1 Timoti 1:8 - Kandawo Jisas Kandjiyebe Wopake

⁸ God lo dje awi mal una pille kune yei dal, God loye ge me wopake paro dje kanbon.

1 Timoti 1:8 ပူးပေါင်းရင်းမြစ်များ

Rom 12:2

Makimb al una singare yenj mal ge ye nayene. Ye djineke, God ye nomane gun aundaka, ye singare gun yene. Ye nomane gun pandaka, God ye singare gun yene dje piya mal ge ye pille kune yene. Singare wopake paro ge ne, singare du dje, God wopake kando mal ge ye kane kune yene.

Rom 7:16

Na singare embe yendo ge na ke kando, ke kando al ge na kando, God loye ge wopake paro.

Rom 7:18

Na kando, wal wopake ta na kumbena al nayero. Na kandja manda djindo ge, na nomana ke pai mal ge pille djindo. Na singare wopake yeno dje yendo ba yell kune nayendo.

Rom 7:22

Na nomana paro ge, Mosis lo dje wori pai mal, na wopake uro kaima kando

Galesia 3:21

Yei mal ge, Mosis kandja lo ge, God kandja dje Abraam awi ge kamblo kal worno dje yenda mo? Ge man! Nono lo taimanta ye kune ye wor gun bon kune paika, kamasa nono lo ge ye kune ye pagle, God nale al kiwa mopinka.

2 Timoti 2:5

Yenj mal embe, una er wekle po prais imbon dje muk djinj ge, kondwe paro mal pille muk djinj. Man panda, prais panda mal naine.