1ታሪኬ ማጻፋ 25:1 - ጋሞ ማጻፋ

¹ ዳዊቲኔ ኦላ ጋዳዋቲ ኣሳፌ ናይታፔ፥ ሄማኔ ናይታፔኔ ኤዶታኔ ናይታፔ ማሲንቆን፥ ዲኒኔ ዳላን ኣዋጂሼ ቲንቢቴ ዮቲዛይታ ዶሪ ዎዳ፤ ሃይሳ ሃ ኦሶዛ ኦና ማላ ዶሬቲዳ ኣሳታ ሱን ሃይሳፌ ካሊ ዲዛይሳ።

Geeshsha Maxaafa

¹ Dawitinne ola gadawati Aasaafe naytappe, Hemaane naytappenne Edotaane naytappe maasinqon, diiththaninne daalan awajjishe tinbite yootizayta doori woththida; hayssa ha oosoza ooththana mala doorettida asata sunththi hayssafe kaalli dizayssa.

1ታሪኬ ማጻፋ 25:1 ပူးပေါင်းရင်းမြစ်များ

1ካዎታ ማጻፋ 10:12

ካዎ ሶሎሞኔይ ሄ ሳንዳሌዛፔ ጎዳ ኬሲኔ ካዎ ኬስ ቱቄታ፥ ዬጺዛይታስ ዲኔ ማሲንቆ ሜሲዴስ። ሄሳ ማላ ሳንዳሌይ ሄ ጋላሳፌ ሃ ሲሚን ዪ ኤሬና፤ ቤቲካ ኤሬና።)

2ካዎታ ማጻፋ 3:15

ኣኔ ሃኢ ታስ ባጋና ዲጺዛይሳ ኤኪ ዪቴ» ጊዴስ። ባጋና ዲጺዛይ ዲጺሺን ጎዳ ኩሼይ ኤልሳኤ ቦላ ዪዴስ።

1ታሪኬ ማጻፋ 12:28

ኤሬቲዳ ኦላንቻ ሳዶቄ ዳቦታ ጊዶፌ ኢዛራ ጉጂን ናምኡ ታማኔ ናምኣ።

1ታሪኬ ማጻፋ 13:8

ዳዊቲኔ ኢስራኤሌ ኣሳይ ኡባይ ዲን ማሲንቆን፥ ካራቤን፥ ዳላኒኔ ጹሩምባን ባንታ ኩሜ ዎልቃን ጾሳ ሲንን ኡፋዬቲዲ ቦንቺዳ።

1ታሪኬ ማጻፋ 15:28

ሂስቲዲ ኢስራኤሌ ኡባይ ሆምቦጪሼ ጹሩምባኔ ዛዬ ፑኒሼ፥ ዳላ ጊሪሲሼ፥ ዲኔ ማሲንቆ ዲጺሼ ጎዳ ታቦታ ኤሂዳ።

1ታሪኬ ማጻፋ 23:2

ዳዊቲ ኢስራኤሌ ካሌዛ ኡባታ፥ ቄሴታኔ ሌዌታ ኢሲፌ ሺሺዴስ።

1ታሪኬ ማጻፋ 25:2

ኣሳፌ ናይታፔ ዛኩሬ፥ ዮሴፌ፥ ናታኒያኔ ኣሼርኤሌ፤ ሃይቲ ኣሳፌ ናይቲ ካዎይ ኣዛዚን ቲንቢቴ ዮቲዛ ኣሳፌፔ ጋርሳራ ኣዛዜቴቴስ።

1ታሪኬ ማጻፋ 25:3

ኤዶታኔ ናይታፔ ጎዶሊያሳ፥ ጼሬ፥ ዬሻኢያ፥ ሺምኤ፥ ሃሻቢያኔ ማቲቲያ፤ ሃ ኡሱፑናቲ ማሲንቆን ጎዳ ጋላቲሼኔ ቦንቺሼ ቲንቢቴ ዮቲዛ ባ ኣዋ ኤዶታኔፔ ጋርሳራ ኣዛዜቴቴስ።

1ታሪኬ ማጻፋ 25:9

ኮይሮ ሳማይ ኣሳፌ ባጋፌ ጊዲዳ ዮሴፌ ናይታሲኔ ኢዛ ዳቦታስ ኬዚዴስ፤ ኢስታስ ቆዳይ 12፤ ናምኣን ሳማይ ጎዶሊያሳስ፥ ኢዛ ናይታሲኔ ኢዛ ዳቦታስ ኬዚዴስ፤ ኢስታስ ቆዳይ 12።

1ታሪኬ ማጻፋ 6:16

ሌዌ ኣቱማ ናይቲ ጌርሾኔ፥ ቃኣቴኔ ሜራሬ።

1ታሪኬ ማጻፋ 6:33

ባንታ ናይታራ ኢሲፌ ዬጺዛይቲ ሃይሳፌ ካሊ ጻፌቲዳይታ፤ ቃኣቴ ዛርኬታፔ ዬጺዛይ ሄማኔ፤ ሄማኔይ ኢዩኤሌ ና፤ ኢዩኤሌይ ሳሜላ ና፤

1ታሪኬ ማጻፋ 6:39

ኤማኔ ዳቦ ኣሳፌይ ኢዛስ ኡሻቻ ባጋራ ኤቂዲ ኦስ፤ ኣሳፌይ ባራካዬ ና፤ ባራካዬይ ሺምኣ ና፤

1ታሪኬ ማጻፋ 6:44

ኢስታስ ሃዲርሳ ባጋራ ኢስታ ዳቦ ሜራሬ ዛርኬቲ ኤቄቴስ፤ ኤታኔይ ቂሻ ና፤ ቂሺ ኣቢዴ ና፤ ኣብዴይ ማሉኬ ና፤

1ታሪኬ ማጻፋ 9:33

ሌዌ ዛሬታፔ ኣማርዳ ሃላቃቲ ጾሳ ኬን ዬጺዛይታ፤ ኢስቲ ኦማርሲኔ ጋላስ ኦዛ ጊሻስ ሃራ ኦሶ ኦሴቴና፤ ኢስቲ ጾሳ ኬ ጊቤ ጊዶን ዲዛ ኬታን ዴኤቴስ።

2ታሪኬ ማጻፋ 23:1

ላፑን ላይን ዮዳሄይ ሚኒዲ ማቶ ሃላቃታ ዪሮሃሜ ና ኣዛሪያሳ፥ ዪሆሃናኔ ና ኢስማኤሌ፥ ኢዮቤዴ ና ኣዛሪያሳ፥ ኣዳያ ና ማኢሳያኔ ዚኪሬ ና ኤልሻፋጼ ሺሺዲ ኢስታራ ጫቄቲዴስ።

2ታሪኬ ማጻፋ 23:13

ካዎዚ ባ ጌሊዛሶ ፔንጌን ዲዛ ቱቄዛ ማታን ኤቂዳይሳ ቤኣዱስ፤ ሃላቃቲኔ ጹሩምባ ፑኒዛይቲ ካዎዛ ማታን ዴቴስ፤ ዩሁዳ ኣሳይ ኡባይ ኡፋዬቲዲ ጹሩምባ ፑኔቴስ፤ ዬ ዬጺዛይቲካ ሲን ኣዲ ባንታስ ዴኢዛ ዬ ሚሻን ጋላቴቴስ፤ ጎቶሊያይ ባ ማይኦ ዳካዳ፥ «ሃይሲ ማካላ! ሃይሲ ማካላ!» ጋዳ ዋሳዱስ።

2ታሪኬ ማጻፋ 23:18

ዮዳሄይ ሙሴ ዎጋን ጻፌቲዳይሳ ማላኔ ዳዊቲ ኣዛዚዳ ማላ ኡፋይሳን ዬጺሼ ጹጌቲ ሺቂዛ ጎዳ ያርሾዛ ሺሻና ማላ ዳዊቲ ሹሚዳ ቄሴታሲኔ ሌዌታስ ጾሳ ኬን ኦና ኣዋቴ ኢስታስ ኢሚዴስ።

2ታሪኬ ማጻፋ 23:9

ሄሳፌ ጉዬ ቄሴ ዮዳሄይ ጾሳ ኬን ዴኢዛ፥ ቤኒ ካዎ ዳዊቴ ቶራታ፥ ዎጋ ጎንዳሌታኔ ቄሪ ጎንዳሌታ ማቶ ሃላቃታስ ኢሚዴስ።

2ታሪኬ ማጻፋ 29:13

ኤልጻፋኔ ዛርኬፌ ሺሚሬኔ ዪኢኤሌ። ኣሳፌ ዛርኬፌ ዛካራሳኔ ማታኒያ።

2ታሪኬ ማጻፋ 29:14

ሄማኔ ዛርኬፌ ዪሂኤሌኔ ሺምኤ። ኤዶታኔ ዛርኬፌ ሻማኤኔ ኡዚኤሌ።

2ታሪኬ ማጻፋ 31:2

ሂዝቂያሲ ቄሴታኔ ሌዌታ ኢስታ ኦሶ ማራን ማራን ሻኪ ኤሲዴስ፤ ኢስታ ኦሶይ ጹጌቲዛ ያርሾ ሺሾ፥ ኢሲፌቴ ያርሾ ሺሾ፥ ጾሳ ኬን ሃጋዞ፥ ጎዳ ጋላቶኔ ሳቦ።

2ታሪኬ ማጻፋ 34:12

ኢስቲካ ኦሶዛ ኣማኔቴን ኦዳ፤ ኢስታ ኣዋቴን ኦሲሲዛ ሌዌቲ ሜራሬ ዛርኬፌ ያሃቴኔ ኣብዲዩ፥ ቃኣቴ ዛርኬፌ ማሹላሜኔ ዛካራሳ። ዬ ሚሽ ሎኤ ኤሪዛ ሌዌቲ ኡባይ፥

2ታሪኬ ማጻፋ 35:15

ዳዊቲ፥ ኣሳፊ፥ ሄማኒኔ ካዎ ናቤ ኤዶታኔይ ካሴ ኣዛዚዳ ማላ ዬ ዬጺዛ ኣሳፌ ዛርኬቲ ባ ዲዛሶን ዲዛሶን ዴቴስ፤ ፔንጌ ናጊዛይቲካ ባ ናጊዛ ፔንጌ ፔንጌ ናጌቴስ፤ ኢስታ ዳቦ፥ ሌዌቲ ኢስታስ ጊግሲዳ ጊሻስ ኢስቲ ባ ናጊዛሶፔ ኣጊ ቢቤቴና።

2ታሪኬ ማጻፋ 5:12

ዬ ዬጺዛ ሌዌቲ ኡባይ፥ ኣሳፌይ፥ ሄማኔይ፥ ኤዶታኔይ፥ ኢስታ ናይቲኔ ኢስታ ዳቦቲ ኡባይ ሎኦ ላይኖ ማይኢዲ ዳላታ፥ ዲታኔ ማሲንቆታ ኦይኪዲ ያርሾ ያርሺዛሶዛፔ ኣርሼይ ሞኪዛ ባጋራ ኤቂዳ፤ 120 ቄሴቲ ጹሩምባታ ፑናናስ ኢስታ ኣጃቢ ኤቂዳ።

2ታሪኬ ማጻፋ 8:14

ኢዛ ኣዋ ዳዊቲ ካሴ ኣዛዚዳ ማላ ቄሴታ ኢስታ ኦሶን ኦሶን ሻኪ ሱንዴስ፤ ጋላስ ጋላስ ዬን ሳባና ማላኔ ቄሴታ ማዳና ማላ ሌዌታ ሻኪዲ ሱንዴስ። ቃሴካ ጾሳ ኣስ ዳዊቲ ኣዛዚዳ ማላ ጾሳ ኬ ፔንጌ ናጊዛ ዛቤታ ኢስታ ኦሶን ኦሶን ሻኪዲ ሱንዴስ።

ኢዝራ ማጻፋ 2:41

ጾሳ ኬን ዬጺዛ ኣሳፌ ዜሬቲ 128፥

ኢዝራ ማጻፋ 6:18

ሙሴ ማጻፋን ጻፌቲዳ ዎጋ ማላ ዬሩሳላሜን ኬጼቲዳ ጾሳ ኬን ኦሶስ ቄሴታኔ ሌዌታ ኢስታስ ቤሲዛ ማራን ማራን ዎዳ።

ናሂሚያ ማጻፋ 11:17

ዛብዴ ና፥ ሚካ ና ማታኒያ፥ ዬ ዬጺዛይታ ሃላቃ ጊዲዳ ኣሳፌ ና፥ ባ ኢሻታፔ ናምኣንዛ ባቂቡቂያ፥ ሻሙኤ ና ጊዲዳ ኣቢዳ ና፥ ጋላሌ ና፥ ኤዶታኔ ና።

ናሂሚያ ማጻፋ 12:24

ሃሻቢያይ፥ ሼሬቢያይ፥ ኢያሶይ፥ ቢኑዌይኔ ቃዲምኤሌይ ካሌዛ ሌዌ ባጋቲ ናምኡ ኬዚ ሻኬቲዳ። ሄ ናምኡ ባጋቲካ ጾሳ ኣሲ ካዎ ዳዊቲ ኣዛዚዳ ኣዛዞ ማላ ጾሳስ ጋላታ ዬ ሶሬኒኔ ኤዶን ኢሶይ ኢሳፌ ኤኪ ዬጺሼ ሺሺዳ።

ናሂሚያ ማጻፋ 12:27

ዬሩሳላሜ ካታማ ጊምቤይ ኣንጄቲዛ ጋላስ ሌዌ ባጋቲ ዳላን፥ ባጋናኒኔ ማሲንቆን ዬጺዲ ቦንቻና ማላ ኢስቲ ዲዛሶፔ ዲዛሶፔ ኮዬቲዲ ዪዳ።

ዬ ማጻፋ 81:2

ማዛሙሬ ዶሚቴ፤ ካራቤ ባቂቴ፤ ዲኒኔ ማሲንቆን ሎኦ ማዛሙሬ ዬጺቴ።

ዬ ማጻፋ 81:3

ኣጊናይ ጼሪዛ ዎዴኔ ማን ጌሊዛ ዎዴ ባኣሌስ ዛዬ ፑኒቴ።

ሂዚቄላ ቲንቢቴ 40:44

ሄሳፌ ጉዬ ሄ ቢታኔይ ታና ጊዶ ዳባባ ጌልዴስ። ሄሳን ፔንጌቲ ጊዶ ዳባባኮ ዶዬቲዛ ናምኡ ኪፊሌቲ ዴቴስ። ኢስታፌ ኢሲ ኪፊሌይ ፑዴሃ ዲርሳ ፔንጌ ማታራ ዱጌሃ ባጋ ጼሌስ፤ ናምኣንይ ቃሴ ዱጌሃ ዲርሳ ፔንጌ ማታራ ፑዴሃ ባጋ ጼሌስ።

1ሳሜላ ማጻፋ 10:5

«ሄሳፌ ጉዬ ኔኒ ፊሊስጼሜ ኦላንቻቲ ዲዛሶ ጾሳ ዙማ ጊቢኣ ኬዛና፤ ኔ ካታማዮ ጋኪዳ ማላ ናቤታ ዱላታይ፥ ማሲንቆን፥ ካራቤን፥ ዲንኬኒኔ ዲን ኣዣቤቲዲ ቲንቢቴ ዮቲሼ ዙምቡላን ጎይኒዛሶፔ ዱጌ ዎሺን ኔ ኢስታ ዴማና።