Loma 5:16 - Monó Gotola Gosohá

¹⁶ Itó Ómasímo nasahilí lehizeletamó nenémo Atá lihima netá alimó nene avilegeake iteko neve. Hamolíminoko nomive. Ve hamolímo lihima netá alimó nenémo puu likumule loko Ómasímo lihima lemeaká mogona utó okamóza, vegená mukilite lihima netá alikago, Ómasímo aí avogisaló lihimate asú olimikiko minatuni netá mukí hagitana lehizeletonoimóma neve.

Loma 5:16 ပူးပေါင်းရင်းမြစ်များ

Mataió 6:14

Lekeza likigivetikini lihima ahulikitatamó nene, okulumakú ametipo nene áminagó oko lekelí lihimatini ale ahuloleketanogo ive.

Loma 8:1

Nenemú Izesu Kilistotoka miní ameko nouhá vegená lelitoka lihima netá aleakakumú lihima limitimoláa nomive.

1 Koliti 11:32

Itó Guivahanímo mogonatemú lotuva legeaká noi zupa nene lelí mogona ale utó oko lagavutó zeaká noive. Monó gelema vegenaki gopa miniki golesa ikatave loko nenémini olimiaká noive.

Galesia 3:10

Itó Mosé lo hukoko li gakokú leheta iake ámegé ámegé iaká nia vegená keza lolímini mututoni lilí inigave. Nenemú monó gotolaú láa liki luhuva gizinamóma neve: Mosé lo hukoko li gakokú hize letoko gizoloko vonoi gakó mukitó gili alemitamó nenete usilímini mututoni minanigave.

Zemusí 2:10

Ómasímo haitó ve vená ipá i ezega emega amilo loko limó itó vegená kipili helemilo loko lo hukamó neve. Itó lekeza haitó ve vená ipá i ezega emega amiki vegená kipili hilitamó nene Ómasímo lo hukoko li gakó mota pelevesava zikamó nenazo, ve makolímo Ómasímo lo hukoko li gakó mukí nene gele alekoko hamokó gele ahulatimó nene, mukitoka mota avutá imó gilinogo ive.