1ታሪኬ ማጻፋ 21:13 - ጋሞ ማጻፋ

¹³ ዳዊቲ ጋዴስ፥ «ታ ዶራናስ ኬሃ ሜቶታዲስ፤ ጊዲኮካ ጎዳ ጾሳ ማሮታይ ኬሂ ጊታ ጊዲዳ ጊሻስ ኣሳ ኩሼን ኩንዳናፔ ጾሳ ኩሼን ኩንዴ ታስ ሎኦ» ጊዴስ።

Geeshsha Maxaafa

¹³ Dawiti Gaades, «Ta dooranaas keeha metotadis; gidikkoka Godaa Xoossa maarotay keehi gita gidida gishshas asa kushen kundanaappe Xoossa kushen kundeththi taas lo7o» gides.

1ታሪኬ ማጻፋ 21:13 ပူးပေါင်းရင်းမြစ်များ

2ካዎታ ማጻፋ 6:15

ጾሳ ናቤዛስ ኣይሌይ ዎንታራ ኢዚ ካሬ ኬዚሺን ፓራታኒኔ ፓራ-ጋሬታን ሚኒዳ ዎልቃማ ኦላንቻቲ ካታማዮ ዩዪ ኣ ዲዛይሳ ቤኢዲ፥ «ጎዶ! ኑ ኣይ ኦኮ ሎኦ?» ጊዲ ኦይቺዴስ።

2ካዎታ ማጻፋ 7:4

ጌዴ ካታማዮ ኑ ጌላና ጊኮ ሄን ኮሻይ ዲዛ ጊሻስ ኑኒ ኮሻን ሃይቃና፤ ሃን ሃይሳን ዲኮካ ኑስ ሃይቆይ ኣቴና፤ ኣራሜ ኦላንቻታ ጊዶ ኣኔ ጮኡ ጊዲ ቦስ፤ ኢስቲ ጮኡ ጊኮ ኑ ኣታና፤ ዎኮካ ሄን ሃይቃና» ጊዳ።

2ታሪኬ ማጻፋ 28:9

ኦዴዴ ጌቴቲዛ ጎዳ ናቤይ ሳማሪያን ዴስ፤ ኦዴዲ ሳማሪያ ዪዛ ኦላንቻታራ ጋይታናስ ኬዚዲ፥ «ቤኢቴ፥ ኢንቴ ኣዋታ ጎዳይ ዩሁዳ ሃንቄቲዳ ጊሻስ ኢንቴ ኩሼን ኣ ኢሚዴስ፤ ጊዶ ኣቲን ኢንቴካ ዎጋይ ባይንዳ ሃንቆ ሃንቄቲዲ ኢስታ ዉርሲዴታ።

ኣስቴሪ ማጻፋ 4:11

«ካዎዛ ኣይሌቲኔ ኢዛ ኣዉራጃን ዲዛ ኣሳይ ኡባይ ማጫ ጊዲን፥ ኣቱማ ጊዲን፥ ኦኒካ ካዎዚ ጼይጎንታ ዲሺን ካዎዚ ዲዛሶ ጌሊዛዴስ ካዎዛፔ ኢሲ ዎጋይ ዲዛይሳ ኤሬስ፤ ሄ ዎጋዛካ ሜንዳዴይ ሃይቄስ። ኣሲ ሄሳ ማላ ሃይቆፔ ኣታና ዳንዳይዛይ ካዎዚ ዎርቃ ጉፌዛ ዴን ቤሲሺና። ታኒ ካዎዛኮ ጌላናስ ጼይጌቶሶፌ ሃች ጋካናስ ሄ ታሙ ጋላሳፌ ኣዴስ» ጊ ዮታና ማላ ኢዛስ ዮታዱስ።

ኣስቴሪ ማጻፋ 4:16

«ባዳ ሱሳን ዲዛ ኣይሁዳ ኣሳ ኡባ ኢሲሶ ሺሻ። ሂስቲዲ ታስ ጾሚቴ፤ ሄ ጋላሲኔ ሄ ኦማርስ ጋካናስ ሞፒቴኔ ኡዮፒቴ። ታኒኔ ታ ዳንጋጺሬቲ ሄሳ ጾማና፤ ሄሲ ፖሌቲዳፔ ጉዬ ሃኖዚ ዎጋፔ ካሬራ ጊዲኮካ ታኒ ካዎዛኮ ጌላና፤ ታኒ ሃይቂኮካ ሃይቃና» ጊዛ ዛሮ ዬዳዱስ።

ዬ ማጻፋ 103:8

ጎዳይ ቃቲዛዴኔ ማሪዛዴ፤ ኢዚ ሃንቄታናስ ኤሶቶንታዴ፤ ኢዛ ሲቆይ ኬሂፔ ዳሮ።

ዬ ማጻፋ 106:7

ኑ ኣዋቲ ጊብጼን ዴኢዛ ዎዴ፥ ኔ ማላሊሲዛ ኦሶ ቆፒቤቴና። ኔ ሲቆ ዳሮቴ ኢስቲ ኣኬኪቤቴና፤ ዞኦ ኣባ ላንቄን ማካሊዳ።

ዬ ማጻፋ 119:156

ኣቤት ጎዳዉ! ኔ ቃታይ ዳሮ፤ ኔ ቃላ ማላ ታና ሼምፖራ ፓጻ ዎ።

ዬ ማጻፋ 130:4

ጊዶ ኣቲን ኑኒ ኔና ቦንቻና ማላ ኔኒ ኑ ናጋራ ኣቶ ጋሳ።

ዬ ማጻፋ 130:7

ጎዳ ኣቻን ሲቆይኔ ማሮቴ ዲዛ ጊሻስ ኢስራኤሌ ኣሳዉ! ጎዳን ሂዶታ ኦቴ።

ዬ ማጻፋ 5:7

ጊዶ ኣቲን ታኒ ኔ ማሮ ዳሮን ኔ ኬ ጌላና። ኔ ጌሻ ኬኮ ሲማዳ ቦንቾኒኔ ያሻቴን ኔስ ጎይናና።

ዬ ማጻፋ 69:13

ኣቤት ጎዳዉ! ታኒ ጊዲኮ ኔና ዎሳይስ። ኣቤት ጾሳዉ! ኔ ዶሪዳ ዎዴ ታ ዎሳ ሲያ፤ ኔ ሜርና ሲቆን ኔ ኣሺዛ ኣሾዛ ታና ቤሳ።

ዬ ማጻፋ 69:16

ኣቤት ጎዳዉ! ኔ ሜርና ሲቆ ኪያቴ ማላ ታስ ዛሮ ኢማ፤ ኔ ቃታ ዳሮን ታኮ ሲማ።

ዬ ማጻፋ 86:15

ጊዶ ኣቲን ኣቤት ጎዳዉ! ኔኒ ቃቲዛዴኔ ማሪዛ ጾሳ፤ ሃንቄታናስ ጋምኢዛ ጾሳ፤ ኔ ሲቆይኔ ኔ ኣማኔቴይ ኬሂ ዳሮ።

ዬ ማጻፋ 86:5

ኣቤት ጎዳዉ! ኔኒ ኑስ ኪያኔ ኣቶ ጊዛዴ፤ ኔና ዎሲዛ ኡባስ ኔ ሜርና ሲቆ ቤሳሳ።

ሌሚሶ ማጻፋ 12:10

ጺሎ ኣሲ ባ ሜሄስ ቃቴስ፤ ኢታ ኣሲ ኪያቴስ ጊኮካ ሜንጼ ኢታ።

ኢሳያሳ ቲንቢቴ 46:7

ዴንዲ ባንታ ሃሼን ቶኬቴስ፤ ዛሪዲ ሄ ዴንዳ ሶሆን ዎቴስ፤ ኢዚካ ሄን ኤቃ ጌስ፤ ሄፔ ኣዋካ ቃጼና፤ ኦኒካ ኢዛኮ ዋሲኮ ዛሮ ኢሜና፤ ሜቶፔካ ኢዛ ኣሼና።

ኢሳያሳ ቲንቢቴ 47:6

ታኒ ታ ዴራ ሃንቄታዲስ፤ ታኒ ጺንጾዛካ ቱኒሳዲስ፤ ታኒ ኢስታ ኔ ኩሼን ኣ ኢማዲስ። ኔኒ ጊዲኮ ኢስታስ ቃታቤካ፤ ጪሚዳይታ ቦላካ ኬሂ ዴጾ ቃምባራ ዎዳሳ።

ኢሳያሳ ቲንቢቴ 55:7

ኢታ ኣሲ ባ ኦጌ፥ ቆሂዛይካ ባ ቆፋ ኣጎ፤ ጎዳኮ ሲሞ። ኢዚካ ኢዛ ማራና፤ ኢዛ ማሮቴይ ዳሮ ጊዲዳ ጊሻስ ኢዚ ኑ ጾሳኮ ሲሞ።

ኢሳያሳ ቲንቢቴ 63:15

ኣቤት ጎዳዉ፥ ዱማቲዳ፥ ቦንቼቲዳኔ ቁ ጊዳ ኔ ኣራታፔ ሳሎፔ ዱጌ ጼላ፤ ኔ ዎልቃይኔ ኔ ሚሼቲዛ ሚሾይ ኣዋኔ? ኔ ኣሽኬቴይኔ ኔ ቃቴ ኑፔ ሃኪዴስ።

ኢሳያሳ ቲንቢቴ 63:7

ጎዳ ኪያቴ፥ ጎዳይ ኑስ ኦዳ ኦሶ ኡባ ጊሻስ፥ ኢዚ ጋላቴቲዛ ኦሶዛ ጊሻስ፥ ኢዛ ሲቆዛኔ ኢዛ ኪያቴ ኬና፥ ኢስራኤሌ ኬስ ኢዚ ኦዳይሳ፥ ኤ ኢዚ ኦዳ ሎኦ ኦሶታ ጊሻስ ታ ዮታና።

ኤርማሳ ዚላስ 3:32

ኢዚ ኣሳ ቦላ ሜቶ ኤሂኮካ ባ ሜርና ሲቆን ሲሚ ቃቴስ፤

ዮናሳ ቲንቢቴ 3:9

ሂስቲኮ ጾሳይ ኑስ ቃቲዲ ኑ ዮንታ ማላ ባ ዎልቃማ ሃንቆፌ ሲማናኮ ኦኔ ኤሪዛይ» ጊዴስ።

ዮናሳ ቲንቢቴ 4:2

ሄሳፌ ጉዬ ጎዳ፥ «ኣቤት ጎዳዉ! ታኒ ቡሮ ታ ዴሬን ዳሼ ጊዳይሲ ሃይሳ ጊዴኔ? ታ ኔ ሲንፌ ቤታዳ ታርሴሴ ባናስ ኤሶቲዳይሲ ሄሳሳ፤ ቃታይኔ ማሮታይ ኔናን ኩሚዳ ጾሳ ኔ ጊዲዳይሳ፥ ሃንቆስ ኤሶቶንታይሳኔ ኣጎንታ ሲቆን ኩሚዳይሳ፥ ቃሴ ኤሃና ጊዳ ኢታ ሚሺካ ኣጊዛ ጾሳ ኔ ጊዲዳይሳ ታኒ ካሴካ ኤራይስ።

ሚኪያሳ ቲንቢቴ 7:18

ይሼ ኣቲዳ ዜሬ ናጋራ ኣቶ ጊ ማሪዛ ኔ ማላ ጾሲ ኦኔ? ኔኒ ሜርናስ ሃንቄታካ፤ ማሮ ጌሊዛይሳን ኔ ኡፋዬታሳ።

ኢምባቆ ቲንቢቴ 3:2

ኣቤት ጎዳዉ! ታ ኔ ጎባቴ ጊሻስ ሲያዲስ። ጎዳዉ ኔ ኦሶይካ ታና ያሺሲዴስ፤ ኔኒ ኔ ኦሶ ኑ ዎዴን ኦራ፤ ኔ ኦሶቲ ኑ ዎዴንካ ኤሬታና ማላ ኦርኪ! ሃንቆ ዎዴካ ማሮቴ ቆፓርኪ!

ዮሃኒሳ ሚሺራቾ 12:27

ቃሴካ ዬሱሲ፥ «ሄኮ ታ ሼምፖያ ሜቶታዱስ፤ ‹ታ ኣዋዉ! ሃ ሳቴይፔ ታና ኣሻ ጎሻ?› ታ ሂዝጎንታ ማላ ታ ዪዳይ ሃኖ ሃ ሜቶ ሳቴይሳ።

ፒሊጲሲዮሴ ኣሳስ 1:23

ሃ ናምኡ ሃኖታን ሜቶቴታዲስ፤ ታ ባዳ ኪርስቶሳራ ዳናስ ላሞታይስ፤ ሄሲ ሃራ ኡባፌ ኬሂ ሎኦ።

Ibirawe 10:31

ዴኦ ጾሳ ኩሼን ኩንዴ ዳሮ ባቢሴስ።