛቤኬ፤ ታና ቦቾፋ፤ ጊዶ ኣቲን ኔ ሃኢ ታ ኢሻታኮ ባዳ፥ ‹ታኒ ታ ኣዋኮኔ ኢንቴ ኣዋኮ፥ ታ ጾሳኮኔ ኢንቴ ጾሳኮ ኬዛና ጊዴስ› ጋዳ ኢስታስ ዮታ» ጊዴስ።

ኦሮሜ ኣሳስ 1:25

ኢስቲ ጾሳ ቱማቴ ዎርዶን ላሚዳ፤ ሜዳ ጾሳ ኣጊዲ ሜቴስ ጎይኒዳኔ ኢስታስ ኦዳ፤ ሜዳ ጾሲ ኢዚ ሜርናስ ጋላቴቲዳይሳ። ኣሚን።

ኦሮሜ ኣሳስ 1:9

ታ ኢንቴ ጊሻስ ኡባ ዎዴ ኣይ ማላ ቆፒዛኮኔ ጾሳ ና ሚሺራቾ ሳባኮን ታ ኩሜ ዎዚናፔ ኢዛስ ኦዛ ጾሳይ ታስ ማርካ።

ኦሮሜ ኣሳስ 15:6

ሄሲካ ኢንቴ ኢሲ ዎዚናኒኔ ኢሲ ዶና ጊዲዲ ኑ ጎዳ ዬሱስ ኪርስቶሳ ኣዋ ጾሳ ቦንቻናሳ።

ኦሮሜ ኣሳስ 9:1

ታ ዬሱሳ ሱንን ቱሙ ጋይስ፤ ዎርዶቲኬ፤ ታ ዎዚናይካ ጺሎ ኣያና ባጋራ ታስ ማርካቴስ።

ኦሮሜ ኣሳስ 9:5

ካሴ ኣዋቲካ ኢስታ ባጋ፤ ኪርስቶሲ ኢስታ ዜሬ ዛርኬን ቆዴቴስ፤ ኢዚካ ኡባፌ ቦላ ጊዲዳ ሜርናስ ጋላቴቲዳ ጾሳ። ኣሚን።

2ቆሮንቶሴ ኣሳስ 1:23

ታኒ ቆሮንቶሴ ሲማዳ ኢንቴኮ ቦንታ ኣጊዳይ ኢንቴና ሚሺሲኬ ጋዳኮ፤ ቃሴ ሄሲ ቱሙ ጊዶንታ ዎርዶ ጊዲኮ ጾሲ ታ ቦላ ማርካቶ።

2ቆሮንቶሴ ኣሳስ 1:3

ማሪዛ ኣዋሲኔ ዉርሲካ ሚንዛ ኑ ጎዳ ዬሱስ ኪርስቶሳ ኣዋ ጾሳስ ጋላታይ ጊዶ።

2ቆሮንቶሴ ኣሳስ 11:11

ሄሳስ ጋሶይካ ኣዜ? ታኒ ኢንቴና ሲቆንታ ጊሼ? ታ ኢንቴና ሲቂዛይሳ ጾሲ ኤሬስ።

ጋላቲያ ኣሳስ 1:20

ሃይሳ ታ ኢንቴስ ጻፊዛይሳን ታ ዎርዶ ሃሳዮንታይሳ ጾሳ ሲንን ዮታይስ።

ኤፌሶኔ ኣሳስ 1:3

ኑ ጎዳ ዬሱስ ኪርስቶሳ ባጋራ ሳሎን ኣያና ኣንጆ ኡባን ኑና ኣንጂዳ ጎዳ ዬሱስ ኪርስቶሳ ኣዋይ ጾሲ ኣንጄቶ።

ኤፌሶኔ ኣሳስ 3:14

ሄሳ ጊሻስ ታኒ ጾሳ ሲንን ጉልባታይስ።

ቆላሲያሴ ኣሳስ 1:3

ኑ ኢንቴ ጊሻስ ዎሲዛ ኡባ ጋላስ ኑ ጎዳ ዬሱስ ኪርስቶሳ ኣዋ ጾሳ ጋላቶስ።

1ታሶሎንቄ ኣሳስ 2:5

ኑ ሙሌካ ባሌ ቃላ ዮቲቤኮ ዎይኮ ኑ ኡዜቴ ካማናስ ጊዲ ባሌ ሃኖ ኑ ሃኖንታይሳ ኢንቴ ኤሬታ፤ ሃይሳስካ ኑ ማርካይ ጾሳ።

1ጺምቶሳስ 1:11

ሄ ሎኦ ቲሚርቴይ ኣንጄቲዳ ጾሲ ታስ ሃዳራ ኢሚዳ ቦንቾ ሚሺራቾ ቃላራ ጋጊዛይሳ።

1ጺምቶሳስ 1:17

ሄሳ ጊሻስ ሜርናስ ሃይቂ ኤሮንታ፥ ኣይፌን ቤቲ ኤሮንታ ባርካ ጻላ ጾስ ጊዲዳ ካዎስ ሜርናፔ ሜርና ጋካናስ ኢዛስ ቦንቾይኔ ጋላታይ ጊዶ። ኣሚን።

1ጺምቶሳስ 6:16

ኢዚ ጻላ ሃይቆንታይሳ፤ ኦኒካ ሺቃናስ ዳንዳዮንታ ፖኦ ጊዶን ዴስ፤ ኢዛ ቤኢዳ ኣሲ ኦኒካ ባ፤ ቤያና ዳንዳይዛዴይካ ዴና፤ ኢዛስ ዎልቃይኔ ቦንቾይ ሜርናፔ ሜርናስ ጊዶ። ኣሚን።

1ጴጽሮሳ ኪታ 1:3

ዬሱስ ኪርስቶሲ ሃይቆፔ ዴንዲዳ ጊሻስ ኑስ ዴኦ ጊዲዳ ሂዶታ ኢሚዳይሲ ባ ጊታ ማሮቴን ኑና ባስ ኦራ ናይታ ሂስቲዳ ኑ ጎዳ ዬሱስ ኪርስቶሳ ኣዋይ ጾሲ ጋላቴቶ።