Mataió 27:1 - Monó Gotola Gosohá

¹ Neteká ho noitigo, guguni giziaká ve napagi itó monó gizapa vegi Izesuni apili hilita gakó li hukamó.

Mataió 27:1 ပူးပေါင်းရင်းမြစ်များ

Mataió 23:13

Lekeza Palisaio monó ve itó monó mogona apí ikimiaká nia ve ehe tináneve. Lekeza genezatini losigi niamó neneta Ómasímini lapanató voaká gapo nene vegenalitini kovogisaló hizi lí iaká niave. Lekezatini áminagú itisá amave. Itó vegená makó itinigi niago, hanuva itikatave liki ánigi ahulikitisá amave.

Makí 15:1

Neteká ho noitigo, guguni giziaká ve napagi monó gizapa vegi monó mogona apí-ikimiaká vegi monó kansole ve mukí kezagi lova gizi hutiake Izesuni nene nagá zimiake alímiki vake Pilatoni agizakú milamó.

Luká 13:1

Ámina gamenaló neneló mina vegená lugáate Galilaia vegená makolitini gakoláa nene Izesuni láa liki li amemó: Keza Ómasímini guguni gizi namego, Pilató nene kepele nahulake Ómasímini guguni gizi ame netalímini golanigi keí golanigi ale gopánapa imó.

Luká 22:66

Niago, neteká gó lokago, Isilae mikasiuka gizapa ve keza guguni giziaká ve napagi monó mogona apí-ikimiaká vegi alegesá iake, monó kansoletini niatoka Izesuni alímiki viake

Zoní 18:28

Lá okago, Izesuni nene Kaiapani numukutí alími hetó iake, alímiki agulizaki vémini numutoka vamó. Viake, neteká holugú nego, avóikini asenini zeketakumú gili mina nosá nanigi niake Zuta veta amosá suni aleko hetoka ve makolímini numukú itekinake ligika ale golotuva lokatune liki kezáini nene agulizaki vemámini numukú itemamó.

Aposolo 5:21

Loko lo kemekago, giliake, neteká ho noitigo monó zagusavegú itiki monó li kimi kimi iki minamó. Lá niago, guguni gizoaká i ve napa nenémo izegipa agunamotamolagi Isilae vegenalitini monó gizapa vegi monó kansolegi kilími nupa iake gakó ligili hagili iake, aposoloma kilímikatave liki pilisi ve makó nene kalapusi numukuka kimiselemó.