Luká 4:8 - Monó Gotola Gosohá

⁸ Loko lokago, Izesú láa loko lo amimó: Óe, gakó makó monó gotolaú láa liki gizinamóma neve: Guivahani Ómasigó lalapusa hizeko gupá ze ameko agepoka loakaláa neve, itó aikó gelekelé omiakaláa neve.

Luká 4:8 ပူးပေါင်းရင်းမြစ်များ

Mataió 16:23

Loko lokago, Izesú viligoko Pitani láa loko lo amimó: Satani gakó lanitika, géisi nene mino olové amane. Není gapo hize lí itani gakó lokane. Gakó nene lokanimóza Ómasímini gakó lamanike ha vegenalitini kigikagutí gakó aleko lokane.

Mataió 4:10

Loko lokago, Izesú láa loko limó: Satá geza nene ahulokoko vozo. Gakó makó nene monó gotolaú láa liki luhuva gizinamóma neve: Guivahani Ómasi aikó nene lalapusa hizeko gupá ze ameko agepoka loakaláa neve. Itó aikó gelekelé omiakaláa neve.

Luká 4:4

Loko lokago, Izesú láa loko lo amimó: Óe, monó gotolaú luhuva láa liki gizinamóma neve: Vegená neneta nosánetakó nokoko lamaná oko minoakaláa nene nomive.

Luká 4:7

Nenemú geza není nigisauka gupá zeko negepoka lokako geikó loló o asú itive.

Zemusí 4:7

Lekeza Ómasiloka gímiziiki aí amakuka limiki minalo. Satani visilitatamó nene, golisi inogo ive.

1 Pitá 5:9

Nenemú lekeza gili alévolé i miniki vasá zilo. Lá niiki likigive lakagave monokú niamó numutó namató niamoláa keza miluma maluma ámina iki giliki miniaká niave liki gililo.

Alikamú 19:10

Loko lo nemekago, nalapusa hizekoko gupá ze amitove loko nougo, óe, lá amo loake, láa loko limó: Néminamo. Neza gelekelé ve gigivekahina gigive gagave Izesú lo utó i gakola ali gikitiki ali miniaká nia vegenalitini kigivéipina nouve. Ómasigó gupá ze amezo. Izesú lo utó i gakó nenémo Ómasímini agepagutí liaká a ve kelémo vávani igo alika utó iti netakumú liaká amóma neve, loko limó.

Alikamú 22:9

eza óe loake láa loko lo nimimó: Néminamo. Neza gelekelé ve gigivekahina nouve. Itó Ómasímini agepagutí gakó liaká nia vetini kigivéipina nouve. Itó imane pukugú gakó legesó iki ali minata vegenalitini kigivéipina nouve. Geza Ómasigó gupá ze amezo.