1ሳሜላ ማጻፋ 29:6 - ጋሞ ማጻፋ

⁶ ሄሳ ጊሻስ ኣንኩሴይ ዳዊቴ ባኮ ጼይጊዲ፥ «ዴኦ ጎዳይ ቤኢን ኔኒ ታስ ኣማኔቲዳ ኣሳ፤ ኔኒ ታኮ ዪዳ ዎዴፔ ዶሚን ሃኖ ጋካናስ ኣይኮ ሞሮካ ታ ኔ ቦላ ቤኦንታ ጊሻስ ኔኒ ታናራ ኢሲፌ ኦላስ ኬዚዳኮ ታኒ ኡፋዬታና፤ ጊዶ ኣቲን ዴራ ኣይሲዛይቲ ኔና ኮዪቤቴና።

Geeshsha Maxaafa

⁶ Hessa gishshas Ankusey Dawite baakko xeygidi, «De7o GODAY be7iin neni taas ammanettida asa; neni taakko yida wodeppe doommiin hanno gakkanaas aykko moorokka ta ne bolla be7ontta gishshas neni tanara issife olaas kezidaakko tani ufayettana; gido attiin deraa ayssizayti nena koyibeettenna.

1ሳሜላ ማጻፋ 29:6 ပူးပေါင်းရင်းမြစ်များ

ሜቴ ማጻፋ 16:6

ኣብራሜይካ ሶራ፥ «ሃኖ ቤያ! ኔ ኣይሌያ ኔ ኩሼን ዳዉስ፤ ኔኒ ኢዞ ኔና ሎኢዳዝ ኦ» ጊዴስ፤ ሄሳፌ ጉዬ ሶራይ ኣጋሮ ቆሂን ኢዛ ኬዛዳ ኢዚፔ ቤታዱስ።

2ሳሜላ ማጻፋ 3:25

ኔሬ ና ኣቢኔሬ ኔ ኤራሳ፤ ኢዚ ዪዳይ ኔና ባሌናስ፥ ኔ ዋና ኬዚዛኮኔ ጌሊዛኮ ኤራናሲኔ ኔ ኦዛ ኡባ ዎቻናስ ዪዴስ» ጊዴስ።

2ካዎታ ማጻፋ 19:27

«ኔ ኣዋን ኡቲዛኮ፥ ኔ ኣይዴ ያዳ ኣይዴ ቢዛኮ ኔ ታ ቦላ ሃንቄቲዳይሳ ታ ኤራይስ።

ዬ ማጻፋ 121:8

ጎዳይ ኔ ቡሳኔ ዩሳ ሃቺፌ ሜርና ጋካናስ ናጋና።

ኢሳያሳ ቲንቢቴ 37:28

«ጊዶ ኣቲን ኔኒ ኡቲዛሶ፥ ኔ ኣይዴ ያዳ ኣይዴ ባናኮ፥ ኔ ታ ቦላ ዋና ሃንቆን ዴንዳናኮ ታ ኤራይስ።

ኢሳያሳ ቲንቢቴ 65:16

ሄሳ ጊሻስ ቢታይ ቦላ ኣንጆ ኮይዛዴይ ቱማ ጾሳ ሱንን ኣንጄታና፤ ቢታይን ጫቂዛ ኣሲ ቱማ ጾሳ ሱንን ጫቃና፤ ካሴ ኣዳ ሜቶቲ ዶጌቲዳ፤ ታ ኣይፌፔካ ጌሚዳ» ጌስ።

ኤርማሳ ቲንቢቴ 12:16

ካሴ ታ ኣሳ ባኣሌ ሱንን ጫቃና ማላ ታማርሶይሳካ፥ ‹ጎዳይ ቤኢን!› ጊዲ ታ ሱንን ጫቂኮ ኢስቲ ታ ኣሳ ጊዶን ጻጵዲ ዳና።

ታይቦ ማጻፋ 27:17

ጋሶይካ ሃይሳ ኔ ዴሬዚ ሄሚዛይ ባይንዳ ዉዴ ማላ ጊዶንታ ማላ ኢዚ ዴራ ኬሲዛዴኔ ጌልዛዴ፥ ዴሬዛካ ካሌዛዴ ጊዳና።»

Maatosa 5:16

ሄሳካ ኣሳይ ኢንቴ ሎኦ ኦሶ ቤኢዲ ሳሎን ዲዛ ኢንቴ ኣዋ ቦንቻና ማላ ኢንቴ ፖኦይ ኣሳ ሲንን ፖኦ።

ዛሬ ማጻፋ 10:20

ጎዳ ኢንቴ ጾሳስ ያዪቴ፤ ኢዛስ ጻላ ጎይኒቴ፤ ኢዛን ኣማኔቲዲ ኢዛ ሱንን ጫቂቴ።

ኢያሶ ማጻፋ 22:30

ቄሴ ፊኒሃሲኔ ኢዛራ ዲዛ ኢስራኤሌ ቆሞታ ሃላቃቲ፥ ኦሮቤሌ፥ ጋዴኔ ሚናሴ ቆሞቲ ዮቲዳይሳ ሲዪዲ፥ ኬሂ ኡፋዬቲዳ።

1ጴጽሮሳ ኪታ 2:12

ኦኔ ኤሪዛይ፥ «ኢንቴና ኢስቲ ኢታ ኦቴስ» ጊዲ ኣሳይ ዚጊርኮካ ጾሲ ኑና ቤያናስ ዪዛ ጋላስ ኣይዛቤቲ ኢንቴ ኦሶይ ሎኦ ጊዲዳይሳ ቤኢዲ ጾስ ጋላታና ማላ ኢንቴ ኢስታራ ዲዛ ዎዴ ኢንቴ ኣማሌይ ሎኦ ጊዶ።

1ጴጽሮሳ ኪታ 3:16

ኢንቴ ኢስታስ ኢማና ዛሮይ ቃሴ ኣሽኬቴኒኔ ቦንቾን ጊዶ፤ ኢንቴ ኪርስቶሳይታ ጊዲዳ ጊሻስ ኢንቴስ ዲዛ ሎኦ ኣማሌዛ ጊሻስ ኢታ ሃሳይዛ ኣሳይ ባ ኢታ ሃሳያን ዬላታና ማላ ኢንቴስ ሎኦ ቆፋይ ዴኦ።

1ሳሜላ ማጻፋ 20:3

ዳዊቲካ ኢዛስ፥ «ታኒ ኔ ሲንን ቦንቼቲዳይሳ ኔ ኣዋይ ሎኤ ኤሬስ፥ ሄሳ ጊሻስ ኢዚ ባ ዎዚናራ፥ ‹ዮናታኔይ ሚሼቶንታ ማላ ሃይሳ ኤራናስ ቤሴና› ጊዴስ። ጊዶ ኣቲን ታኒ ዴኦ ጎዳይ ቤዪን! ታ ኔ ሼምፖን ጫቃይስ! ታስ ሃይቃናስ ኢሲ ታንጎይ ጻላ ኣቲዴስ» ጊ ዛሪዴስ።

1ሳሜላ ማጻፋ 28:10

ሳኦሊካ ኢዚስ፥ «ዴኦ ጎዳይ ቤኢን ሃይሲ ሃ ዮኦዚ ኔ ቦላ ቂጻቴ ኤሄና» ጊ ጫቂዴስ።

1ሳሜላ ማጻፋ 29:3

ፊሊስጼሜታ ኣይሲዛይቲ ኢስታ ቤኢዲ፥ «ሃይቲ ኢብራዌ ኣሳቲ ሃይሳን ኣይ ኦዞ?» ጊዲ ኣንኩሴ ኦይቺዳ። ኣንኩሴይካ ኢስታስ፥ «ሃይሲ ኢስራኤሌ ካዎ ሳኦሌ ኦሳንቻ ዳዊቴ ጊዴኔ? ኢዚ ታናራ ዱስ ዶሚን ላይ ኣዴስ፤ ኢዚ ታ ጋርስ ዪ ጌሎሶፌ ሃች ጋካናስ ኣይ ሞሮካ ኢዛ ቦላ ዴማቤኬ» ጊ ዛሪዴስ።

1ሳሜላ ማጻፋ 29:7

ሃኢ ጊዲኮ ኔኒ ጉዬ ሲማ ሳሮን ባ፤ ፊሊስጼሜታ ኣይሲዛይታ ኡፋይሶንታዝ ኣይ ሚሺካ ኦፋ» ጊ ዮቲዴስ።

1ሳሜላ ማጻፋ 5:8

ሄሳፌ ጉዬ ፊሊስጼሜ ዴሬ ኣይሲዛይታ ኡባ ጼይጊሲዲ «ኢስራኤሌ ጾሳ ጫቆ ቃላ ታቦታ ዎስቲኖ?» ጊ ኦይቺዳ። ኢስቲካ ዛሪዲ፥ «ኢስራኤሌ ጾሳ ጫቆ ቃላ ታቦታ ጌቴ ኤፍቴ» ጊዳ። ሄሳ ጊሻስ ኢስራኤሌ ጾሳ ጫቆ ቃላ ታቦታ ኤፊዳ።