Luká 3:1 - Monó Gotola Gosohá

¹ Tipelió eza Loma vegenalitini kugulizaki ve napa-napa loló oko noigo, kilisimasi 15 oko vokago, Potiasí Pilató eza Zutaia mikasiuka kiapé napa loló oko noigo, itó agunala Pilipó nene Itulaia itó Talakoniti mikasiuka kiapé loló oko noigo, itó Lisaniá nene Apilene mikasiuka kiapé loló oko noigo,

Luká 3:1 ပူးပေါင်းရင်းမြစ်များ

Mataió 14:1

Gamena nene zupa agulizaki ve napa Heloté nene Izesuni gakoláa likago gilimó.

Mataió 14:3

Nene hanuva lamimó. Heloté nene amunaloka emane uvolaho Piliponi vená agulizá nene Helotiasini ipá oko alimó.

Mataió 14:6

Lá imóza, Heloteni nene geta gamena alitokago mukí kugulizaki ve aí numukú nene iki alegesá amó. Alegesá iki niago, Helotiasini mohola nenémo kovogisaló melekeni noigo, Heloté nene ánigo amu heleake,

Mataió 22:17

Lá onoinazo, geza hanuva lo limitanize. Nanave loko nogelene. Loma gamanímini agulizaki ve napa Sisani nene takisi moni ameaká nounimó nene etahe etamive.

Mataió 27:2

Lá niake nagá ziki alímiki agulizaki ve Pilató noitoka goní itanigi alímiki vamó.

Makí 6:17

Nene hanuvamú lamive. Heloté nene amunaloka emane uvolaho Piliponi venala Helotiasini nene ipá oko alimó. Lá okago, Zoní nene Heloteni lo ame ame oloko vike uvokahini vená ipá oko alenimó etamive. Loko lokago, venalámo gala vizekago Heloté nene ve makó kimiselekago vake Zonini agizató aliake nagá numukú ahulitamó.

Makí 6:21

Minake Heloteni nene geta gamena alitokago, mukí kugulizaki vegi lova gizapa vegi Galilaia mikasiuka vegená iti minamómagi kelémo nupa oake nosánetá vatá okimikago, niki niago, Helotiasí nene Zonini apiliti gamena ale utó imó.

Luká 13:31

Ámina gamenalóisí Palisaio monó ve makó iake láa liki li amemó: Geza imane apá ahulokoko vozo. Agulizaki ve napa Heloté gepele hilinogo ive.

Luká 2:1

Gamena nene zupa Loma vetini agulizaki ve napa minamó, agulizá Agustó. Eza numutó namató vegená kugulizá alilo loko gakó ahulokago vimó.

Luká 23:24

Lá ikago, Pilató nene keza negénegeka liki lakumú keí gakó lá itove loko lo hutamó.

Luká 3:19

Lá imóza, agulizaki ve Heloté nene uvolahini venala Helotiasini ipá oko aleake netá golesa lugáa alekago, Zoní nenemú gahá amekago, Heloté nenemú gele golesa oake,

Luká 9:7

Lá niago, agulizaki ve Heloté nene aposolote alévolé netá lilí niakumú geleake, agata gululusi gilimó nene, ve makolite Zoní nene heleneikutí oteake ámina netá loló noive liki nilago,

Aposolo 23:26

Neza Kalautió Lisiana kiapé napa Pelikitega, geké nologetuke luhuva netá imane gizo nogumuve.

Aposolo 24:27

Lá iki niasigo, kilisimasi lositá oko vokago, kiapé makó agulizá Polokió Pestó áisi Pelikini hoza agepaló alimó. Lá noigo, Pelikí eza Zuta ve mulúikú ale lamaná ike Pauló nene nagá numukú noigo, ahuloake vimó.

Aposolo 26:30

Loko lokago, agulizaki ve napa Agilipá ezagi kiapeki mohó agunala Pelenikeki ve lugáagi otiake,

Aposolo 4:27

Lapanalagi gelekelé gipaka Izesúma lugutó vizeaká hozamú alémo etó ani vema lova ali aminigi Heloté ave Potiasi Pilató ave itó hetoka vegenaki Isilaeló gizapa vegi keza lamaná imane apatoka alegesá iake,