1ሳሜላ ማጻፋ 13:5 - ጋሞ ማጻፋ

⁵ ፊሊስጼሜ ኣሳይ 3,000 ፓራ-ጋሬ፥ 6,000 ቶጋንቻታ፥ ቆዳይ ባይንዳ ኣባ ሻሚንታ ማላ ዳሪዳ ኦላ ኣስ ኤኪዲ ኢስራኤሌ ኦላናስ ሺቂዴስ፤ ኦላስ ኬዚዲካ ቤቲ-ኣዌኔፔ ኣርሼይ ሞኪዛ ባጋራ ዲዛ ማኪማሴን ኡቲዳ።

Geeshsha Maxaafa

⁵ Filisxeeme asay 3,000 para-gaare, 6,000 toganchchata, qooday baynda abba shaamintta mala darida ola as ekkidi Isra7eele olanaas shiiqides; olas kezidikka Beeti-Aweneppe arshey mokkiza baggara diza Makimaasen uttida.

1ሳሜላ ማጻፋ 13:5 ပူးပေါင်းရင်းမြစ်များ

ሜቴ ማጻፋ 22:17

ታኒ ኔና ቱሙ ኣንጃና፤ ኔ ዜሬካ ታኒ ሳሎ ጾሊንቴ ማላኔ ኣባ ዶናን ዲዛ ኣጬ ማላ ኦዳ ዳርሳና፤ ኔ ዜሬቲ ባ ሞርኬታ ካታማታ ላታና።

2ሳሜላ ማጻፋ 17:11

«ሄሳ ጊሻስ ታ ኔና ዞሪዛ ዞሬይ ሃይሳ፤ ኢዛስ ቆዳይ ኣባ ሻሚንታ ማላ ዳሪዳ ዳኔፔ ቢዲ ቤርሳቤሄ ጋካናስ ዲዛ ኢስራኤሌ ኣሳይ ኡባይ ኔኮ ሺቂኮ ኔኒ ኔ ሁኤራ ኦላ ካሌ።

1ካዎታ ማጻፋ 20:27

ኢስራኤሌ ኦላንቻቲካ ሺንቄኔ ኦላ ሚሽ ኤኪዲ ኢስታራ ኦሌታናስ ናምኡ ቡቴ ጊዲዲ ኬዚዳ። ኣራሜ ኦላንቻቲ ቢታ ጋዳ ማይኢ ኡቲን ኢስራኤሌ ኦላንቻቲ ጊዲኮ ናምኡ ጉ ዴይሻ ዉዴታ ማላ ኢስታፌ ሲን ባጋራ ዱንካኒ ኡቲዳ።

2ታሪኬ ማጻፋ 1:9

ሃኢካ ኣቤት ታ ጎዳ ጾሳዉ! ኔ ታና ሳኣን ዴኢዛ ጉዱላ ማላ ጮራቲዳ ኣሳ ቦላ ካዎዳ ጊሻስ ካሴ ኔ ታ ኣዋ ዳዊቴስ ጊዳ ቃላይ ፖሌቶ።

ኢሳያሳ ቲንቢቴ 10:28

ኢስቲ ኣያቴራ ቢዲ ሚጌሮኔ ካን ቤቴስ፤ ባስ ዲዛ ሚሻ ማኪማሴን ሺሼቴስ።

ኢሳያሳ ቲንቢቴ 48:19

ኔ ዜሬ ኣባ ሻሚንታ ማላ፥ ኔ ናይቲካ ቆዳይ ባይንዳ ጉዱላ ማላ ጊዳናሺን፤ ኢስታ ሱን ቁጬቴና፤ ታ ሲንፌ ዬቴናሺን» ጌስ።

ኤርማሳ ቲንቢቴ 15:8

ታኒ ኢስታ ኣምኤታ ቆዳ ኣባን ዲዛ ኣጬፔካ ዳርሳና፤ ሚኖ ኣዬታ ይሲዛዝ ሴታ ጋላስ ታ ኢስታ ቦላ ኤሃና፤ ኢስቲ ቆፖንታ ዲሺን ዳጋማኔ ሺሮ ታ ኢስታ ቦላ ዬጋና።

ሆሴኤ ቲንቢቴ 10:5

ሳማሪያ ካታማን ዲዛ ዴሬይ ቤቲ-ኣዌኔን ዲዛ ማራ ሚስሌን ኦሴቲዳ ኤቃ ጾሳስ ያዬስ። ኢዛፔ ቦንቾይ ቃሬቲ ኪቺዳ ጊሻስ ኣሳይ ዬኬስ። ሄ ኤቃ ሚስሌዛ ቄሴቲካ ዋሴቴስ።

ሆሴኤ ቲንቢቴ 4:15

«ኢንቴኖ ኢስራኤሌ ኣሳቶ! ኢንቴ ላይማቲኮካ ዩሁዳ ኣሳይ ላይማታና ማላ ኦፍቴ፤ ሄሳ ጊሻስ ታስ ጎይናናስ ጌልጌላ ዎይኮ ቤቲ-ኣዌኔ ጌቴቲዛሶ ቦፒቴ፤ ‹ዴኦ ጎዳይ ቤዪን› ጊዲ ታ ሱንን ጫቆፍቴ።

ሆሴኤ ቲንቢቴ 5:8

ኣሳይ ኦላስ ኬዛና ማላ ጊቢኣን ዛዬ ዛዪቴ፤ ኤራማን ጹሩምባ ፑኒቴ። ቤቲ-ኣዌኔን፥ ‹ቢኒያሜ ባጋቶ! ኑ ኢንቴናራ ዶስ› ጊሼ ዋሲቴ።

ኦሮሜ ኣሳስ 9:27

ኢሳያሲካ ኢስራኤሌ ናይታ ጊሻስ፥ «ኢስራኤሌ ናይታ ቆዳይ ኣባ ኣጬ ማላ ዳሪኮካ ጉቲ ጻላላ ኣታና።

ኢያሶ ማጻፋ 11:4

ሂስቲን ኢስቲ ባ ኦላንቻታ ኡባ ዴንዲ ዳሮ ፓራታኔ ፓራ-ጋሬታ ኢሲፌ ኢስራኤሌ ኦላናስ ኤኪ ዪዳ። ኢስታስ ቆዳይ ኣባ ዶናን ዲዛ ኣንጮ ማላ ጮራ።

ኢያሶ ማጻፋ 18:12

ፑዴሃ ባጋራ ኢስታ ዛዋይ ዮርዳኖሴ ሻፋፔ ዶሚዲ፥ ኢያርኮ ፑዱንራ ኣ ቢዲ ኣርሼይ ዉሊዛ ባጋራ ቃ ቢታራ ኦይኪዲ ቤቲ-ኣዌኔራ ካንስ።

ኢያሶ ማጻፋ 7:2

ኢያሶይ ቤቴሌ ካታማፔ ኣርሼይ ሞኪዛ ባጋራ ቤቲ-ኣዌኔ ማታን ዲዛ ኣዬ ካታማ ኢያርኮፌ ኣስ ኪቲዲ፥ «ጌዴ ኬኢቴ፤ ቢታዮካ ዎቺቴ» ጊዴስ። ኣሳቲካ ቢዲ ኣዬ ካታማ ዎቺዳ።

ዳናታ ማጻፋ 7:12

ሄ ዎዴ ቦሌ ማላ ጮራቲዳ ሚዲያሜ ኣሳይ ኣማሌቄ ኣሳይኔ ኣርሼ ኬሳ ባጋራ ዲዛ ኣሳይ ኡባይ ሾባ ጊዶን ዱንካኒ ኡቲዴስ። ኢስታ ጋሜላቲ ኣባ ዶናን ዲዛ ኣጬ ማላ ቆዳፔ ዳሮ።

1ሳሜላ ማጻፋ 13:11

ሳሜሊ፥ «ኔ ኣይ ኦዲ?» ጊዲ ኢዛ ኦይቺዴስ፤ ሳኦሊካ ኢዛስ፥ «ኦላ ኣሳይ ላሌቲዳይሳ፥ ኔካ ባሪዳ ሳቴን ዮንታ ኣጊዳይሳ፥ ፊሊስጼሜ ኣሳይ ማኪማሴን ሺቂዳይሳ ቤኣዲስ፤

1ሳሜላ ማጻፋ 13:2

ሳኦሊ ኢስራኤሌ ኣሳፔ 3,000 ኣስ ዶሪዴስ፤ 2,000 ኣሲ ዙምቡላይ ዳሪዛ ቤቴሌኒኔ ማኪማሴን ሳኦሌራ፥ 1,000 ኣሲ ቢኒያሜ ዴሬ ጊቢኣን ዮናታኔራ ዴስ፤ ሃንኮ ዴሬዚ ባሶ ባሶ ባና ማላ ሞይዚዴስ።

1ሳሜላ ማጻፋ 14:23

ሄ ዎዴ ጎዳይ ኢስራኤሌ ኣሺዴስ፤ ኦላዚ ቤቲ-ኣዌኔራ ካን ቢዴስ።

1ሳሜላ ማጻፋ 14:52

ሳኦሌ ካዎቴ ዎዴ ኡባን ፊሊስጼሜታራ ጫሞ ኦላይ ዴስ፤ ሄሳ ጊሻስ ሚኖ ኣስ ዎይኮ ቃራ ኣስ ቤኢዳ ዎዴ ኡባን ኢዛዴ ባኮ ኤሂዲ ኦላንቻታ ጊዶ ጌልስ።

1ሳሜላ ማጻፋ 17:1

ፊሊስጼሜቲ ባ ኦላንቻታ ኦላስ ዩሁዳ ቢታን ሶኮን ሺሺ ዎዳ፤ ኢስቲካ ኢስኮቴፔኔ ኣዜቄፔ ጊዶን ዲዛ ኤፍሲ-ዴሚሜን ዱንካኒ ኡቲዳ።

1ሳሜላ ማጻፋ 7:13

ሄሳን ፊሊስጼሜ ኣሳይ ጾኔቲዳ ጊሻስ ናምኣን ኢስራኤሌ ኣሳ ቦላ ፊሊስጼሜቲ ዎራጂቤቴና፤ ሳሜሊ ሼምፖራ ፓጻ ዲዛ ላይ ኡባን ጎዳ ኩሼይ ፊሊስጼሜታ ቦላ ዴጺዴስ።