1ታሪኬ ማጻፋ 9:19 - ጋሞ ማጻፋ

¹⁹ ሻሉሜይ ኣቢያሳፌ ናዛ ቆሬ ና፤ ኢዚ ቆራሃ ዛርኬ ኣሳ። ቆሬ ዜሬቲ ካሴ ጎዳ ጾሳ ዱንካኔ ናጊዳ ማላ ሻሎሜይኔ ቆራሃ ዛርኬ ጊዲዳ ኢዛ ዳቦቲ ጾሳ ኬ ናጌቴስ።

Geeshsha Maxaafa

¹⁹ Shaalumey Abiyaasaafe naaza Qoore naa; izi Qoraaha zarkke asa. Qoore zereththati kase Godaa Xoossa Dunkaane naagida mala Shaloomeynne Qoraaha zarkke gidida iza dabboti Xoossa Keeththa naageettes.

1ታሪኬ ማጻፋ 9:19 ပူးပေါင်းရင်းမြစ်များ

2ካዎታ ማጻፋ 11:15

ቄሴ ዮዳሄይ ኦላ ኣሳታ ኣዛዚዛይታ ማቶ ሃላቃታ፥ «ቡቴን ቡቴን ሳልፊዳ ኣሳ ጋርሳፌ ኢዞ ሃራሶ ኬሲቴ፤ ኢዞ ካሊዛይታ ማሻን ቡሳኪቴ» ጊዲ ኣዛዚዴስ፤ ሄሲካ ሃኒዳይ ቄሴዚ ካሴ፥ «ኣሲ ጾሳ ኬን ሃይቃና ቤሴና» ጊዳ ጊሻሳ።

2ካዎታ ማጻፋ 11:9

ማቶ ሃላቃቲ ቄሴ ዮዳሄይ ኣዛዚዛይሳ ኡባካ ኦዳ፤ ኢስታፌ ኢሶይ ኢሶይ ሳምባታ ጋላስ ዛቤ ናጋናስ ጌሊዛይቲኔ ዛቤ ናጊዲ ኬዚዛይቲ ባና ካሊዛይታ ካሌ ኤኪዲ ቄሴ ዮዳሄኮ ጋኪ ዎዳ።

2ካዎታ ማጻፋ 12:10

ሳጺኔዛ ጊዶን ዳሮ ሚሺ ዲዛይሳ ቤዪ ቤኢዲ ካዎዛ ጻፌዚኔ ቄሴታ ሃላቃይ ዪዲ ዪዲ ጾሳ ኬስ ዪዳ ሚሻ ቆዲ ቆዲዲ ካራጺቴን ጌል ቃቺ ዎቴስ።

1ታሪኬ ማጻፋ 9:18

ሃ ዜሬቲ ኣርሼይ ሞኪዛ ባጋራ ዲዛ ካዎ ፔንጌ ጌቴቲዛሶዛ ናጌቴስ፤ ሃይሳፌ ካሴ ኢስቲ ሌዌቲ ዱንካኒ ኡቲዳሶ ጌልዛ ፔንጌ ናጌቴስ።

1ታሪኬ ማጻፋ 9:20

ኤልኤዜሬ ና ፊኒሃሲ ቤኒ ዎዴ ቆራሃ ዛርኬታ ሃላቃ፤ ጎዳይ ኢዛራ ዴስ።

ዬ ማጻፋ 42:1

ዉሻይ ፑልቶ ሃ ላሞቲዛ ማላ፥ ኣቤት ጾሳዉ፥ ታኒካ ኔና ላሞታይስ።

ዬ ማጻፋ 44:1

ኣቤት ጾሳዉ! ቤኒ ኣዳ ዎዴ ኔ ኦዳ ጊታ ሚሻ ኑኒ ሲዪዶስ፤ ኑ ኣዋታ ዎዴካ ኔ ኦዳይሳ ኢስቲ ኑስ ዮቲዳ።

ዬ ማጻፋ 49:1

ዴሬዞ፥ ኢንቴ ኡባቲካ ሃይሳ ሲዪቴ! ኢንቴኖ ሳኣ ቦላ ዲዛ ኡባቶ! ሃይሳ ኤዝጊቴ።

ዬ ማጻፋ 84:10

ሃራሶን ሺ ጋላስ ዴኣናፔ ጾሳ ኬን ኢሲ ጋላስ ዱሲ ሎኦ፤ ኢታታ ዱንካኔን ዳናፔ ጾሳ ኬ ዛጎን ዛቤ ጊዴ ታስ ሎኦ።

ኤርማሳ ቲንቢቴ 35:4

ኢስታ ጾሳ ኬ ኤሃዳ ሃናኔ ናይታ ኪፊሌ ጌልዲስ፤ ሃናኔ ኣዋ ጌዴሊያይ ጾሳ ኣሳ፤ ሄ ኪፊሌዚ ፔንጌ ናጊዛ ሻሎሜ ና ማኢሳያ ኪፊሌፔ ቦላ ባጋራ ሹሜታ ኪፊሌ ማታን ዴስ።

ኤርማሳ ቲንቢቴ 52:24

ካዎዛ ቦንቾ ናጊዛ ዎታዳራታ ሃላቃይ ካሴ ቄሴታ ሃላቃ ሳራያ፥ ኢዛፔ ጋርሳራ ዲዛ ቄሴ ሶፎናሳኔ ፔንጌ ናጊዛ ሄ ዛቤታ ቃቺ ኤፊዴስ።