Jon 12:42 - Kandawo Jisas Kandjiyebe Wopake

⁴² Juda una kerman merke Jisas boll pillgi dji ba, Parisi una no lotu numb to orko worne pa djindo dje pille, Jisas boll pillgi dji ge dje pene nawori.

Jon 12:42 ပူးပေါင်းရင်းမြစ်များ

Matyu 10:32

Jisas embe dji, una no Jisas wombaye mormon we dje pene wori dal, na Nena kupill al moro ge, na po embe djino, ge na wombana mor we djino.

Luk 12:8

Jisas embe dji, na kandja dje ye aundo. Na Jisas unakiye moro we dje pene worin dal, are God tau agelo moye al ge Una Wombe po embe djinda, ge na unakna moro we djinda.

Luk 23:13

Opa gale awi una kerman ne, Juda una kerman ne, una merke moi ge Pailat djika kambono er womaka

Luk 6:22

Una Wombe yene wombaye ye mor we dje kanke ye awo, mop awo, kandja ke dje awo, ye kandjine ambi dal, ye wopille moye.

Jon 11:45

Juda una Maria boll onga no moi ge, Jisas yei mal pende merke kane pillgi dji.

Jon 16:2

Juda una ye lotu numb dje orko worne. Are ege ta yendaka una ye togoi dal, no God kogoye pai mal yepin we djine.

Jon 19:38

Josep dumo Arimatea iwa moi ge, une Jisas kogoye iwa ta moi ba, Juda una to djine dje pille une seke ye wani. Une po Pailat moi al embe dji, Jisas golo paro ge na ino we dji. Pailat, kapla ni ipiye! dji. Djika, Josep ne, Nikodemus po Jisas i kal worpill. Asa emill pai al Nikodemus Jisas moi al woika soka kandja djipill iwa ge moi. Nikodemus wal mirang wopake yei wal soka i tulu dje i taimane woro pagle iwi. Wal imbye pai ge 30 kilo mal embe pai.

Jon 3:2

Imina pika Nikodemus Jisas moi al po embe dji, tisa, nono kanmon, God dje wori ni tisa moren. Embe dje naworika ni kogo dongall yenden ge ta nayenka we dji.

Jon 7:13

Una kandja embe dji ge, dje pene nawori, Juda una kerman wo no to djine dje pille, kandja dje pene nawori.

Jon 7:31

Una merke moi ge, pende merke Jisas kandjiye al ge pillgi dje pagle embe dji, Jisas kogo dongall merke yendo ge, God iwa Krais dje worno wonda we dji iwa ge une wo Jisas kamblo aunda kune nayendo. Ge pille, Jisas ge wale moro we dji.

Jon 9:22

Soka djipill ge, asa Juda una embe dji, God iwa Krais dje worda wonda we dji ge, Jisas wale moro we dji dal, no lotu numb to orko worbon we dji.

Jon 9:34

Djika kambono embe dji, ni mon poke ge ni djingdjang boll mon. Ni no kandja beke auno dje yenden mo? Ga kandja embe dje kere, lotu numb yei al dje orko wori.

Aposel 5:41

Kot kerman yei al kere wopille embe dji, yenj ge, ngandjill gopon mal pai ba God pora we dje pi al, Jisas kandjiye al nono tonj ge wo pirmon we dji.

Rom 10:10

Una ellne tukne al God Jisas i pla wori mal pillgi dji dal, God nale al wambo napanda, kiwa moye. Alla, una djillakene al Iwa Kerman moro ge Jisas wale moro we dje pene wori dal, er take dje napine, God i yem worda.

1 Jon 4:15

Jisas ge God wariye moro we dje una embe dji dal, God ga boll moraka ga God boll morka embe yenj.

1 Jon 4:2

Una wo kandja embe djine, Jisas Krais ge nono gaklene paro mal une gakle embe pai we djine ge, ye embe dje kanne, God Murble ga boll moro dje kanne.