Mataió 4:4 - Monó Gotola Gosohá

⁴ Loko lokago, Izesú nene Óe, monó gotolaú láa liki luhuva gizinamóma neve: Vegená neneta nosánetakó nokoko lamaná oko minoakaláa nene nomive. Ómasímini agepagutí gakó nolimimó nene gele alekoko lamaná oko minoakaláa neve.

Mataió 4:4 ပူးပေါင်းရင်းမြစ်များ

Mataió 15:11

Ni mikilí ikago lakagatupagú lemeaká noi netá nenémo likigika ale golotuva lamitimó neve. Lekegepagutí emane ititi netalímo likigika ale golotuva litimó neve.

Mataió 4:10

Loko lokago, Izesú láa loko limó: Satá geza nene ahulokoko vozo. Gakó makó nene monó gotolaú láa liki luhuva gizinamóma neve: Guivahani Ómasi aikó nene lalapusa hizeko gupá ze ameko agepoka loakaláa neve. Itó aikó gelekelé omiakaláa neve.

Mataió 4:7

Loko lokago, Izesú láa loko lo amimó: Óe, monokú gakó makó láa loko neve: Guivahani Ómasímo lelémo vatí itihe loko negi netá lilí amilo.

Makí 7:20

Láa loake makó láa loko limó: Likigikagutí iteaká noi netalímo lekemeni ale golotuva loaká noive.

Luká 4:12

Óe, monokú gakó makó láa loko neve: Guivahani Ómasi nene gopa netakumú gimivagú molamitane.

Luká 4:4

Loko lokago, Izesú láa loko lo amimó: Óe, monó gotolaú luhuva láa liki gizinamóma neve: Vegená neneta nosánetakó nokoko lamaná oko minoakaláa nene nomive.

Luká 4:8

Loko lokago, Izesú láa loko lo amimó: Óe, gakó makó monó gotolaú láa liki gizinamóma neve: Guivahani Ómasigó lalapusa hizeko gupá ze ameko agepoka loakaláa neve, itó aikó gelekelé omiakaláa neve.

Zoní 15:26

Izotipo loló oko luhusatini ale kii liti ve gakó gihilámini amelaho Sikalahú nene aménehitoka noive. Aí amiselekugo, aménehitokatí lemeko mogonáne lo utó inogo ive.

Zoní 6:63

Lugupémini mémela nenémo alévolé lemetameni ale utó oakaláa nomive. Alévolé lemetameni loló oaká nene Sikalahulímini hoza neve. Itó gakó lo nolukumumó nenémo alévolé lekemetameni ale utó oaká gakó neve.

Loma 15:4

Itó gozapá monó gotolaú gakó makó luhuva gizinamó mukí nene lagata ale kolosiko gele guni itune liki gizinamó neve, itó ámina luhuva nenémo lelémo vávani okoko lelémo gilí noliko goselé lepelemiko Ómasímo ale vavá oleta netakumú lagata losi gelemoko gizapa oko minatune liki gizinamóma neve.

Epeso 6:17

Lá noiko, aenitunú akilitini agulizaláa lekelémo lukugutó vizeaká netá nene ali hitiiki Sikalahutokatí Ómasímini gakó nenémo sopolo hánalini loló okiko ali minalo.