1ታሪኬ ማጻፋ 21:12 - ጋሞ ማጻፋ

¹² ሄ ላይ ኮሻ፥ ዎይኮ ሄ ኣጊና ኩሜ ኔ ሞርኬታን ጎዴቴ፥ ዎይኮ ሄ ጋላስ ኢታ ሃርጌ ኤሂዛ ጾሳ ማሻይ ቢታ ቦላ ዪን ኢስራኤሌ ኡባ ቦላ ሃይቆ ኤሂዛ ጾሳ ኪታንቻ ዩስ፥ ሄሳ ጊሻስ ታና ኪቲዳ ጾሳስ ታ ኣይ ዛራ ዮታናኮ ሄይታንታፌ ኔ ዶሮይሳ ታስ ዮታ» ጊዴስ።

Geeshsha Maxaafa

¹² heedzdzu layththa kosha, woykko heedzdzu agina kumeth ne morkketan goodeteth, woykko heedzdzu gallas iita harge ehiza Xoossa mashshay biitta bolla yiin Isra7eele ubbaa bolla hayqo ehiza Xoossa kiitanchcha yuus, hessa gishshas tana kiittida Xoossaas ta ay zaara yootanaakko heytanttafe ne dooroyssa taas yoota» gides.

1ታሪኬ ማጻፋ 21:12 ပူးပေါင်းရင်းမြစ်များ

2ሳሜላ ማጻፋ 21:1

ዳዊቴ ካዎቴ ዎዴ ሄ ላይ ኩሜ ኢታ ኮሻይ ቢታ ቦላ ዴንዲዴስ፤ ሄሳ ጊሻስ ዳዊቲ ጎዳ ኦይቺዴስ፤ ጎዳይካ ኢዛስ፥ «ሳኦሊ ጌባኦኔ ኣሳ ዎ ዉርሲዳ ጊሻስ ኢዛ ቦላኔ ኢዛሶ ኣሳ ቦላ ሱ ኣጮይ ዴስ» ጊዴስ።

1ካዎታ ማጻፋ 17:1

ጋላኣዴን ቴሲቤ ጌቴቲዛሶፔ ዪዳ ናቤ ኤላሲ ካዎ ኣካቤስ፥ «ታኒ ኢዛስ ኦዛ ጎዳ ኢስራኤሌ ጾሳይ ቤዪን ሃይሳፌ ያና ላይታን ታኒ ዮቶንታ ዲሺን ሳኣን ኢራይ ቡኬና ዎይኮ ጻዛይካ ጻዛቴና» ጊዴስ።

2ካዎታ ማጻፋ 19:35

ሄ ጋላሳ ኦማርስ ጎዳ ኪታንቻይ ኬዚዲ ኣሶሬ ኣሳይ ዱንካኒ ኡቲዳሶሆን 185,000 ኣስ ዎዴስ፤ ዎንቴ ጋላስ ኣሳይ ዴንዲሺን ሄራ ኡባን ኣሃይ ኩሚዴስ።

2ካዎታ ማጻፋ 8:1

ሄ ዎዴ ካሴ ኤልሳኢ ኢዚ ናዛ ሃይቆፔ ዴንዳ ማጫሳይስ ጾሲ፥ «ሃ ቢታ ቦላ ላፑን ላይ ኮሻይ ዴንዳና ማላ ጎዳይ ቃቺዳ ጊሻስ ኔኒ ዴንዳ፤ ሄ ዎዴይ ኣና ጋካናስ ኔሶ ኣሳራ ኔ ዳናሶ ባሻ» ጊዴስ።

1ታሪኬ ማጻፋ 21:11

ሂስቲን ጋዴይ ዳዊቴኮ ቢዲ፥ «ጎዳይ ኔ ሲንን ዎይሳፌ ኢሳ ዶራ፤

ዬ ማጻፋ 91:6

ማን ኦይኪዛ ሃርጌስ፥ ዎይኮ ሴታ ጋላሳን ዉርሲዛ ኢታ ሃርጌስ ያያካ።

ኬሳ ማጻፋ 12:23

ጎዳይ ጊብጼ ባይራ ናይታ ዎናስ ሄ ቢታራ ሄሜቲዛ ዎዴ ሱ ኬ ቆሲላታኒኔ ቆሬታ ቦላ ቤኢዲ ካሬራ ኣ ባና፤ ዎዛይሲ ኢንቴ ሶ ጌሊዲ ኢንቴና ዎንታ ማላ ኢዛ ጎዳይ ዲጋና።

ኢሳያሳ ቲንቢቴ 66:16

ታማኒኔ ማሻን ጎዳይ ባ ፒርዳ ኣሳ ኡባ ቦላ ኤሃና፤ ዳሮቲ ጎዳ ማሻን ሹኬታና።

ኤርማሳ ቲንቢቴ 12:12

ባዞን ዲዛ ዙምቡላታ ቦላፌ ይሲዛይቲ ያና፤ ጋሶይካ ጎዳ ማሻይ ቢታ ሃ ጋጻፔ ሄ ጋጻ ጋካናስ ማና። ሄሳ ጊሻስ ኦኒካ ኣታናስ ዳንዳዬና።

ኤርማሳ ቲንቢቴ 42:16

ኢንቴ ባቢዳ ማሻይ ኢንቴና ሄን ዴማና፤ ኢንቴ ሂርጊዳ ኮሻይካ ኢንቴና ካሊዲ ጊብጼ ጋካናስ ባና፤ ኢንቴካ ሄን ሃይቃና።

ኤርማሳ ቲንቢቴ 47:6

«ኢንቴ፥ ‹ኔኖ ጎዳ ማሻዉ! ኔ ኣይዴ ሼምፓኔ? ኔ ኮሆን ሲማ ጌላ፤ ኔኒ ጮኡ ጋዳ ኡታ› ጋና።

ኤርማሳ ዚላስ 4:9

ኮሻን ሃይቂዳይታፔ ማሻን ሃይቂዳይቲ ሎኦ፤

ሌዌታ ማጻፋ 26:10

ካይ ኢንቴስ ላይፌ ላይ ጋና፤ ሄሳፌ ዴንዲዳይሳን ኦራ ጋኪዳ ካ ጌልናስ ዚላይ ካፌ ኣቲዳይሳ ሃራሶ ኬሴታ።

ሌዌታ ማጻፋ 26:17

ታኒ ኢንቴ ቦላ ሃንቆን ዴንዲዛ ጊሻስ ኢንቴ ጾኔታና፤ ኢንቴ ኢጺዛ ኢንቴ ሞርኬቲ ኢንቴና ሃራና፤ ኦኒካ ኢንቴና ጎዶንታ ኢንቴ ኢንቴርካ ባቃታና።

ሉቃሳ ሚሺራቾ 4:25

«ጊዶ ኣቲን ታ ኢንቴስ ቱማ ጋይስ፤ ሄ ላይኔ ባጋ ጋካናስ ሳሎይ ጎርዴቲን ዎልቃማ ኮሻይ ቢታ ቦላ ሃኒዳ ኤላሳ ዎዴ ሄ ላይታን ኣዚናይ ባይንዳ ዳሮ ማጫሳቲ ኢስራኤሌ ቢታን ዴቴስ ሺን ኤላሲ ኢስታፌ ኢሲኔይኮካ ኪቴቲቤና። ጊዶ ኣቲን ሲዶና ጌቴቲዛ ቢታን ሴራጲታ ጌቴቲዛ ካታማን ዲዛ ኢሲ ኣዚናይ ባይንዳ ማጫሳይኮ ኪቴቲዴስ።

ሃዋሬታ ኦሶ 12:23

ሄርዶሲካ ጾሳስ ቦንቾ ኢሞንታ ኣጊዳ ጊሻስ ጎዳ ኪታንቻይ ሄራካ ሄርዶሳ ሾጪ ዬጊን ጉጹኒ ሃይቂዴስ።

ዛሬ ማጻፋ 28:15

ቃሴ ኔኒ ጎዳ ኔ ጾሳስ ኣዛዜቶንታ ኢጺኮ፥ ታኒ ኔስ ኢሚዛ ዎጋታኔ ኣዛዞታ ኔ ኣማኔታዳ ናጎንታ ኢጺኮ ሃይሳፌ ካሊዛ ቃንጌቲ ኔ ቦላ ጋካናኔ ኔና ኤኪ ባና።

ዛሬ ማጻፋ 28:22

ጎዳይ ኔና ጊልቃቴን፥ ሚሾኒኔ ቆጾን፥ ማዱንን፥ ጹጊዛ ኣዋኒኔ ኮሻን ይሳና፤ ኔ ካ ይሳናስ ኩቱልኤኔ ሎቤ ኔ ቦላ ዬዳና።

ዛሬ ማጻፋ 28:25

ጎዳይ ኔ ሞርኬታ ሲንን ኔኒ ጾኔታና ማላ ኦና፤ ኔኒ ኢስታ ቦላ ኢሲ ኦጌራ ባናሺን ኢስታፌ ኣታናስ ላፑናሶራ ባቃታና፤ ቢታ ቦላ ዲዛ ካዎቴቲ ኡባይ ኔ ቦላ ጋኪዛይሳ ቤኢዲ ሂርጋን ኮኮራና።

ዛሬ ማጻፋ 28:27

ጎዳይ ኔና ፓጾንታ ጊብጼ ዴሬ ሃርጌን፥ ኪጻን፥ ጊዪዛ ማዱንኒኔ ፑሶ ሃርጌን ሾጫና።

ዛሬ ማጻፋ 28:35

ጎዳይ ኔስ ቶሆ ጹጉንፌ ቢዲ ሁኤ ቢናና ጋካናስ ሚዛ ፓጾንታ ኢታ ማዱንኒኔ ኪጻን ኔ ሱሌኔ ኔ ዎዲራ ሾጫና።