1ሳሜላ ማጻፋ 15:11 - ጋሞ ማጻፋ

¹¹ «ታኒ ሳኦሌ ካዎዳ ጊሻስ ሞታዲስ፤ ጋሶይካ ኢዚ ታና ካሎ ኣጊዲ ጉዬ ሲሚዳ ጊሻሲኔ ታ ኣዛዞ ፖሎንታ ኣጊዳ ጊሻሳ» ጊዴስ። ሳሜሊ ኬሂ ጬጪዲ ኦማርስ ኩሜ ጎዳኮ ዋሲዴስ።

Geeshsha Maxaafa

¹¹ «Tani Sa7oole kawoththida gishshas modhettadis; gaasoykka izi tana kaalo aggidi guye simmida gishshassinne ta azazo polontta aggida gishshassa» gides. Sameeli keehi ceecidi omars kumeth GODAAKKO waassides.

1ሳሜላ ማጻፋ 15:11 ပူးပေါင်းရင်းမြစ်များ

ሜቴ ማጻፋ 6:6

ጎዳይ ኣስ ሃ ቢታ ቦላን ሜዳ ጊሻስ ሞቲዴስ፤ ባ ዎዚናን ኬሂ ሴሌቲዴስ።

ሜቴ ማጻፋ 6:7

ሄሳ ጊሻስ ጎዳይ፥ «ታኒ ሜዳ ኣሳ ሃ ቢታ ቦላፌ ኡባ ይሳና፤ ኣሳ፥ ሜሄ፥ ዶኣ፥ ቢታራ ጎሼቲዛ ሜቴታኔ ካፎታ ይሳና፤ ኣይስ ጊኮ ታኒ ኢስታ ሜዳ ጊሻስ ሚሼታዲስ» ጊዴስ።

2ሳሜላ ማጻፋ 24:16

ጎዳ ኪታንቻይ ዬሩሳላሜ ዲፒ ሂስቲዲ ይሳናስ ባ ኩሼ ዬዲን ኣሳ ቦላ ጋኪዳ ቆሆይ ጎዳ ቃዴስ፤ ሂስቲን ዴሬዛ ዉርሲዛ ኪታንቻዛ፥ «ጊዳና! ኣጋ!» ጊዴስ። ሄ ዎዴ ጎዳ ኪታንቻይ ያቡሴ ዴሬ ኣስ ኦርና ባሌ ኣቻን ኤቂ ዴስ።

1ካዎታ ማጻፋ 11:9

ኢዛስ ናምኡቶ ቆንጪዳ ጎዳ ኢስራኤሌ ጾሳፌ ሶሎሞኔ ዎዚናይ ሃራሶ ሲሚዳ ጊሻስ ጎዳይ ኢዛ ቦላ ሃንቄቲዴስ።

1ታሪኬ ማጻፋ 10:13

ሳኦሊ ጎዳስ ኣማኔቲቤና፤ ኢዛ ቃላካ ናጎንታ ኢጺዲ ሞይቲሌ ጼይጊዛይታ ዞሬ ኦይቺዳ ጊሻስ ሃይቂዴስ።

1ታሪኬ ማጻፋ 21:15

ሄሳፌ ጉዬ ጎዳይ ዬሩሳላሜ ይሳናስ ኪታንቻ ኪቲዴስ፤ ጊዶ ኣቲን ኪታንቻዚ ዬሩሳላሜ ይሳናስ ሺቂ ኡቲዳሺን ጎዳይ ቤኢዲ ሚሼቲዴስ፤ ይሳና ዪዳ ኪታንቻ፥ «ኣጋ! ኢስታ ቦላ ጋኪዳ ባሻይ ጊዳና» ጊዴስ። ሄ ዎዴ ጎዳ ጾሳ ኪታንቻይ ያቡሴ ዴሬ ኣስ ኦርና ባሌ ማታን ኤቂዴስ።

ኢዮቤ ማጻፋ 34:27

ኢዚ ኢስታ ቃጻዪዛይሲ ኢስቲ ኢዛ ካሊዛይሳ ኣጊዳ ጊሻሳ፤ ኢዛ ኣዛዞታካ ኢስቲ ካዳ ጊሻሳ።

ዬ ማጻፋ 109:4

ታኒ ኢስታ ሲቂሺን ኢስቲ ታና ሞቲዳ፤ ጊዶ ኣቲን ታ ዎሳይስ።

ዬ ማጻፋ 110:4

ጎዳይ፥ «ማልኬጼዴቄ ቄሴቴ ማላ ኔኒካ ሜርናስ ቄሴ ጊዳና» ጊዲ ጫቂዴስ፤ ኢዚ ባ ቆፋ ላሜና።

ዬ ማጻፋ 119:136

ኔ ዎጋይ ቦንቼቶንታ ጊሻስ ታ ኣፉን ሃ ማላ ጎጌስ።

ዬ ማጻፋ 125:5

ጊዶ ኣቲን ካሴ ባ ጌላ ኦጌ ሲሚዛይታ ኔኒ ኢታ ኦዛይታራ ኢሲፌ ጋ ቃጻያ፤ ኢስራኤሌስ ሳሮይ ጊዶ!

ዬ ማጻፋ 36:3

ኢዛ ዶናፔ ኬኢዛ ሃሳያይ ጌኔኔ ዎርዶ፤ ኣ ኤራቴኔ ሎኦ ኦሶ ሙሌካ ኣጊዴስ።

ዬ ማጻፋ 78:41

ኢስቲ ዛሪ ዛሪዲ ጾሳ ፓጪዳ፤ ኢስራኤሌ ጌሻ ማዱንዳ።

ዬ ማጻፋ 78:57

ኢስቲ ቤኒ ባንታ ኣዋታ ማላ ማካላንቻታኔ ካዲዛይታ ጊዲዳ፤ ኣማንንታ ቦካ ቶማን ኤቂዳ ቶራ ማላ ጊዲዳ።

ኬሳ ማጻፋ 32:11

ጊዶ ኣቲን ሙሴይ ጎዳ ባ ጾሳ፥ «ኣቤት ጎዶ! ኔኒ ኔ ጊታ ዎልቃኒኔ ኔ ሚኖ ቄሴን ጊብጼፔ ኬሳዳ ኤሂዳ ኔ ኣሳ ቦላ ሄሳ ኣዛስ ሃንቄታይ?

ኬሳ ማጻፋ 32:14

ሄሳ ጊሻስ ጎዳይ ባ ኣሳ ቦላ ኢታ ሚሽ ኤሃናስ ቆፒዳይሳ ኣጊዴስ።

ኤርማሳ ቲንቢቴ 11:10

ኢስቲ ካሴ ታ ቃላ ሲዮንታ ኢጺዲ ናጋራ ኦዳ ባንታ ኣዋታ ማላካ ናጋራ ኦዳ፤ ኢስቲ ሃራ ጾሳታስ ጎይኒዳኔ ኢስታ ካሊዳ፤ ኢስራኤሌ ኣሳይኔ ዩሁዳ ኣሳይ ታኒ ካሴ ኢስታ ኣዋታራ ጫቄቲዳ ጫቆ ቃላ ላሊዳ።

ኤርማሳ ቲንቢቴ 13:17

ኢንቴ ሲዮንታ ኢጺኮ፥ ኢንቴ ኦቶሬቴ ጊሻስ ታ ሼምፖያ ጌማን ዬካና፤ ጎዳ ዉዴይ ዲኤቲ ቢቺዳ ጊሻስ ታኒ ጫሞ ዬሆ ዬካይስ፤ ታ ኣይፌፔ ኣፉን ሃ ማላ ጎጌስ።

ኤርማሳ ቲንቢቴ 34:16

ጊዶ ኣቲን ሃኢካ ኢንቴ ኢንቴ ቆፋ ላሚዲ ታ ሱን ቱኒሲዴታ። ኢንቴ ላኣ ዬዲዳ ኣቱማኔ ማጫ ኣይሌታ ዛሪዲ ኣይሌቴን ሃሪዴታ» ጌስ።

ኤርማሳ ቲንቢቴ 9:1

ሹኬቲዳ ታ ዴራ ጊሻስ ኦማርሲኔ ጋላስ ታ ዬካና ማላ ታ ሁኤይ ሃ ኦላ፥ ታ ኣይፌቲካ ፑልቶ ማላ ኣፉን ጎጊሲዳኮ ታ ኣይ ማላ ዶሳንዲና!

ኤርማሳ ቲንቢቴ 9:18

ኢስቲ ኤሶን ዬቶ፤ ኑ ኣይፌራ ኣፉን ጎጋናሼ ጋካናሲኔ ኑ ሲጲንራ ኣፉን ፑልታና ጋካናስ ኑ ጊሻስ ዚላሌቶ።

ሂዚቄላ ቲንቢቴ 18:24

«ጊዶ ኣቲን ጺሎ ኣሲ ባ ጺሎቴፌ ሲሚዲ ናጋራ ኦኮ፥ ናጋራንቻይ ኦዛ ቱና ሚሽ ኦኮ ቱማፔ ኢዛዴይ ሼምፖራ ፓጻ ዳኔ? ኣካይ፤ ኢዚ ኦዳ ጺሎቴፌ ኢሶይካ ኢዛስ ቆዴቴና፤ ኢዚ ኣማኔቶንታ ኢጺዳ ጋሶኒኔ ኢዚ ኦዳ ናጋራ ኡባ ጋሶን ኢዚ ሃይቃና።

ኣሞጼ ቲንቢቴ 7:3

ጎዳይካ ኢስታስ ሚሼቲዲ፥ «ሃይሲ ኔ ቤኢዛይሲ ፖሌቴና» ጊዲ ታስ ዮቲዴስ።

ዮናሳ ቲንቢቴ 3:10

ኢስቲ ባ ኢታ ኦጌፔ ሲሚዳይሳ ጾሳይ ቤኢዲ ኢስታስ ቃቲዲ ኢስታ ቦላ ኤሃና ጊዳ ፒርዳ ኣጊዴስ።

ዮናሳ ቲንቢቴ 4:2

ሄሳፌ ጉዬ ጎዳ፥ «ኣቤት ጎዳዉ! ታኒ ቡሮ ታ ዴሬን ዳሼ ጊዳይሲ ሃይሳ ጊዴኔ? ታ ኔ ሲንፌ ቤታዳ ታርሴሴ ባናስ ኤሶቲዳይሲ ሄሳሳ፤ ቃታይኔ ማሮታይ ኔናን ኩሚዳ ጾሳ ኔ ጊዲዳይሳ፥ ሃንቆስ ኤሶቶንታይሳኔ ኣጎንታ ሲቆን ኩሚዳይሳ፥ ቃሴ ኤሃና ጊዳ ኢታ ሚሺካ ኣጊዛ ጾሳ ኔ ጊዲዳይሳ ታኒ ካሴካ ኤራይስ።

ሶፎናሳ ቲንቢቴ 1:6

ጎዳ ካላናፔ ጉዬ ሲሚዛይታ፥ ጎዳ ኮዮንታይታ፥ ኢዚ ኢስታ ማዳና ማላ ኦይቾንታይታ ታ ይሳና» ጌስ።

Maatosa 24:13

ዉርሴ ጋካናስ ሚኒዳዴይ ኣታና።

Maatosa 5:44

ታ ቃሴ ኢንቴና ኢንቴ ሞርኬታ ዶሲቴ፤ ኢንቴና ጎዲዛይታስ ዎሲቴ ጋይስ።

ሉቃሳ ሚሺራቾ 6:12

ሄ ጋላሳታፔ ኢሲ ጋላስ ዬሱሲ ዎሳናስ ዙማ ቦላ ኬዚዲ ኦማርስ ኩሜ ጾሳ ዎሲሼ ኣቂዴስ።

Ibirawe 10:38

ጺሎ ኣሲ ጊዲኮ ኣማኖን ዴኦ ዴማና፤ ጉዬ ኡንዱዲዛዴይ ዲኮ ታ ሼምፖያ ኢዛዴ ቦላ ኡፋዬቱኩ።

ኢያሶ ማጻፋ 22:16

«ጎዳ ኣሳይ ኩሜ ኢንቴና፥ ‹ኢስራኤሌ ጾሳ ቦላ ኣይስ ሃይሳ ማላ ኢታ ኦዴቲ? ዋኒዲ ኢንቴ ሃራ ያርሾ ያርሺዛሶ ኢንቴስ ጊግሲዴቲ? ጎዳ ቦላ ዋኒ ማካሊዴቲ? ኢዛ ካሊዛይሳካ ዋኒዲ ኣጊዴቲ?

1ሳሜላ ማጻፋ 12:23

ሄሳፌካ ቦላራ ታ ኢንቴስ ዎሶንታ ኣጋዳ ታ ጎዳ ቆሃናይሲ ታፔ ሃኮ። ታኒ ሎኦኔ ሱሬ ኦጌ ኢንቴና ታማርሳና።

1ሳሜላ ማጻፋ 13:13

ሳሜሊካ ኢዛስ፥ «ኔስ ቤሶንታዝ ኦዳሳ፤ ጎዳ ኔ ጾሳይ ኔስ ኢሚዳ ኣዛዞ ናጋቤካ፤ ኔ ናጊዳኮ ኢስራኤሌ ቦላ ኔ ካዎቴይ ሜርናስ ሚኒ ዳናሺን።

1ሳሜላ ማጻፋ 15:10

ሃይሳፌ ጉዬ ጎዳ ቃላይ ሳሜላኮ ዪዲ፥

1ሳሜላ ማጻፋ 15:3

ሃኢካ ባ፤ ኣማሌቄታ ኦላ! ኢስታስ ዲዛ ሚሽ ሙሌራ ይሳ፤ ኢሲ ሚሺካ ኣሾፋ፤ ኣቱማኔ ማጫ፥ ናኔ ዪ፥ ሜሄታኔ ዶርሳታ፥ ጋሜላኔ ሃሬ ዎ› ጌስ» ጊዴስ።

1ሳሜላ ማጻፋ 15:35

ሳሜሊ ሳኦሌስ ዬኪኮካ ኢዚ ሃይቃናሼ ጋካናስ ናምኣን ኢዛ ቤኣናስ ቢቤና፤ ጎዳይ ሳኦሌ ኢስራኤሌ ቦላ ካዎዳ ጊሻስ ሞቲዴስ።

1ሳሜላ ማጻፋ 15:9

ጊዶ ኣቲን ሳኦሊኔ ኢዛ ኦላ ኣሳቲ ኣጋጌ፥ ሎኦ ዶርሳታኔ ሜሄታ፥ ኦሃላ ማሪኔ ላቃ፥ ሎኦ ሎኦ ጊዲዳ ኡባ ዎንታ ኣጋጊዳ፤ ሄይታንታ ኡባ ዎናስ ኮዪቤቴና፤ ጊዶ ኣቲን ሌቄቲዳይታኔ ሹፉሮታ ይሲዳ።

1ሳሜላ ማጻፋ 16:1

ጎዳይ ሳሜላስ፥ «ኢስራኤሌ ቦላ ካዎቲ ዶንታ ማላ ታ ካዳ ሳኦሌስ ኔ ኣዉዴ ጋካናስ ዬካኔ? ቤቴሊሄሜ ዴሬ ኣስ ኢሴዬኮ ታ ኔና ኪታና ጊሻስ ባሼ ካጬን ዛይቴ ኩን ኤካ ባ፤ ታ ኢዛ ናይታ ጊዶፌ ኢሶይ ካዎ ጊዳና ማላ ዶራዲስ» ጊዴስ።

1ሳሜላ ማጻፋ 8:6

ጊዶ ኣቲን፥ «ኑና ካሌዛ ካዎ ኑስ ካዎ» ጊዳይሲ ሳሜላ ሚሺሲዳ ጊሻስ ሳሜሊ ጎዳ ዎሲዴስ።