1ሳሜላ ማጻፋ 24:16 - ጋሞ ማጻፋ

¹⁶ ዳዊቲ ሄሳ ሃሳይዲ ዉርሲዳ ማላ ሳኦሊ፥ «ታ ና ዳዊቴ! ኣዳፌ ሃይሲ ኔ ቃላ?» ጊዲ ዬኪሼ ኦይቺዴስ።

Geeshsha Maxaafa

¹⁶ Dawiti hessa haasaydi wursida mala Sa7ooli, «Ta naa Dawitee! Addafe hayssi ne qaalaa?» giidi yeekkishe oychchides.

1ሳሜላ ማጻፋ 24:16 ပူးပေါင်းရင်းမြစ်များ

ሜቴ ማጻፋ 16:5

ሄ ዎዴ ሶራይ ኣብራሜ፥ «ታ ቆሄቲዛ ቆሆይ ኔና ጋኮ፤ ታኒ ታ ኣይሌዮ ኔስ ኢሚን ኢዛ ሃኢ ባስ ሻራይ ኣቲዳይሳ ኤራዳ ታና ሌቃዉስ። ኔሲኔ ታስ ጾሲ ፒርዶ» ጋዱስ።

ሜቴ ማጻፋ 2:2

ጾሲ ባ ኦዳ ኦሶ ኡሱፑን ጋላስ ፖሊዲ ባ ኦዳ ኦሶ ኡባፌ ላፑን ጋላስ ሼምፒዴስ።

ሜቴ ማጻፋ 33:4

ኤሳዌይ ጊዲኮ ኢዛራ ጋጋናስ ዎጺዲ ኢዛ ቆ ቦላ ጻጼቲዲ ዬሪዴስ፤ ናምኣቲካ ዬኪዳ።

1ታሪኬ ማጻፋ 12:18

ሄሳፌ ጉዬ 30 ኣሳታ ሃላቃ ኣማሳዬ ቦላ ጾሳ ኣያናይ ዎን ኢዚ፥ «ዳዊቴ! ኑኒ ኔይታ! ኢሴዬ ና ዳዊቴ! ኑኒ ኔናራ ኢሲፌ ዶስ! ኔሲኔ ኔና ማዲዛይታስ ሳሮይ ጊዶ! ኔ ጾሳይ ኔና ማዳና» ጊዴስ። ሄሳ ጊሻስ ዳዊቲ ሞኪ ኤኪዲ ባ ኦላንቻታ ቦላ ሃላቃ ሂስቲዴስ።

ኢዮቤ ማጻፋ 6:25

ቱማ ቃላይ ጫሞ ጊዲኮካ ኤኬቴስ፤ ኢንቴ ዋላሳይ ጊዲኮ ኣይኮስካ ጎኤና።

ዬ ማጻፋ 119:154

ኔ ታ ጊሻስ ሞቴታዳ ታና ዎዛ፤ ኔ ጊዳ ቃላ ማላ ታና ሼምፖራ ፓጻ ዎ።

ሌሚሶ ማጻፋ 15:1

ሊቆ ዛሮይ ሃንቆ ኢርጺሴስ፤ ፖርዶሎ ቃላይ ጊዲኮ ሃንቆ ዴንስ።

ሌሚሶ ማጻፋ 25:11

ኮሺዛ ዎዴዛን ሃሳዬቲዳ ሊኬ ቃላይ ቢራ ቦላ ቲጌቲዳ ዎርቃ ኣሌቆ ማላ።

ሉቃሳ ሚሺራቾ 21:15

ኢንቴ ሞርኬታፔ ኦኒካ ኢንቴናራ ኤቄታናሲኔ ባሌናስ ዳንዳዮንታ ቃላኔ ጪንጫቴ ታ ኢንቴስ ኢማና።

ሃዋሬታ ኦሶ 6:10

ጊዶ ኣቲን ኤራቴን ኢዚ ሃሳይዛ ሃሳያኔ ኢዛን ዲዛ ኣያና ኤቄታናስ ዳንዳይቤቴና።

ዳናታ ማጻፋ 11:27

ታኒ ታ ባጋራ ኢንቴና ኣይኮካ ቆሃቤኬ፤ ጊዶ ኣቲን ታና ኦላ ኦላዳ ቆሃናስ ዴንዲዳይ ኔና፤ ፒርዲዛ ጎዳይ ሃች ኢስራኤሌ ኣሳሲኔ ኣሞኔ ኣሳስ ጊዶን ፒርዶ» ጊዴስ።

1ሳሜላ ማጻፋ 26:17

ሳኦሊ ዳዊቴ ጬንጉርስ ጊዲዳይሳ ሻኪ ኤሪዲ፥ «ታ ና ዳዊቴ! ሃይሲ ኔ ጬንጉርሴ?» ጊዴስ። ዳዊቲካ፥ «ታ ጎዶ፥ ኤ ታ ጬንጉርሳ» ጊ ዛሪዴስ።

1ሳሜላ ማጻፋ 26:24

ቤኣ ኔ ሼምፖይ ታ ኣይፌ ሲንን ቦንቼቲዳ ማላ ታ ሼምፒያካ ጎዳ ሲንን ቦንቼቲዳሮ ጊዱ፤ ኢዚ ታና ሜቶ ኡባፌ ኣሾ» ጊ ዛሪዴስ።