1ታሪኬ ማጻፋ 1:32 - ጋሞ ማጻፋ

³² ኬጹራይ ኣብራሃሜስ ዬሊዳ ኡሱፑን ኣቱማ ናይቲ ዚሚራኔ፥ ዮቂሻኔ፥ ማዳ፥ ሚዲያኔ፥ ዪሺባቄኔ ሹሃ ጌቴቴቴስ። ዮቂሻኔይ ሳባኔ ዳዳኔ ጌቴቲዛ ናምኡ ኣቱማ ናይታ ዬሊዴስ።

Geeshsha Maxaafa

³² Keexuray Abrahaames yelida usuppun attuma nayti Zimiraane, Yoqishaane, Maadda, Midiyaane, Yishibaaqenne Shuha geetetteettes. Yoqishaaney Saabanne Dadaane geetettiza nam7u attuma nayta yelides.

1ታሪኬ ማጻፋ 1:32 ပူးပေါင်းရင်းမြစ်များ

ሜቴ ማጻፋ 37:28

ሄሳ ጊሻስ ሚዲያሜ ቢታ ዛልኣንቻቲ ሄሳራ ኣሺን ኢዛ ኢሻቲ ዮሴፌ ኦላፌ ኬሲዲ ኢስማኤሌ ኣሳታስ 20 ቢራስ ባይዚን ኢስቲ ዮሴፌ ጊብጼ ቢታ ኤፊዳ።

1ካዎታ ማጻፋ 10:1

ሳባ ካዎያ ጎዳይ ሶሎሞኔስ ኢሚዳ ኣ ኤራቴ ሲያዳ ዴጾ ኦይሻታ ኤካዳ ኢዛ ፓጫናስ ያዱስ።

1ታሪኬ ማጻፋ 1:31

ዪጹሬ፥ ናፊሻኔኔ ቄዲማ ጌቴቴቴስ።

1ታሪኬ ማጻፋ 1:33

ሚዲያኔይካ ኤፋ፥ ኤፌሬ፥ ሄኖኬ፥ ኣቢዳኤኔ ኤልዳኤ ጌቴቲዛ ኢቻሹ ኣቱማ ናይታ ዬሊዴስ፤ ሃይቲ ኡባይ ኬጹራ ዜሬታ።

ኢዮቤ ማጻፋ 6:19

ቴማ ቢታፌ ቢዛ ማንዳራ ኣሳቲ ሃ ኮዬቴስ፤ ሳባ ዴሬ ዛልኣንቻቲካ ሃ ዴማናስ ሂዶታ ኦቴስ።

ዬ ማጻፋ 72:10

ታርሴሴ ካዎቲኔ ሃሩሮታ ካዎቲ ኢዛስ ጊራ ኤሃና። ሳባኔ ሳባ ካዎቲ ኢዛስ ኩሼ ጌን ኤሃና።

ዬ ማጻፋ 72:15

ካዎይ ሼምፖ ጋምኦ፤ ሳባ ቢታ ዎርቃይ ኢዛስ ኢሜቶ። ፓጬይ ባይንዳ ኢዛስ ዎሴቶ፤ ጋላስ ኡባን ኢስቲ ኢዛ ኣንጄቶ።

ኢሳያሳ ቲንቢቴ 21:13

ኣራቤ ጊሻስ ዮቴቲዳ ሚኖ ዮኦ፤ ኢንቴኖ ዳዳኔ ዛልኣንቻቶ! ኢንቴ ኢንቴ ጫና ጋሜላታራ ኣራቤ ባዞን ኣቃና።

ኢሳያሳ ቲንቢቴ 60:6

ጋሜላ ማራቲ፥ ሚዲያሜፔኔ ኤፋፔ ዪዳ ጋሜላ ማራቲ ኔ ቢታ ካማና። ዎርቃኔ ኤጻኔ ኤኪዲ ሳባፔ ዪዛይቲ ጎዳ ጋላታ ኣዋጃና።

ኤርማሳ ቲንቢቴ 25:23

ዳዳኔ፥ ቴማ፥ ቡዜኔ ባንታ ሁኤ ጋሜ ሜዲዛ ኣሳ ኡባታ፥

ኤርማሳ ቲንቢቴ 49:8

ታኒ ኤሳዌ ቃጻዪዛ ዎዴ ታ ኢዛ ቦላ ባሻ ኤሂዛ ጊሻስ ኢንቴ ዲዳኔን ዲዛይቲ ጉዬ ሲሚ ባቃቲቴ፤ ጪማ ኦላ ጊዶን ቆቴቲቴ።

ሂዚቄላ ቲንቢቴ 25:13

ኡባ ሃሪዛ ጎዳይ፡ ታኒ ታ ቄሴ ኤዶሜ ቦላ ዴንና። ኢዛ ኣሳኔ ሜሃ ታ ዎና፤ ታ ኢዛ ቡላ ሂስታና፤ ቴማኔፔ ቢዲ ዳዳኔ ጋካናስ ኢስቲ ማሻን ዉራና።

ሂዚቄላ ቲንቢቴ 27:20

«ዳዳኔይ ኔ ሻቃጬ ጊላሴራ ላማዉስ።

ታይቦ ማጻፋ 25:6

ሙሴይኔ ኩሜ ማባራይ ጋይቶቴ ዱንካኔ ፔንጌን ሺቂዲ ዬኪሺን ኢስራኤሌ ኣሳ ጋርሳፌ ኢሳዴይ ኢሲ ሚዲያሜ ማጫሳዮ ኤኪዲ ዴራ ሲንራ ኣ ጌዴ ባሶ ኣሳኮ ቢዴስ።

ታይቦ ማጻፋ 31:2

«ሚዲያሜ ኣሳይ ኢስራኤሌ ኣሳ ቦላ ጋዳ ቆሆዛ ጊሻስ ኔኒ ሚዲያሜ ኣሳ ሃሎ ኬሳ፤ ሄሳ ኦዳፔ ጉዬ ኔኒ ሃይቃና» ጊዴስ።