1 Korin 11:3 - Kandawo Jisas Kandjiyebe Wopake

³ Ba na kandja ta ye piye dje pille djindo. Iwa mor ge, yenekne ngambalne ge Krais moro. Alla ana ngambalne ge yenekne wogane mor. Alla Krais ngambale ge, God moro.

1 Korin 11:3 ပူးပေါင်းရင်းမြစ်များ

Matyu 28:18

Jisas manda wo embe dji, God na namba kerman awo, yembe dongall awi kupill makimb al wal porapora na kantau yendo. Ge pille,

Jon 14:28

Asa na kandja dje ye awill ge embe djill, na ye kere er puno ba, alla are na yem wono we djill. Na Nena na kamblo aundo pille, ye na wopake kanmaka, na Nena moro al er puno we djill ge ye pille wo pillmaka.

1 Korin 3:23

Alla ye Krais boll mor, pi Krais ge une God boll moro.

Epesus 4:15

Nono una kanwopake kane, kandja kaima dje una awo, Krais nono ngambalne mal moyaka nono yake kerman bon.

Kolosi 1:18

Pillgi pai una mor ge wariye gakle paro mal embe mor, une ga ngambalne molo, yene me mambine molo, una goi mor al une asamoll aglo erwo gun pi. Embe pille, wal porapora paro ge une wal ne moro.

Kolosi 2:10

Wal porapora yembe paro ne, kandjine paro ge une ngambalne moro. Alla ye Krais boll mor ge, ye wal ta ine naparo ye pora mor.

Kolosi 2:19

Krais nono ngambalne moro ge, ga kerinj. Krais gakle al yene kwa awo, bulngane, alngane, amblo i taimane wordaka, God dji mal yakdo.

Kolosi 3:18

Ana kambono, ye wogane menameto moye. Ye embe yei dal, Iwa Kerman nale al ge ye singare paro mal yene.

1 Pita 3:1

Yei mal embe, ana ye iwa pi mor ge, ye wogane kandja djine mal, menameto moye. Ye wogane pende molo God kandjiye napi dal, ye kandja nadje, kiye dje molo singare du dje ye, ga kandja djine mal pille karkar yene ge, ye wogane kane nomane ake tane.