Jon 3:26 - Kandawo Jisas Kandjiyebe Wopake

²⁶ Kambono kandja embe dje kermaka, Jon kogoye una po Jon moi al embe dji, tisa, iwa ta ni asa djin ge, iwa ni boll aike nu Jodan konato moi iwa ge, une po una nu pagle aundaka una porapora er une moro al pinj we dji.

Jon 3:26 ပူးပေါင်းရင်းမြစ်များ

Matyu 23:7

Maket wane una djembon tane ge ga wo pir. Una wo kandjine tisa we dje daye ge ga wopake kaima pir.

Matyu 23:8

Embe yenj ba ye mor al una ye kandjine tisa we nadjine. Iwa taimanta ye tisane moro, alla ye porapora age age mor.

Jon 1:15

Jon iwa ge pille, po una moi al yau to embe dji, na asa kandja ta djill ge, iwa ge pille djill. Na embe djill, una ta na mopna al wonda ge une wo na kamblo aunda we djill. Une na kamblo aunda ge, na namoll kune ge, une asamoll moi. Ge pille une na kamblo aunda we djill.

Jon 1:7

Une kandja dje pene worno dje wo embe dji, iwa ta wamo sua gale iunda iwa ta wonda, ye une ge boll pillgi djime! dji.

Jon 1:9

Una porapora makimb al mor ge, kandja ge wamo sua gale iwo, una nomane amblo au dje aunda iwa ge kaima woi.

Jon 11:48

Nono kandja ta nadjipin dal, una porapora une boll pillgi djine. Rom una pille kunda wo nono lotu numb kerman to sellke seke woro, nono togoye we dji.

Jon 12:19

Parisi una kane yenekne kandja embe dji, kaninj mo? Wal porapora yembon dje yepin ge man paro. Une pundo al ge una porapora are pinj we dji.

Jon 3:2

Imina pika Nikodemus Jisas moi al po embe dji, tisa, nono kanmon, God dje wori ni tisa moren. Embe dje naworika ni kogo dongall yenden ge ta nayenka we dji.

Jon 4:1

Una kandja embe dji, Jisas una merke nu pagle aundaka, kogoye una merke mor ba, Jon kogoye una ge merke namoi we dji. Jisas una nu pagle nawi, yene kogoye una nu pagle awi. Jisas kogoye una merke mor we djimaka, Parisi una pillmaka, Jisas kane distrik Judia kere er distrik Galili pi.

Jon 4:31

Kune ge Jisas kogoye una embe dji, tisa, ni kwa ta namben we dji.

Jon 5:33

Une wale wondo we dje makimb una kandja embe dji dal, na pille we nayeno ba, ye una dje wormaka, Jon moi al po kandja dji. Na singare yell mal ne, kogo yendo mal ge Jon dje pene woro awi, ye pi. Na kandja embe dje ye aundo ge, God ye i yem worda dje pille djindo.