Rom 1:15 - Kandawo Jisas Kandjiyebe Wopake

¹⁵ Na embe yendo ge na ye Rom una mor al para po kandja wopake djino dje pille we yendo.

Rom 1:15 ပူးပေါင်းရင်းမြစ်များ

Matyu 9:38

Namor pille, ye mau ne moro al kamang yene. Une kogoye una dje wordaka, yene mauye al pakna po kwa wallko aune we dji.

Mak 14:8

Ana embe yei ge yenda mal yei. Na goyaka una gull tane dje pille yei.

Jon 4:34

Djimaka Jisas embe dji, na kwa yero we djindo ge, me embe mal paro. Na dje wori woll iwa kandjiye djindo ge na kane yeno. God na kogo yeno dje pille awi ge na yeno. Ge, na kwaina yero we dji.

Aposel 21:13

Ba Pol kandja dje yem woro embe dji, ye namba yei pille kimb ye, na ellna tukna ye ke ye awinj ne? Na Iwa Kerman Jisas kandjiye al kond ge puno. Na er Jerusalem punaka, una kaye tane mo, na togoye ge na pora we djindo.

Rom 10:15

Alla una po djine ba, una dje naworne ge, ga po nadji mal panda. Baibel kandja ta bolo wori pai ge embe djindo, Una kandja wopake djimbon dje wone ge, una kane wo kerman piye we dji (Aisaia 52.7)

Rom 12:18

Ye una boll kunda nonga yembon dje nayene, ye kumbene taimane panda mopon dje yene.

Rom 15:20

Na dumo ta wane kandja wopake dje una aundo ge, na una Krais kandjiye napille moi al ge na wopille po kandja dje awill. Dumo ta una dji pi pora dji al ge, na po nadjill. Una djell ta asamoll po numb taki pora dji, na are po numb be al takno kune nayendo.

1 Korin 9:17

Nanam nomana paro mal pille Jisas kandjiyebe wopake dje auno ge, na top ta ino. Ba alla God na dje worda na po Jisas kandjiyebe wopake dje auno ge, une na kogo aundo mal yeno.

2 Korin 8:12

Ye wal aumbon we dje ye nomane embe pai dal, ye wal yero mal aune, God wopake pille inda. Ye wal nayero mal une kane nadjinda.