Aposel 14:7 - Kandawo Jisas Kandjiyebe Wopake

⁷ Jisas kandjiyebe wopake dje orko woro wanpill.

Aposel 14:7 ပူးပေါင်းရင်းမြစ်များ

Aposel 11:19

Asa una Stipen togolo, po una pillgi dji una moi al ye ke ye aumaka, pillgi pai una seke er dumo djelldjell pi. Pende distrik Ponisia pumaka, pende er Saiprus pumaka, pende er Antiok pi. Po God kandjiye dje Juda una moi al awi, epil djell una moi al dje nawi.

Aposel 14:15

kambono ye mor ge! Namba yei pille ye embe yenj ne? Ye una mor mal embe, no mormoll. Alla, no wo kandja wopake dje ye awo embe djipill, ye god kende pillgi djinj ge kerme! God gun moro una ge une kupill makimb, nu solwara ne, wal porapora moro ge une beki, ye une boll pillgi djine we djipill.

Aposel 14:21

Soka dumo Derbe po Jisas kandjiyebe wopake dje awo wanpillka, una merke pille er pakna wo Jisas kogoye una moi. Molmaka, soka er yem dumo Listra po, Aikoniam po Antiok po embe ye wanpill.

Aposel 16:10

Pol embe kanika, no ola dje er Masedonia bon dje wal amblokun yepin. No embe dje kanpin, God no dje wordo, no po Jisas kandjiyebe wopake dje una aumbon mal pai.

Aposel 17:2

Pol yene ye wani mal pille, er numog po Juda una boll buk Baibel pai mal ge une kandja dje moi. Sabat ege, kun 3 pela po embe yei.

Aposel 8:4

Dumo Jerusalem kere seke po moi una ge, dumo porapora pi al God kandjiye dje una awi.

1 Tesalonaika 2:2

Ye kaninj, asa no ye boll nawopin poke, dumo Pilipai mopinka una no bakalo awo to ye ke ye awi. Ba no ye boll wopin ge, nono Godne yembe dongall awika una man dje yei ge, no kand nagolo God kandjiyebe wopake dje ye aupin.

2 Timoti 4:2

Are ege ta yendaka, kandja wopake paro ge una pupon dje nayene, man. Yenekne nomane paro mal kandja pupon dje yene. Kandja beke aune una merke dje i pakna worneke, yenekne kamalne al wopake piye kandja ge dje aune, wopake pupon dje yene. Kandja kaima paro ge mop awo kere, kandjabe kiwa paro ge pupon dje yene. Ge pille, ni yembe ye God kandjiye dje una aumben. Imbon dje piye mo man dje piye ge, ni ege ege God kandjiye dje pamopen. Ale yei dal, ni amblo du dje aumben. Singare ke yene ge ni man djimben. Ga pillgine dongall panda dje kandja dje awo, kiye dje molo kandja wopake eri dje beke aumben.