Luk 2:47 - Kandawo Jisas Kandjiyebe Wopake

⁴⁷ Womba Jisas kandja embe djika una kerman kambono pille gok dji. Womba ge kembis moro ba, une nomane wopake pai paro we dji.

Luk 2:47 ပူးပေါင်းရင်းမြစ်များ

Matyu 13:54

Une asa molo yaki dumo yei al er lotu numb numog po kandja dje awi. Una pille aya dje embe dji, iwa ge nam kond po nomane dongall i, kogo kerman yendo?

Matyu 22:33

Jisas kandja embe djika una merke ge pille allall toi.

Matyu 7:28

Jisas kandja embe dje kerika una merke moi ge pille aya dji.

Mak 1:22

Juda una ngambalne pai una kandja dje dje yenj mal une embe nadji, man. Une namba pai mal pille kandja dji ge una pille aya dji.

Mak 11:18

Jisas kandja embe djika opa gale awi una kerman kambono ne, God lo dje awi una pille kondwe ta yendaka Jisas togopon dje pi ba, Jisas kandja dje awi mal una merke aya dje pi. Ge pille kambono kane Jisas pille kand goi.

Mak 6:2

Ege Sabat yeika Jisas er lotu numb numog po molo God kandjiye dje una awi. Una merke pille gok dje embe dji, une kandja djindo ge po nam kond iwi? Une nomane kerman paraka, kogo dongall yendo ge namba mal yendo?

Luk 2:18

Kambono kandja embe dji ge una pille, aya dji.

Luk 2:46

Dulo pupillka, ege sokara erwo pi. Soka er lotu numb kerman numog po kanpill, una kerman kambono moi al Jisas pakna moi. Kambono kandja dje aumaka, une pille kandja dje yem woro awika embe yemoi.

Luk 4:22

Jisas kandja embe djika, una pille aya dji, Jisas una wopake moro dje pille embe dji, ge Josep wariye moro ba, une kandja wopake dje nono aundo we dji.

Luk 4:32

Jisas kandja dje awi ge una pille aya dji. Une namba pai mal pille kandja djindo we dji.

Jon 7:15

Dje awo moika, Juda una pille gok dje embe dji, une ge skul ta nadji ba, namba mal pai pille une nomane kerman paro ne? dji.

Jon 7:46

Djimaka eine po embe dji, una kandja djinj mal ge, une embe nadjindo, une ta mal djindo we dji.