1ሳሜላ ማጻፋ 17:45 - ጋሞ ማጻፋ

⁴⁵ ዳዊቲ ፊሊስጼሜ ኣዴዛስ፥ «ኔኒ ጊ ማሻ፥ ቶራኔ ጺንቃ ቶራ ኤካዳ ታ ቦላ ያሳ፤ ታኒ ጊዲኮ ኔ ኢዛራ ኤቄቲዳ ኢስራኤሌ ኦላንቻታ ጾሳን፥ ኡባ ዳንዳይዛ ጎዳ ሱንን ኔ ቦላ ባይስ።

Geeshsha Maxaafa

⁴⁵ Dawiti Filisxeeme addezas, «Neni giththa mashsha, tooranne xinqa toora ekkada ta bolla yaasa; tani gidikko ne izara eqettida Isra7eele olanchchata Xoossan, Ubbaa Dandayza GODAA sunththan ne bolla bays.

1ሳሜላ ማጻፋ 17:45 ပူးပေါင်းရင်းမြစ်များ

2ታሪኬ ማጻፋ 14:10

ኣሲካ ኢዛራ ኦሌታናስ ኬኢዲ ባ ኦላንቻታ ማሬሻ ማታን ዴኢዛ ጻፋቴ ዙሌን ሶሆ ሶሆ ኦይዴስ።

2ታሪኬ ማጻፋ 32:8

ኢዛራ ዲዛይቲ ኣሾ ማይኢዳ ኣስ ጊዲሺን ኑናራ ዲዛይ ጊዲኮ ኑና ማዲዛኔ ኑ ሞርኬታ ኦሊዛ ጎዳ ኑ ጾሳ» ጊዲ ሚንዴስ። ዩሁዳ ካዎ ሂዝቂያሲ ዮቲዳ ቃላን ኣሳይ ሚኔቲዴስ።

ዬ ማጻፋ 124:8

ሳሎኔ ሳኣ ሜዳ ጎዳ ሱንን ኑስ ማዶይ ዬስ።

ዬ ማጻፋ 18:2

ጎዳይ ታስ ዛላ፤ ታኒ ኦላፔ ናጌቲዛ ሚጻ፤ ኢዚ ታና ኣሺዛይሳ፤ ታ ጾሳይ ታኒ ኢዛን ጌሜታ ኣቲዛ ዎጋ ዛላ። ኢዚ ታስ ጎንዳሌ፤ ኢዚ ታና ኣሺዛ ካጬ፤ ታስ ኢዚ ሚኖ ዜምፖ።

ዬ ማጻፋ 20:8

ኢስቲ ጴቲዲ ኩንዳና፤ ኑኒ ጊዲኮ ዴንዲዲ ሚኒ ኤቃና።

ዬ ማጻፋ 3:8

ማዶይ ጎዳሳ፤ ጎዳዉ ኔ ኣንጆይ ኔ ዴራ ቦላ ጊዶ።

ዬ ማጻፋ 44:6

ታኒ ታ ቶራን ኣማኔቲኬ፤ ታ ጊ ማሻይካ ታና ኣሼና።

ሌሚሶ ማጻፋ 18:10

ጎዳ ሱን ሚኖ ጊምቤ ማላ፤ ጺሎ ኣሲ ሄ ዎጺዲ ኢታፔ ኣቴስ።

ኢሳያሳ ቲንቢቴ 37:23

ኔ ኦና ጫያይኔ ካዉሻይ? ኦና ቦላ ኔ ቃላ ቁ ሂስታ ሃሳያይ? ኦቶሮ ኣይፌን ኦና ጼላይ? ኢስራኤሌ ጌሻ ቦላ ጊዴኔ!

ኢሳያሳ ቲንቢቴ 37:28

«ጊዶ ኣቲን ኔኒ ኡቲዛሶ፥ ኔ ኣይዴ ያዳ ኣይዴ ባናኮ፥ ኔ ታ ቦላ ዋና ሃንቆን ዴንዳናኮ ታ ኤራይስ።

2ቆሮንቶሴ ኣሳስ 10:4

ኑ ኦላ ሚሻይካ ኦላ ሚጻ ላላናስ ዳንዳይዛ ጾሳ ዎልቃይ ዲዛይሳ ኣቲን ሃይሳ ኣላሜዛ ኦላ ቶራ ጊዴና።

2ቆሮንቶሴ ኣሳስ 3:5

ኑና ሄሳስ ጋዳይ ጾሳፌ ኣቲን ኑኒ ኑ ዎልቃን ኦዶስ ጊዛ ሚሺ ኢሶይካ ዴና።

ፒሊጲሲዮሴ ኣሳስ 4:13

ታስ ዎልቃ ኢሚዛ ኪርስቶሳን ታኒ ኡባ ሚሽ ኦናስ ዳንዳያይስ።

1ሳሜላ ማጻፋ 17:10

ሂስቲዲ ፊሊስጼሜ ዴሬ ኣዴዚ፥ «ሃች ታኒ ኢስራኤሌ ኦላንቻታራ ኤቄታና፤ ኣኔ ኦሌታና ኣስ ኢሚቴ!» ጊዴስ።

1ሳሜላ ማጻፋ 17:26

ዳዊቲ ባ ኣቻን ኤቂዳ ኣሳታ፥ «ኣኔ ሃይሳ ፊሊስጼሜ ኣዴዛ ዎዲ ሃይሳ ሃ ካዉሻቴ ኢስራኤሌ ቦላፌ ዲጊዳዴስ ኣዚ ኦሴታኔ? ቃሴካ ዴኦ ጎዳ ኦላንቻታራ ኤቄታናስ ሃይሲ ቃጻራ ቃንጼቶንታ ፊሊስጼሜዚ ኢዚ ኦኔ?» ጊ ኦይቺዴስ።

1ሳሜላ ማጻፋ 17:36

ታኒ ኔ ኣይሌይ ጋሞኔ ዛርዶ ዎዲስ፤ ሃይሲ ቃጻራ ቃንጼቶንታ ፊሊስጼሜዚ ዴኦ ጾሳ ኦላንቻታራ ኤቄቲዳ ጊሻስ ኢዛ ዉርሴ ኢስታፌ ኢሳ ማላ ጊዳና።

1ሳሜላ ማጻፋ 17:6

ባ ሱሌዛን ጻርቂማላፔ ኦሴቲዳ ጋምባሌ ዎዲ ባ ሃሼን ጻርቂማላፔ ኦሴቲዳ ጺንቃ ቶራ ኦይኪዴስ።