Rom 15:29 - Kandawo Jisas Kandjiyebe Wopake

²⁹ Awo kere, are na er dumo Spen puno dje pill dal, ye mor al wono. Alla na kando, wono poke ge, Krais na ye wopake ye aunda mal embe, une ye ye wopake ye aunda.

Rom 15:29 ပူးပေါင်းရင်းမြစ်များ

Aposel 19:21

Una God pille pla embe yemaka, are God Murble Pol moi al po djika, Pol embe dji, na dumo kerman Masedonia ne, dumo Akaia wanmolo kere, er Jerusalem puno. Na dumo 3 pela ge wane, are na er Rom po kanno we dji.

Rom 15:23

Alla kognumb merke erwo pika, dumo manda ge kogo pai pille, na ye moi al nawoll. Ba ipon na kogo yell pora dji pille, na ye mor al wono dje pille moro.

Rom 15:32

Yene ge, God kapla we djindaka, na wopake pille ye mor al wono. Na ye boll yepall ta waka moyaka, na yembena alla dongall panda.

2 Korin 1:15

Ye na wopake pille aune mal pille, na ye kun soka kanno dje pille moll. Embe yeno ge God ye kun soka wopake ye aunda dje pill. Na asamoll wo ye kane pagle, are er propins Masedonia po wane, er yem ye mor al wono dje pill. Embe yenaka ye na amblo pille dje auneke na er distrik Judia puno dje pill.

Epesus 1:3

Jisas Krais Ne ge God moro, yene kandjiye kerman panda moya! Nono Krais boll mormon pille, God yene kupill al wal porapora wopake paro ge, i nono awo wori.

Epesus 3:8

God unakiye porapora mor ge kandjine paro ba na kandjina naparo, na menameto moro. Ba God na wopake pille dje worika, na epil djell una moi al po Jisas kandjiyebe wopake uro kaima pai ge dje awo wanill.

Epesus 4:13

yake pla po pillgi dje God wariye pille kane yembon. Yepin dal, una taimane mopon, djelldjell namopon. Krais dongall moro mal nono iwana dongall mopon.