Luk 16:17 - Kandawo Jisas Kandjiyebe Wopake

¹⁷ Una embe yenj ba, God lo dje bolo pagi ge mon kembis kaima ta er take dje napunda. Kupill makimb pora djinda ba, God loye ge kaima pamoya, pora nadjinda.

Luk 16:17 ပူးပေါင်းရင်းမြစ်များ

Matyu 5:18

Na kandja kaima dje ye aundo, God lo dji ge, mon kembis kerman aike er take dje napunda. Kupill makimb pora djinda ba, God loye paro ge megiye kaima tonda, kiwa nadji.

Luk 21:33

Kupill makimb pora djinda ba, na kandja djindo ge pora nadjinda, pamoya we dji.

Rom 3:31

Ba una kandja embe djine, ni kandja djinden ge, no pillgi djipin dal, Mosis lo mop awo kerbon dje pille djinden we djine. Ba na man djindo. Nono pillgi djinmon al ge, nono lo kandja ge wopake panda dje yenmon.

1 Pita 1:25

Ba God kandjiye paro ge pora nadjinda, gun pamoya (Aisaia 40.6-8) Alla kandja paro ge una wo ye God kandjiyebe wopake dje awi kandja paro.

2 Pita 3:10

Iwa Kerman yem wonda poke ge, ola dje kunumb una mal embe wonda. Ege yenda poke ge, kupill al gur kermanke ta mal djindaka, kupill al moro wal, pora djindaka, makimb al wal kerker God beki ge, do sege yendaka, una bekinj wal ge porapora, wamo do sege ye kerda.

Repelesin 20:11

Na kanill King bo sia kerman kuruwo ta yei al ge iwa ta ami dje moi. Makimb ne, kupill soka une moi al kere er take dje pupill, napapill.

Repelesin 21:1

Na kanill, kupill makimb asa pai ge alla napai, kindja ta mal pai. Solwara moi ge er po keri, namoi.

Repelesin 21:4

Wal asa pai ge pai pora dje keri. Una kimb nuye ge, une kill gulo woro kerda, kimb kallngane alla nayene, alla nagoye, imb alla nakakne, ngembill alla nagoye.