1ካዎታ ማጻፋ 9:9 - ጋሞ ማጻፋ

⁹ ኣሳይ፥ ‹ኢስታ ኣዋታ ጊብጼፔ ኬሲዳ ጎዳ ባንታ ጾሳ ኣጊዲ ኢስቲ ሃራ ጾሳታ ካሊዳ ጊሻሲኔ ኢስታስ ጎይኒዳ ጊሻስ ጎዳይ ኢስታ ቦላ ሃ ኢታ ሚሽ ኡባ ኤሂዴስ› ጊዲ ዛራና» ጊዴስ።

Geeshsha Maxaafa

⁹ Asay, ‹Istta aawata Gibxeppe kessida GODAA bantta Xoossaa aggidi istti hara xoossata kaallida gishshassinne isttas goynnida gishshas GODAY istta bolla ha iita miish ubbaa ehides› giidi zaarana» gides.

1ካዎታ ማጻፋ 9:9 ပူးပေါင်းရင်းမြစ်များ

1ካዎታ ማጻፋ 18:18

ኤላሲ ኣካቤስ፥ «ጎዳ ኣዛዞ ኣጊዲ ባኣሌ ኤቃታስ ጎይኒዲ ቢታ ቡልኣኪዛይ ኔናኔ ኔ ኣዋ ሶ ኣሳ ኣቲን ኢስራኤሌ ቢታ ቡልኣኪዛይ ታና ጊዲኬ።

2ካዎታ ማጻፋ 22:17

ኣሳይ ታና ኣጊዲ ሃራ ኤቃ ጾሳታስ ኤጻኔ ጩዋሲዳ ጊሻስ፥ ኢስቲ ባ ኩሼን ኦዳ ኤቃ ጾሳታን ታና ሃንቄዳ ጊሻስ ታ ሃንቆይ ሃይሳ ሃ ሶሆዛን ታማ ማላ ኤጺሼ ዴኣና ኣቲን ቶኤና› ጌስ ጊዲ ዮቲቴ።

2ታሪኬ ማጻፋ 29:8

ሄሳ ጊሻስ ጎዳ ሃንቆይ ዩሁዳ ቦላኔ ዬሩሳላሜ ቦላ ዎዴስ፤ ኢንቴ ኢንቴ ኣይፌን ቤኢዳይሳ ጎዳይ ኢስታ ዳጋማስ፥ ሚቻሲኔ ቂስ ኣ ኢሚዴስ።

2ታሪኬ ማጻፋ 7:22

ሂስቲን ኣሳይ፥ ‹ኢስታ ኣዋታ ጊብጼፔ ኬሲዳ ጎዳ ባንታ ጾሳ ኣጊዲ ኢስቲ ሃራ ጾሳታ ካሊዳ ጊሻስ፥ ኢስታስ ኦዳ ጊሻሲኔ ኢስታስ ጎይኒዳ ጊሻስ ጎዳይ ኢስታ ቦላ ሃ ኢታ ሚሽ ኡባ ኤሂዴስ› ጊዲ ዛራና» ጊዴስ።

ኤርማሳ ቲንቢቴ 2:19

ኔ ኢታቴ ኔ ቦላ ቂጻቴ ጋና፤ ኔ ታና ካዶይሲ ኔ ቦላ ሃንቆ ኤሃና። ጎዳ ኔ ጾሳ ኔ ኣጊሺን፥ ታስ ያሻቴ ኔ ዉዱ ጎንታ ኢጺሺን ኣይ ማላ ኢታይኔ ጫሞ ሚሺ ኔ ቦላ ጋካናኮ ቆፓ፤ ኣኔ ኣኬካ» ጌስ።

ኤርማሳ ቲንቢቴ 22:8

«ዱማ ዱማ ካዎቴፌ ዪዳ ኣሳይ ሃ ካታማይራ ኣ ቢሼ፥ ‹ጎዳይ ሃኖ ጊታ ካታማዮ ኣይስ ሃይሳ ኦዴ?› ጊዲ ባ ጋርሳን ሃሳዬታና።

ኤርማሳ ቲንቢቴ 44:23

ቤኢቴ፥ ሃች ሃ ባሻይ ኡባይ ኢንቴና ጋኪዳይ ኢንቴ ሃራ ኤቃ ጾሳታስ ኤጻኔ ጩዋሲዳ ጊሻስ፥ ጎዳ ቆሂዳ ጊሻስ፥ ጎዳ ቃላ ናጎንታ ኢጺዳ ጊሻስ፥ ኢዛ ዎጋ፥ ማራኔ ኣዛዞ ቦንቾንታ ኣጊዳ ጊሻሳ» ጊዴስ።

ኤርማሳ ቲንቢቴ 5:19

ኣሳይ ኔና፥ ‹ኑ ጎዳ ኑ ጾሳይ ኑ ቦላ ሃይሳ ኡባ ኣይስ ኦዴ?› ጊዲ ኦይቺዛ ዎዴ ኔኒ ኢስታስ፥ ‹ኢንቴ ታና ጎዳ ኣጊዲ ኢንቴ ቢታን ኣላጋ ጾሳታስ ኦዳ ማላ፥ ኢንቴካ ኣሳ ቢታን ኣላጋታስ ሄሳ ኦና› ጋ» ጊዴስ።

ኤርማሳ ቲንቢቴ 50:7

ዴሚዳ ኡባይ ኢስታ ቆሄስ፤ ኢስታ ሞርኬቲ፥ ‹ኑ ቦላ ሞሮይ ባ፤ ሃይሲ ሜቶይ ኢስታ ጋኪዳይ ባንታ ኣዋታስ ሂዶታ ጊዲዳ ጎዳ፥ ቱማፔ ኢስታስ ዱሳሶ ጊዲዳ ጎዳ ቆሂዳ ጊሻሳ› ጊዳ።

ኤርማሳ ዚላስ 2:15

ኔ ኣቻራ ኣ ቢዛ ኡባይ ኔ ቦላ ባ ኩሼ ባቂ ካኣና፤ ቢታ ኡባን ኣ ሎኦ ጌቴቲዛ ካታማያኔ ዴሬ ኡባይ ኡፋዬቲዛ ካታማያ ሃኒ?» ጋና፤ ቂሼካ ባ ሁኤ ቃና።

ዛሬ ማጻፋ 29:23

ሄ ቢታያ ሙሌራ ጹጌቲዳ ማጺኔኔ ዲኔ ጌቴቲዛ ቢዲን ጊዳና፤ ኢሲ ሚሺካ ኢዚን ቶኬቴና፤ ኣይ ሚሺካ ኢዚን ሞኬና፤ ኢዚን ፑዴ ዲጪዛ ሚሺ ቤቴና፤ ኢዚ ቦላ ጋካና ኩንዴ ጎዳይ ኬሂ ሼኔቲዲ ሙሌራ ይሲዳ ሶዶሜ ማላኔ ጋሞራ ማላ፥ ኣዳማ ማላኔ ጻቦይሜ ማላ ጊዳና።