Rom 10:8 - Kandawo Jisas Kandjiyebe Wopake

⁸ Baibel kandja embe djindo, Kandja ge ni boll manda kaima yero, ellke nayero. Ni ellin tukin al ye, djillaken al ye, embe yendo we dji (Lo 30.12-14) Kandja pillgi pai kandja ge no ye dje aunmon.

Rom 10:8 ပူးပေါင်းရင်းမြစ်များ

Aposel 10:43

Propet porapora iwa ge pille pepa bolo embe dji, une kandjiye al una pillgi djine una moye ge, singare ke ye wani mal ge God kere aunda we dje pepa embe boi we dji.

Aposel 16:31

Djika soka kandja embe djipill, Iwa Kerman Jisas boll pillgi djin dal, God ni i yem worda. Ni gaman womban boll aike i yem worda we djipill.

Rom 10:17

Ge pille, embe dje kanmon, una kandja dje auneke, una pillgi djine ge kune yendo. Alla, kandja piye ge Krais kandjiye ge piye.

Galesia 3:2

Pir mo? Na kandja ta paro ge na ye dje piyo. God Murble ye moi al woi ge, no God kandjiye dje aupin ye pillgi dji al ge, une ye moi al woi mo? Mo ye kandja lo dji mal yembe yembon dje yei al ge une ye moi al woi? Ge man!

Galesia 3:5

God Murble ye boll aundo ge ne, une ye boll kogo dongall yendo mal ge, ye kandja lo yembe yei pille une ge nayendo, man. No wo God kandjiye dje aupin, ye pillgi dji pille une ye boll kogo yendo.

Epesus 5:26

Krais yene awi ge yene unakiye wopake djell ta mal moye dje awi, yene kandjiyebe wopake paro al ga nu was ye awo, djengimb moi ge iworo awi.

1 Timoti 4:6

Kandja ipon djill ge, ni agan amban kambono dje awin dal, ni Krais kogoye una wopake mopen. God kandjiye pillgi djinmon mal ne, kandja du dje pai ge ni karkar yen mal soka ge yembellka ni yake er pla ben.

1 Pita 1:23

God kandjiye gun ye paro al ge, une ye kui una mor. Una nanemane makimb al kui mor ge golo pora djine. Ba God gun moro iwa, ye kui una mor ge ye gun molo pane.

1 Pita 1:25

Ba God kandjiye paro ge pora nadjinda, gun pamoya (Aisaia 40.6-8) Alla kandja paro ge una wo ye God kandjiyebe wopake dje awi kandja paro.