1ካዎታ ማጻፋ 3:9 - ጋሞ ማጻፋ

⁹ ሄሳ ጊሻስ ታኒ ኔ ኣሳ ኣይሳናስ ሎኦኔ ኢታ ሻካዳ ኤራና ማላ ታስ ኔ ኣይሌዛስ ኣኬኪዛ ዎዚና ኢማ፤ ሂስቶንታ ኣጊኮ ሃ ጊታ ዴሬዛ ኦኒ ካሌና ዳንዳይዜ?» ጊዴስ።

Geeshsha Maxaafa

⁹ Hessa gishshas tani ne asaa ayssanaas lo7onne iita shaakkada erana mala taas ne ayllezas akeekiza wozina imma; histtontta aggiko ha gita dereza ooni kaaleththana dandayzee?» gides.

1ካዎታ ማጻፋ 3:9 ပူးပေါင်းရင်းမြစ်များ

2ሳሜላ ማጻፋ 14:17

«ሃኢካ ታ ኔ ኣይሌያ፥ ‹ካዎይ ታ ጎዳዚ ሎኦ ኢታፔ ሻኪ ኤሮን ጾሳ ኪታንቻ ማላ ጊዲዳ ጊሻስ ታ ጎዳ ካዎዛ ቃላይ ታና ሚን፤ ጎዳ ኔ ጾሳይ ኔናራ ጊዶ› ጋይስ» ጋዱስ።

1ካዎታ ማጻፋ 10:24

ቢታ ቦላ ዲዛ ኣሳይ ኡባይ ጾሲ ሶሎሞኔ ዎዚናን ዎዳ ኣ ኤራቴ ሲያናስ ኢዛኮ ያና ኮዬቴስ።

1ካዎታ ማጻፋ 3:10

ሶሎሞኔይ ሄሳ ኦይቺዳ ጊሻስ ጎዳይ ኡፋዬቲዴስ።

1ካዎታ ማጻፋ 3:28

ኣሳስ ጺሎቴን ፒርዳናስ ኢዛስ ኣ ኤራቴይ ጾሳፌ ኢሜቲዳይሳ ቤኢዳ ጊሻስ ኢስራኤሌ ኣሳይ ኡባይ ካዎይ ፒርዲዳ ፒርዳ ሲዪዳ ዎዴ ካዎዛስ ኬሂፔ ያዪዴስ።

1ታሪኬ ማጻፋ 22:12

ጎዳይ ኔና ኢስራኤሌ ቦላ ካዎዳ ዎዴ ጎዳ ኔ ጾሳ ዎጋ ኔኒ ናጋና ማላ ጾሲ ኔስ ኣ ኤራቴኔ ኣኬካ ኢሞ።

1ታሪኬ ማጻፋ 29:19

ኔ ዎጋ፥ ኔ ኣዛዞኔ ማራታ ናጋና ማላ ታኒ ጊጊሳ ዎዳ ሚሻታን ጾሳ ኬ ኢዚ ኬጻና ማላ ታ ና ሶሎሞኔስ ኩሜ ዎዚና ኢማ» ጊ ዎሲዴስ።

2ታሪኬ ማጻፋ 1:10

ታኒ ሃ ዴራ ካሌና ማላ ኣ ኤራቴኔ ኣኬካ ታስ ኢማ፤ ሂስቶንታ ኣጊኮ ሃይሳ ጊታ ዴራ ኔይሳ ኦኒ ኣይሳናስ ዳንዳይዜ?» ጊዴስ።

ዬ ማጻፋ 119:144

ኔኒ ዮቲዳይሲ ሜርናስካ ጺሎ፤ ታኒ ሼምፖራ ፓጻ ዳና ማላ ኔ ታስ ኣኬካ ኢማ።

ዬ ማጻፋ 119:34

ታኒ ኔ ዎጋ ናጋና ማላኔ ኩሜ ዎዚናፔ ኢዛስ ኣዛዜታና ማላ ኔኒ ታስ ኣኬካ ኢማ።

ዬ ማጻፋ 119:73

ታና ኔ ኩሼይ ሜዴሲኔ ጊግሲዴስ፤ ኔ ኣዛዞ ታኒ ታማራና ማላ ታስ ኣኬካ ኢማ።

ሌሚሶ ማጻፋ 14:8

ኣኬካንቻ ኣሳስ ኣ ኤራቴ ባ ኦጌ ናጎ፤ ኤያታ ኤያቴ ጊዲኮ ኢስታ ጪሜስ።

ሌሚሶ ማጻፋ 16:16

ኣ ኤራቴ ዴሞይ ዎርቃ ዴሚዛይሳፌ ኣስ፤ ኣኬካ ዴሞይ ቢራ ዴሞፔካ ኣስ።

ሌሚሶ ማጻፋ 20:12

ሲዪዛ ሃይኔ ጼሊዛ ኣይፌ፥ ኢስታካ ጎዳይ ሜዴስ።

ኤራንቻታ ማጻፋ 7:11

ኣ ኤራቴ ሎኦ ጺንጾ ማላ፤ ኢዛ ጎኣይ ፖኦ ቤኢዛ ኣስ ኡባሳ።

ኤራንቻታ ማጻፋ 7:19

ኣ ኤራቴ ኣ ኤራንቻስ ኢሚዛ ዎልቃይ ኢሲ ካታማን ዴሬ ሃሪዛ ታማታፔ ኣስ።

ኤርማሳ ቲንቢቴ 1:6

ሂስቲን ታኒ፥ «ኡባ ሃሪዛ ጎዳዉ! ታኒ ቡሮ ና ጊዲዳ ጊሻስ ኣይ ጋ ሃሳያናኮ ታ ኤሪኬ» ጋዲስ።

ኤርማሳ ቲንቢቴ 45:5

ሂስቲን ኔኒ ኔስ ጊታ ሚሽ ኮያይ? ኣሳ ናይታ ኡባ ቦላ ታኒ ባሽ ኤሃና ጊሻስ ኔ ሄሳ ኮዮፓ፤ ጊዶ ኣቲን ኔኒ ቢዳሶ ኡባን ታ ኔ ሼምፖ ኣሻና» ጌስ።

ዳኔላ ቲንቢቴ 2:21

ኢዚ ዎዴታኔ ኣጊናታካ ላሜስ፤ ካዎታ ኣራታን ኡቲሴስ፤ ካዎቴ ኣራታፔካ ዱጌ ዎስ፤ ኤራንቻታስ ኣ ኤራቴ ኣኬኪዛይታሲካ ኤራቴ ኢሜስ።

Maatosa 3:11

ታኒ ማሮቴስ ሃን ጻማቃይስ፤ ሃራይ ኣቶሺን ታ ኢዛ ጫማ ቶካናስ ቤሶንታዴይ ታፔ ኣዛ ሚኖይ ጉዬራ ያና፤ ኢዚካ ጺሎ ኣያናኒኔ ታማን ኢንቴና ጻማቃና።

Maatosa 3:14

ጊዶ ኣቲን ዮሃኒሲ፥ «ሃይሲ ሃኔና፤ ታኒ ኔናን ጻማቄታና ቤሲሺን ኔኒ ዋናዳ ታኮ ያይ?» ጊዲ ኢዛራ ማርሼቲዴስ።

ዮሃኒሳ ሚሺራቾ 5:30

«ታኒ ታ ሼኔን ኣይኮካ ኦናስ ዳንዳይኬ፤ ጊዶ ኣቲን ታ ኣዋፔ ታ ሲዪዳ ማላ ፒርዳይስ። ታና ኪቲዳይሳ ሼኔ ኦይስ ኣቲን ታ ሼኔን ታ ኦንታ ጊሻስ ታ ፒርዳን ባላይ ባ።

2ቆሮንቶሴ ኣሳስ 2:16

ያናይታስ ኑኒ ዎዛ ጺንቆ፤ ኣታናይታስ ቃሴ ሃይቆፔ ዴኦሶ ኤፊዛ ዴኦ ሳዎ፤ ሂስቲን ሃይሳስ ቤሲዛዴይ ኦኔ?

2ቆሮንቶሴ ኣሳስ 3:5

ኑና ሄሳስ ጋዳይ ጾሳፌ ኣቲን ኑኒ ኑ ዎልቃን ኦዶስ ጊዛ ሚሺ ኢሶይካ ዴና።

ኤፌሶኔ ኣሳስ 5:17

ሄሳ ጊሻስ ኤያታ ጊዶፒቴ፤ ጎዳ ሼኔይ ኣዛኮ ዩሺ ቆፒቴ።

ፒሊጲሲዮሴ ኣሳስ 1:10

ሄሲካ ኢንቴ ኡባፌ ኣዛይሳ ሻኪ ኤራና ማላኔ ዬሱስ ኪርስቶሳ ዩሳ ጋላስ ጋካናስ ኢንቴ ጌሻታኔ ዎሶይ ባይንዳይታ ጊዳና ማላ ኮያይስ።

Ibirawe 5:14

ሚኖ ካ ጊዲኮ ሎኦኔ ኢታ ሻኪ ኤራናስ ዳንዳይዛ ዎዚና ኩንዳ ኣሳታሳ።

ያቆቤ ኪታ 1:5

ኢንቴ ጊዶፌ ኦናስካ ኤራቴ ፓጪኮ ኦናካ ሌቆንታ ባ ኪያቴራ ኡባስ ኢሚዛ ጾሳ ዎሶ፤ ኢዛዴስካ ኢሜታና።

ያቆቤ ኪታ 3:17

ሳሎፔ ጊዲዳ ኤራቴያ ጊዲኮ ኮይሮ ጌሻ፤ ጉዬፔካ ሳሮቴ ዶሲዛሮ፥ ዳንዳይዛሮ፥ ኤሮ ጊዛሮ፥ ማሮቴኔ ሎኦ ኣይፌይ ኩሚዳሮ፤ ቃሴ ዎርዶ ማዶንታሮኔ ኡሎን ጌኔይ ባይንዳሮ።