Matyu 22:31 - Kandawo Jisas Kandjiyebe Wopake

³¹ Una golo aglo erwo gun pine kandja ge, asa God djika pepa bolo pagi ge, ye kere nakani paro we dji.

Matyu 22:31 ပူးပေါင်းရင်းမြစ်များ

Matyu 12:3

Jisas embe dji, asa Depit koll toika une epiliye boll aike po yei mal, Baibel pepa bolo pagi, ye kere nakani paro.

Matyu 12:7

Baibel bolo wori pai ge embe djindo, Ye na opa kiwa ye awi dal, na wopake napiyo. Ye una djell moye al po wandill golo awi dal, na wopake piyo we dje pepa embe boi (Osea 6.6) Ye Baibel ge kere kanmaka, ye ke nayenj una moi al po, ye ke yenj we nadjimaka.

Matyu 21:16

Jisas, womba kandja djinj mal ge ni napren mo? dji. Jisas embe dji, kandja djinj ge na pro ba, ye Baibel kere nakani paro we dji. Baibel embe djindo, Na yewornaka womba ker ne, kublambo mor ge na kandjina amblo pla worne we dji (Buk Song 8.2)

Matyu 21:42

Djimaka Jisas embe dji, Baibel bolo wori pai ge ye kere nakani paro. Embe bolo wori paro, Una ku numb bolo takbon dje yei. Ku ta ke moi we dje keri ge, God, man dji, ku ge wopake moro ye i numb takme! dji. Kambono po ku ge i pagle, numb ku ge be takmaka numb dongall ke pai. Iwa Kerman embe yei ge no kanpin wopake paika aya djipin we dji (Buk Song 118.22)

Matyu 22:30

Una golo aglo erwo gun pine ge, iwana bolo naine. Kupill al tau agelo mor mal embe moye.

Matyu 22:32

God embe dji, ye kokane kamasa molo goi iwa Abraam Godiye ge na moro, iwa Aisak Godiye ge na moro, iwa Jekop Godiye ge na moro, we dje pepa embe boi. God una gor Godne namoro, man. Una gun mor ge Godne moro we dji.

Matyu 9:13

Kandja ta Baibel al paro ge ye pille i nomane al worne. Baibel embe djindo, ye wandill golo una awi dal, na wo piyo ba, ye opa kiwa gale na aune ge na wopake napiyo we dji. Jisas embe dji, una wopake mor ge yenekne nomane ake tane dje na nawoll. Na singare ke yenj una nomane ake tane dje pille woll we dji.