Epesus 3:11 - Kandawo Jisas Kandjiyebe Wopake

¹¹ Ga embe yene ge, kamasa kaima God nomane embe pai. Ipon nono Iwa Kerman Jisas Krais kogo yei al ge God yei, ga kani pora dji.

Epesus 3:11 ပူးပေါင်းရင်းမြစ်များ

Rom 9:11

Kui ba womba namopill poke ge God wo Rebeka moi al embe dji, Ni warin are moya ge plato moya, age komne moya ge nukogo ye age aunda we dji (Stat 25.23) Dji ge nono kanmon, God yene wal yeno dje pro mal kaima panda pille une embe yei. Womba soka singare ke wopake ge ta nayepill ba, wariye are moi ge God dje i, ta ge man.

Galesia 5:24

Krais Jisas unakiye nomane ke asa pai ge ga i iko pera al po nil to keri. Wal yembon dje pille pla ye wani wal ge, para ipo iko pera al nil to pagi.

Epesus 1:11

God wal porapora yendo ge, une yene nomane paro mal pille yendo. Une nomane pai mal pille dje wori Krais wo kogo yei al ge, no Juda una God dje inda, no une wombaye mopon dje pille, kamasa une embe yeno we dji mal ge kaima yei.

Epesus 1:4

Kamasa kupill makimb nayei poke ge, God nono dje i. Une nono Krais boll mopon dje kane, nono wopake ta mal mopon dje pille, une nale al nono wambo napanda mopon dje pille dje i.

Epesus 1:9

Asa God Krais dje worda wo kogo yenda mal ge, God embe yenda dje pille moi ba kandja ge seke pai. Ipon une nono wopake pille ombine dje awi.

Epesus 3:1

Embe yei pille na kaye paro ge, ye epil djell una Jisas boll pillgi djine dje na kaye paro.

2 Timoti 1:9

God nono yau to i yem woro nanam wombana mor we djindo. Nono kogo wopake ta yepin pille une nono yau to i yem nawori, man. Yene nomane pai mal pille, une nono wopake pille i yem wori. Kamasa kupill makimb napai poke, Krais Jisas kogo yei al God nono wopake pille i yem wori mormon.