1ጺምቶሳስ 5:5 - ጋሞ ማጻፋ

⁵ ቃሴ ቱማፔ ማዶይ ባይንዳ ባርካ ዲዛ ኣምኤያ ጾስ ጻላ ጼላዉስ፤ ዎሳሲኔ ጾሳፌ ማዶ ዴማናስ ጋላሲኔ ቃማ ሚኔታዉስ።

Geeshsha Maxaafa

⁵ Qasse tumappe maadoy baynda barkka diza am7eya Xoos xalla xeellawus; woosassinne Xoossafe maado demmanaas gallassinne qamma minettawus.

Gamo Geesha Maxxafa New Testamen

⁵ Qasse tumape maadoy bayindda, berkka diza amm7eya Xoossu xaalla xeellawusu. Woosasine Xoossafe maado deemmanas gaallasine qaama miinistawusu.

1ጺምቶሳስ 5:5 ပူးပေါင်းရင်းမြစ်များ

ዬ ማጻፋ 91:4

ኢዚ ባ ዋንጎታን ኔና ካማና፤ ኢዛ ቄፌታ ጋርሳን ኔኒ ቆቴታ ኣታና፤ ኢዛ ኣማኔቴይ ኔስ ጎንዳሌኔ ዜምፖ ጊዳና።

ኢሳያሳ ቲንቢቴ 12:2

‹ቤኢቴ፥ ጾሳይ ታ ኣቶቴ፤ ታኒ ኢዛን ኣማኔቲዛ ጊሻስ ባቢኬ፤ ጎዳይ፥ ጾሳይ ታስ ሚኖቴኔ ዬ፤ ታ ኣቶቴይ ኢዛ› ጋንዳሳ።

ኢሳያሳ ቲንቢቴ 3:26

ጺዮኔ ፔንጌቲ ካሎ ጋዴን ዎ ኡታዳ ዬኪዛ ማጫሳ ማላ ዬካናኔ ዚላላና።

ኢሳያሳ ቲንቢቴ 49:21

ኔኒ ኔ ዎዚናን፥ ‹ሃይታ ታስ ዬሊዳይ ኦኔ? ታኒ ጬጪዛዴኔ ማይኔ፤ ታኒ ጎዴቲዳዴኔ ኢጼቲዳዴ ጊዳ ዲሺን ሃይታንታ ዲቺዳይ ኦኔ? ታኒ ታርካ ኣታዲስ ሺን ሂስቲን ሃይታንቲ ኣዋፔ ዪዶ?› ጋሳ» ጌስ።

ኢሳያሳ ቲንቢቴ 50:10

ኢንቴ ጊዶፌ ጎዳስ ያዪዛይ፥ ኢዛ ኣይላ ቃላስ ኣዛዜቲዛይ ኦኔ? ሄሳዴይ ማን ቢዛ ጊዲኮኔ ፖኦይ ኢዛስ ባይንዳ ኣጊኮ ኢዚ ጎዳ ሱንን ኣማኔቶ፤ ባ ጾሳንካ ዜምፖ።

ኢሳያሳ ቲንቢቴ 54:1

ጎዳይ፥ «ሃኔ ማይኔ ማጫሳዬ፥ ና ዬላ ኤሮንታሬ ዬጻ፤ ኢሊሊ ጋዳ ኡፋይሳን ዋሳ፤ ሃኔ ሚጻታ ኤሮንታሬ፥ ባ ኣዚናራ ዲዛሪ ናይታፔ ኣዚናይ ኣጊዳሪ ናይቲ ዳራና» ጌስ።

ኤርማሳ ዚላስ 1:13

«ኢዚ ቦላ ቃሶሆፔ ታማ ዬዲዴስ፤ ሄ ታማዚካ ኑስ ሜቄን ጌሊዴስ፤ ኑ ቶሆታ ቃቻናስ ጊቴ ዬጊዴስ፤ ሂስቲዲ ኑና ጉዬ ዛሪ ኩንዲሲዴስ፤ ኩሜ ጋላስ ኑና ዳቡርሲዴስ፤ ጮ ሜላካ ቶይላሲዴስ።

ሉቃሳ ሚሺራቾ 18:1

ባና ካሊዛይቲ ኣዛሎንታ ኡባ ዎዴ ዎሳናስ ቤሲዛይሳ ኤሪሳናስ ዬሱሲ ሃ ሌሚሶዛ ኢስታስ ዮቲዴስ።

ሉቃሳ ሚሺራቾ 18:7

ጾሲ ቃማ፥ ጋላሲኔ ኦማርስ ኢዛኮ ዋሲዛ ዶሬቲዳይታስ ፒርዴኔዬ? ታና ኣይ ሜቲዴ! ጊዲ ባ ማዶ ጋምኢሳንዴ?

ሉቃሳ ሚሺራቾ 2:37

ላይይ ኢዚስ ኦስፑን ታማኔ ኦይዱ ላይ ጊዳና ጋካናስ ኦማርሲኔ ጋላስ ጾማሼኔ ዎሳሼ ጾሳ ኬፌ ሻኬቶንታ ኣምኤቴን ጋምኣዱስ።

ሃዋሬታ ኦሶ 26:7

ሃ ኡፋይሳኮ ጋካናስ ኑ ዛርኬቲ ታማኔ ናምኣቲ ጋላሲኔ ቃማ ጾስ ጎይኒሼ ናጊዳ፤ ካዎ ኢንቴስ ሆላ! ኣይሁዳቲ ታና ሞቲዛይ ሃ ዮኦዛ ጊሻሳ።

ሃዋሬታ ኦሶ 6:1

ኣማኒዛይታ ቆዳይ ዳሪ ዳሪ ቢዛ ዎዴ ጊሪኬ ቢታፌ ዪዳ ኣይሁዳ ኣሳቲ ዩሁዳን ዲዛ ኣይሁዳ ኣሳ ጉዬራ ዚጊሬቲዳ፤ ጋሶይካ ኡባ ዎዴ ሚዛ ካ ጊሻሼ ኣምኤታ ዉዴቶንታ ኣጊዳ ጊሻሳ።

ሃዋሬታ ኦሶ 9:39

ጴጽሮሲካ ዴንዲዲ ኪቴቲዳ ኣሳታራ ጋኪዳ ዎዴ ኢዛ ፑዴ ፖቄ ቦላ ኬሲዳ፤ ኣምኤቲካ ዉሪ ኢዛ ዩዪ ኣ ኤቂዲ ዶርቃይ ፓጻ ዳሼ ኢስታራ ኦዳ ቃሚሳታኔ ማይኦታ ቤሲሼ ዬኪዳ።

ሃዋሬታ ኦሶ 9:41

ኢዚካ ኢዚ ኩሼ ኦይኪ ዴንዴስ። ኣማኒዛይታኔ ኣምኤታ ጼይጊዲ ኢዞ ኢስታስ ፓ ኢሚዴስ።

ኦሮሜ ኣሳስ 1:12

ሄሲካ ኢንቴኒኔ ታኒ ኢሶይ ኢሳራ ኣማኖን ሚኔታናሳ።

ኦሮሜ ኣሳስ 1:5

ኪርስቶሳ ሱን ጊሻስ ኣማኖንታ ዴሬይ ኣማናና ማላኔ ኣዛዜታና ማላ ኢዛ ባጋራ ኑኒ ሃዋራቴስ ጋዛ ኪያቴ ኤኪዶስ።

1ቆሮንቶሴ ኣሳስ 7:32

ኢንቴ ሂርጋይ ባይንዳ ዳና ማላ ታ ኮያይስ፤ ማቾንታዴይ ጎዳ ኡፋይሳናስ ጎዳ ጊሻስ ቆፔስ።

1ቆሮንቶሴ ኣሳስ 7:34

ሃይሳን ኢዛ ቆፋይ ናምኡ ኬዚ ሻኬቴስ፤ ጌሎንታ ማጫሳያ ዎይኮ ጌላኦያ ጎዳዝ ጻላ ቆፓዉስ፤ ኢዚስ ጊታ ቆፋይካ ኣሾንካ፥ ኣያናንካ ጎዳስ ዱማቴ፤ ጌሊዳራ ጊዲኮ ባ ኣዚና ኡፋይሳናስ ሃይሳ ኣላሜዛ ሃኖ ጻላ ቆፓዉስ።

ኤፌሶኔ ኣሳስ 6:18

ዎሳን ኣይ ሃኖንካ ኣያናን ዎሲቴ፤ ሄሳ ቆፒዲ ቤጊቴ፤ ኣማኒዛይታ ኡባ ጊሻስ ቃንጾንታ ዎሲቴ።

ፒሊጲሲዮሴ ኣሳስ 4:6

ሃኒዛ ዮኦን ኡባን ጋላታን፥ ዎሳኒኔ ጋናቴን ጾሳ ሲን ሺቂቴ ኣቲን ኣይ ሚሻንካ ሂርጎፍቴ።

1ጺምቶሳስ 2:1

ሄሳ ጊሻስ ኡባፌ ኮይሮ ሃራ ኣሳስ ሾቤ ዎሳ፥ ጋናቴ ዎሳኔ ጋላታ ዎሳ ኣሳ ኡባስ ካዎታሲኔ ዴሬ ኣይሲዛይታስ ኡባስ ዎሳና ማላ ታ ኔና ቆፍሳይስ።

1ጺምቶሳስ 5:16

ኣማኒዛ ማጫሲ ኦኒካ ባሶ ኣሳ ጊዶን ኣምኤቲ ዲዛ ጊዲኮ ዎሳ ኬ ቱሙ ኣምኤታ ጻላ ማዳና ማላ ኢዛካ ባ ባጋራ ባ ኣምኤታ ማዱ ኣቲን ዎሳ ኬስ ቶሆ ጊዳና ማላ ኣጉፉ።

1ጺምቶሳስ 5:3

ኣዳፌ ሜቶቴቲዳ ኣምኤታ ሎኤ ናጋ።

2ጺምቶሳስ 1:3

ፓጬይ ባይንዳ ጋላሲኔ ቃማ ኔ ጊሻስ ዎሳን ቆፍሳሼ ካሴ ኣዋቲ ኦዳ ማላ ጌሻ ዎዚናራ ታ ጎይኒዛ ጾሳ ታ ጋላታይስ።

1ጴጽሮሳ ኪታ 3:5

ቤኒ ዎዴ ባ ሂዶታ ጾሳን ኦዳ ጌሻ ማጫሳቲ ጌጼቲዳይ ሃይሳ ማላና፤ ኢስቲ ባ ኣዚናታስ ኣዛዜቲዳ።

ኡሩቲ ማጻፋ 2:12

ኔኒ ኦዳይሳ ኩሼ ጎዳይ ኔስ ዛሮ። ኔኒ ኢዛ ቄፌ ጋርሳን ኣታናስ ዪዳ ጎዳ ኢስራኤሌ ጾሳይ ኔስ ዳኮ ኢሞ» ጊዴስ።