Aposel 17:32 - Kandawo Jisas Kandjiyebe Wopake

³² Iwa ta golo aglo erwo gun pi we dje Pol kandja embe dji ge una pende pille poye, bakalo awi. Ba una pende embe dji, kune ta ni wo no kandja ge alla dje aumbenka pupon we dji.

Aposel 17:32 ပူးပေါင်းရင်းမြစ်များ

Luk 14:18

Ba una porapora no nawombon paro we dji. Iwa ta embe dji, na mau ta top toll, na po kanno pai na nawono we dji.

Luk 22:63

Una Jisas kantau moi ge kambono une to, bakalo awo,

Luk 23:11

Erot yene ami una boll Jisas kane poye, bakalo awo, kon momo wopake ta iwo Jisas woro awo, alla une dje i yem Pailat moi al pi.

Luk 23:36

Jisas pamoi al ge ami una bakalo awo, nu wain kiwa iwo une nonda dje awo

Aposel 13:41

Bakalo awinj una ye mor ge, ye kanne. Ye kane gok dje molo, po goye! Na ye manda mor al wo ye tano we djino ba, ye kaima piye nayenda. Une wo ye tonda we dje kandja kaima djine ba, ye napiye we dji (Habakuk 1.5)

Aposel 17:18

Epil ta Epikurian we dji moi una ge ne, epil Stoik we dji moi ge yenekne nomane kerman pai una ge, Pol po kambono boll nonga dji. Pende pille embe dji, iwa dall, kandja aulaul djindo ge naral kandja djino dje yendo ne? dji. Pol Jisas golo aglo erwo gun pi kandjiyebe wopake pai ge, una pende pille embe dji, una gulke yenekne godne mor mal, une kandja ge djinda djindo we dji.

Aposel 17:31

God dji ege ta yenda kune ge une una boll kandja kot djinda. Iwa taimanta ge God dje i. Iwa ge kot piya. Makimb una porapora mor ge singare wopake ye waninj mo ke ye waninj ge une djinda. Une kot pille kune yenda ge God ombine dje una awi pora dji. Iwa ge golo er kal pi ba, God amblo i pla wori, une kot piya kune yendo we dji.

Aposel 17:33

Kambono kandja embe djimaka Pol er pi.

Aposel 2:13

Ba una pende kandja dje bakalo awo embe dji, ge man, ga kandja embe djinj ge, nu wain merke noi pille dje mor we dji.

Aposel 24:25

Una singare wopake yene mal ne, una yene gaklene kantau yene mal ne, are God nono kot ye aunda mal une kandja embe dji. Djika, Peliks pille kand golo embe dji, pora, ni er ben. Are ege wopake ta yei dal, na djinaka ni wo kandja alla djimbenka piyo we dji.

Aposel 25:19

Ga lotu dji mal ge kandja yemyem dje, iwa ta goi kandjiye Jisas we dji ge, Pol man, ge gun moro we djika nonga dji.

Aposel 26:8

Una gor ge God to mage i gun worda pille, nono kui ye mopon. Na kandja embe dje wando ba, ye namba yei pille man dje mor ne?

1 Korin 1:23

Ge pille, Krais iko pera al togoi we djinmon ge Juda una pille ke pir. Alla, Grik una ge kandja dall kandja djinj dje kaninj.

1 Korin 15:12

No ye mor al kandja embe djinmon, Krais goi. Alla God i gun woro awi we djinmon. Ba ye una pende mor ge kandja embe djinj, una gor ge alla aglo erwo gun napinj we djinj. Ge namba yei pille djinj?

1 Korin 4:10

No Krais kandjiye al, una dall mal embe mormon ba ye nomane kerman paraka mor! No yembene naparo ba ye yembene dongall paro! Ye kandjine kerman paro ba no kandjine naparo!

2 Korin 6:2

Ge God kandja embe dji, Ege kune pai al na we dje pille kamang yen mal na pill. Ege ge na ni iworo awo, pak to awill we dji (Aisaia 49.8) Alla, na kandja embe dje ye aundo, ipon yero ge ege wopake yero. God nono i yem woro aunda ege ipon yero.

Ibru 11:36

Ga pende molmaka una bakalo awo, ka pirngangill tomaka, pende moi ge, una wo ka sen to i kaye numb wori.

Ibru 13:13

Nono makimb al mormon ge nono numbine gullne bis ola dje yendo. Ge al mopon dje kui nayenmon, man. Kupill al dumo kerman ge, nono bon dje kui yemormon. Ge pille, ga Jisas dumo orkokill i wormaka moi ge, nono er orko po une boll moponka, una Jisas bakalo awi mal embe nono para bakalo aune mopon.