1ሳሜላ ማጻፋ 1:10 - ጋሞ ማጻፋ

¹⁰ ሃናይ ኢዚ ዎዚናይ ሜቂዳ ጊሻስ ሂቂማ ዬካሼ ጎዳ ዎሳዱስ።

Geeshsha Maxaafa

¹⁰ Haannay izi wozinay meqqida gishshas hiqima yeekkashe GODAA woossadus.

1ሳሜላ ማጻፋ 1:10 ပူးပေါင်းရင်းမြစ်များ

ሜቴ ማጻፋ 30:1

ኤራሄላ ያቆቤስ ናይ ኢዚፔ ዬሌቶንታይሳ ኤራዳ ባ ሚቼይ ቦላ ቃናታዱስ፤ ሄሳ ጊሻስ ኢዛ ያቆቤ፥ «ታስ ና ኢማ፤ ኢጺስ ጊኮ ታ ሃይቃና» ጋዱስ።

ሜቴ ማጻፋ 50:10

ኢስቲ ዮርዳኖሴ ሻፋ ኣቻን ዲዛ ኣጻዴ ጌቴቲዛ ባሌ ጋኪዲ ባ ቃላ ቁ ሂስቲዲ ኢዛስ ዚላሊዳኔ ዬኪዳ፤ ሄን ዮሴፌይ ባ ኣዋ ዬሆን ላፑን ጋላስ ኡቲዴስ።

2ሳሜላ ማጻፋ 13:36

ኢዚ ቡሮ ዮቲ ዉርሶንታ ዲሺን ካዎዛ ናይቲ ዋሲሼኔ ዬኪሼ ጌሊዳ፤ ሄሳካ ካዎዚኔ ኢዛ ኦሳንቻቲ ኡባይ ኬሂፔ ዬኪዳ።

2ሳሜላ ማጻፋ 17:8

ኔ ኣዋይኔ ኢዛ ኦላንቻቲ ሚኖ ኦላንቻታኔ ማራቲ ኢዚፔ ቦንቄቲቺዳ ዛርዶ ማላ ኢስቲ ባቢሲዛይሳ ኔካ ኤራሳ፤ ሄሳፌ ቦላራካ ኔ ኣዋይ ኦላን ኬሂ ሎሂዳ ኣሳ፤ ኦማርስ ባ ኦላንቻታራ ኣቄና፤

2ካዎታ ማጻፋ 20:3

«ኣቤት ጎዳዉ! ታኒ ኔ ሲንን ኣማኔቴን፥ ኩሜ ዎዚናፔ ሄሜቲዳይሳኔ ኔና ኡፋይሲዛዝ ኦዳይሳ ታስ ቆፓ» ጊዲ ጫሞ ዬሆ ዬኪዴስ።

ኢዮቤ ማጻፋ 10:1

«ዱሲ ታና ሳሌዴስ፤ ታ ዴኢዛ ጫሞ ዴኦዛ ቆንጬን ሲሳና።

ኢዮቤ ማጻፋ 7:11

«ሃይሳፌ ጉዬ ጮኡ ጊኬ! ታስ ኣያናይ ጬጪዳይሳፌ ዴንዲዳይሳን ታ ሃሳያይስ፤ ታ ሼምፖያ ኢራዬቲዳ ጊሻስ ዙዙማይስ።

ኢዮቤ ማጻፋ 9:18

ሼምፖ ታ ዛራና ዎዴይ ጋካናስካ ታስ ሼምፖ ኢሜና፤ ታ ሼምፖን ዋዬ ኩንዴስ።

ዬ ማጻፋ 50:15

ሜቶ ጋላስ ኔ ታና ጼይጋ፤ ታ ኔና ኣሻና፤ ኔካ ታና ቦንቻና» ጌስ።

ዬ ማጻፋ 91:15

ኢዚ ታና ጼይጊዛ ዎዴ ታኒ ኢዛስ ኮያና፤ ኢዚ ሜቶቲዳ ዎዴ ታኒ ኢዛራ ኢሲፌ ጊዳና፤ ታኒ ኢዛ ኣሻናኔ ቦንቻና።

ሌሚሶ ማጻፋ 14:10

ኢሶይ ኢሶይ ባ ዎዚናን ዲዛ ጬጬ ኤሬስ፤ ኢዛ ኡፋይሳ ኦኒካ ኢዛራ ኮጼና።

ኢሳያሳ ቲንቢቴ 38:15

ሂስቲን ታ ኣይ ጋኔ? ኢዚ ባ ሁኤራ ታስ ዮቲዴስ፤ ቃሴካ ባ ሁኤራ ሃይሳ ኦዴስ፤ ታ ሼምፖያ ኬሂፔ ጬጪዳ ጊሻስ፥ ታ ዴኦ ላይ ኡባን ኣሽኬቴን ባና።

ኢሳያሳ ቲንቢቴ 54:6

ናቴን ኤኪዲ ካዳ ማቺ ማላ፤ ኔኒ ዎዚና ሜቂዳኔ ካቲዳ ማቺ ማላ፤ ጊዶ ኣቲን ጎዳይ ኔና ጉዬ ዛሪ ጼይጋና» ጌስ ጾሳይ።

ኤርማሳ ቲንቢቴ 13:17

ኢንቴ ሲዮንታ ኢጺኮ፥ ኢንቴ ኦቶሬቴ ጊሻስ ታ ሼምፖያ ጌማን ዬካና፤ ጎዳ ዉዴይ ዲኤቲ ቢቺዳ ጊሻስ ታኒ ጫሞ ዬሆ ዬካይስ፤ ታ ኣይፌፔ ኣፉን ሃ ማላ ጎጌስ።

ኤርማሳ ቲንቢቴ 22:10

ሃይቂዳ ካዎ ኢዮሲያሳስ ዬኮፍቴ ዎይኮ ካዮቶፍቴ፤ ሄሳ ኣጊዲ ዲኤቲ ቢዳ ሻሉሜስ ሚሼቲዲ ዬኪቴ። ጋሶይካ ኢዚ ሙሌካ ጉዬ ሲሜና፤ ባ ዬሌቲዳ ቢታ ናምኣን ቤኤና።

ኤርማሳ ዚላስ 3:15

ኢዚ ታ ዴኦዛ ጫሞን ኩንዴስ፤ ኢዚ ታና ጪዬ ኡሹ ካልሲዴስ።

ሉቃሳ ሚሺራቾ 22:44

ኢዚካ ኬሂ ጹጌቲዲ ዎሲሺን ኢዛ ኣሳቴፌ ጫዋይ ሱ ማላ ጉኪዴስ።

Ibirawe 5:7

ዬሱሲ ሃይሳ ቢታ ቦላ ዲዛ ዎዴ ኢዛ ሃይቆፔ ኣሻና ዳንዳይዛይሳኮ ኣፉንጺሼ ቃላ ቁ ሂስቲ ዎሲዴስ። ኣዳፌ ኣሽኬቴራ ኢዚ ኣዛዜቲዳ ጊሻስ ኢዛ ዎሳካ ጾሲ ሲዪዴስ።

ዳናታ ማጻፋ 21:2

ኢስራኤሌቲ ቤቴሌ ካታማ ቢዲ ሄን ሳኣይ ቃማና ጋካናስ ጾሳ ሲንን ኡቲዳ፤ ባንታ ቃላካ ቁ ሂስቲዲ ጫሞ ዬሆ ዬኪዳ።

ኡሩቲ ማጻፋ 1:20

ኢዛ ዛራዳ ኢስታስ፥ «ኡባ ዳንዳይዛ ጾሲ ታ ዱሳ ዳሮ ጫሜዳ ጊሻስ ታና፥ ‹ጫሞዬ!› ጊቴ ኣቲን፥ ‹ኑሃሜ› ጎፒቴ።

1ሳሜላ ማጻፋ 1:11

ኢዛካ፥ «ኡባፌ ዎልቃማ ጎዳዉ ታና ኔ ኣይሌይ ካዉሻቴ ኔ ሃ ጼላዳ ታና ኔ ቆፒኮኔ ታና ኔ ኣይሌዮ ባሎንታ ኔ ታስ ኣቱማ ና ኢሚኮ ኢዚ ባ ዴኦ ላይ ኡባን ኔስ ጊዳና ማላ ታኒ ኢዛ ጎዳስ ኢማና፤ ማጋላይካ ኢዛ ሁኤ ቢናና ቦቼና» ጋዉስ።

1ሳሜላ ማጻፋ 1:9

ኢሲ ጋላስ ኢስቲ ሴሎን ዲሼ ሚዲኔ ኡዪዳፔ ጉዬ ሃናይ ዴንዳ ኤቃዱስ። ሄ ዎዴ ቄሴ ኤሌይ ጾሳ ኬ ፔንጌን ቆሲላ ኣቻን ኦይዴ ቦላ ኡቴን ዴስ።