Mataió 17:9 - Monó Gotola Gosohá

⁹ Ánigiake, Izesugegi agokagutí nilemeke Izesú láa loko lo kimimó: Agokaló lekeza netá matá ánigamó nene vegená litá iki avetó iki li kememilo. Nénisi okulumakutí lumu ve gihila heleneitokutí iteko vokugo li kimitaze.

Mataió 17:9 ပူးပေါင်းရင်းမြစ်များ

Mataió 12:16

aí mogonáa nene avetó iki lili ali amitave loko lo hukoko loketamó.

Mataió 17:12

neza lo likimitoze, gililo. Ilaizakitana noi vema mota anitekamóza, ánigi vevesamake kezáini kagata gele netá golesa lilí itiki minamó. Keza ámináminiki okulumakutí lumu ve gihila není nene miluma netá niminigave.

Mataió 17:20

Loko lokuko, láa loko lo limimó: Lekelisi nene gele alévolé oakatini nene alínipa minokago lá amave. Lamaná lo likimitoze, gililo. Lekelisi gili alévolé niamó nenémo komá netá netimóza, masteti gihila komamámo goloko iteko napa napa oaká noimómáminoko amuzavagi netimó nene, agoka imane mino olové ozo liki litamó nene hanuva mino olové itimó neve. Itó lekelisi nene netá makó lilí amitatíminoko nomive, loko limó.

Mataió 17:22

Koma minomo noiteko izegipala zuha lelémoko vike Galilaia mikasigú vo aniteake nene Izesú láa loko lo limimó: Okulumakutí lumu ve gihila neza nene mini hána amiki vegenalitini kigizakú nilími milikiko,

Mataió 17:23

nipili hilitamóza, gamena losive makole minokinake heleneitokutí goha otinogo uve. Loko lo lemekago, izegipala zuha leza mulute gitihiná imó.

Mataió 17:8

Loko lokago, otiki ánigamó nene Izesú ezáagó noigo ánigamó.

Mataió 8:20

Loko lokago, Izesú nene láa loko lo amimó: Gaha nene mikasi koló onoikú itiaká niave. Itó namatini numúini nemóza, okulumakutí lumu ve gihila neza akato numúne itó gotóneló za nomigo vitagá noumó nenazo, makó vitíive loko lanimó nenémini mogona gele hee lominoko nolape, loko lo amimó.

Mataió 8:4

Gilelekago, Izesú nene láa loko lo amimó: Geza nene imane gakó avetó oko vegená makó lo kememoko voko guguni gizoaká ve nene gugupe alapizekako mota gilelekane loko ánigatize. Itó gilelenikumú nene Moseni gakotó ale moloko netá makó Ómasi guguni gizo amiti netá amekako gilelenitímini mogona nene mukí vegená lo kemekiko gili vevesatave, loko lo amimó.

Makí 8:30

Loko lokago, aikumú avetó iki vegená láa liki li kememitave loko lo hutoketamó.

Luká 8:56

Lokimikago, izolahiko amelahiko keza gelesimó nene golivagi netá loló imó. Lá okago, Izesú nene ámina netakumú gakó avetó iki vegená li kememitave loko lo hukoketamó.

Luká 9:36

Gakó láa loko utó okago, giliake ánigamó nene Izesú ezáagó noigo ánigamó. Ánigiake, ámina gamenaló ániga netakumú kegepa apiziake avetó iki vegená makó nene li kememamó.