Pilipai 2:10 - Kandawo Jisas Kandjiyebe Wopake

¹⁰ Jisas kandjiye al ge una porapora gopne boglo aune. Kupill al morka, makimb al morka, makimb kalto morka yenj ge gopne boglo embe djine,

Pilipai 2:10 ပူးပေါင်းရင်းမြစ်များ

Matyu 12:40

Ege 3 pela imina, armina erwo pika, Jona pis kerman kumbe al moi mal ge, Una Wombe makimb al paknato embe mal panda.

Matyu 27:29

Ami kambono, king kon pula kakinj mal ka kagle boll iwo kakumba ye Jisas ngambale al pagi. Kapill ta iwo Jisas agle woto woro, ga kakene gopiye boglo Jisas bakalo awo embe dji, Wopakeiwo! Juda una kingne iwa kerman wonden we dji.

Matyu 28:18

Jisas manda wo embe dji, God na namba kerman awo, yembe dongall awi kupill makimb al wal porapora na kantau yendo. Ge pille,

Rom 11:4

Dji ba God kandja dje yem woro embe dji, Ge man, ni taimane namoren. Na unakna 7,000 mor. God kende Bal ge, ga gopne boglo nawinj we dji (1 King 19.18)

Epesus 1:10

Wal nono ombine dje awi ge embe. Ege ta une djinda poke kupill makimb al wal porapora moro ge une i taimane woro Krais aundaka kantau yenda.

Epesus 3:14

Wal me ge al pille, nono Nane moro al ge na gopna boglo aundo.

Epesus 4:9

Une er pla pi we dji ge me embe mal paro, une asamoll kal makimb al woi.

Ibru 1:6

Man, God yene wariye taimane dje wori makimb al woi kune ge, une kandja embe dje wori yei, Tau agelo porapora mor ge, ga wariye kandjiye amblo pla wornembe dji (Lo 32.43)

Repelesin 20:13

Solwara goi una aglo er womaka, goi dumo mor ge porapora er womaka, iwa sia king al ami dje moi iwa ge, ga singare ye wani mal kot ye omuk to awi.

Repelesin 4:10

Awinj poke ge, una ngambalne pai una 24 pela wo une sia king al ami dje moi ge, kakene gopiye boglo awinj. Une ege ege molo paro iwa, ga une kandjiye amblo pla woro, kon pula gol kake moi ge, iwo sia king gume al kal woro gollang dje awo embe djinj,

Repelesin 5:3

Ba alla, una ta wopake molo amblo pre dje pakna kanda una ge kane nai. Una ta kupill al moya mo, makimb al moya mo, makimb guloto moya para namoi.