Hipulu 7:8 - Monó Gotola Gosohá

⁸ Lugaloka nene guguni gizi amiaká nia ve keza miniki hilitamó nenete vegenalitini netá matáini 10 10 nekutí hamopamó aliaká niave. Itó lugaloka ámina netá 10 10 nekutí hamopamó ali ve Melikisetekekumú nene eza hili gakó itó agapilamó zuhatini gakó ma nominazo, eza minoloko voko minoaká noi veve liki luhuva gizinamó gelekave.

Hipulu 7:8 ပူးပေါင်းရင်းမြစ်များ

Zoní 14:19

Gamena alínipa makó neize. Nene gamena asú noiko, monó gele zagemita vegená nenete není goha ánigamitamóza, lekelisi nene ániganigave. Neza gosohá minoloko iteakalímini amelaho nounazo, lekeza áminagó iki gosohá miniliki itinigave.

Zoní 14:6

Loko lokago, Izesú láa loko lo amimó: Gapovagi itó gakó gihilagi itó alévolé oko minoakalímini amelahina nénisi nene nouve. Není niviligiiki aménehitoka viki anitiakala nene ma nomive.

Hipulu 3:16

Nene hí vegenalite Ómasímini anó lupa gili ahuliake pelesa ziaká amó neve. Mosé ale goí oketago Izipi mikasiukatí a vegenalite lá amóma neve.

Hipulu 5:6

Itó gakó makó láa loko lo amimó neve: Géisi nene Melikisetekeni avevezahaló oko guguni gizo ameaká ve mino lúaló moloko minanogane.

Hipulu 6:20

Neneloka lelikumule loko ale goí olimiaká ve Izesú áisi nene ale goí o mololetoko voko agikagú vo hola ve Melikisetekeni avevezahaló lelí guguni gizoaká ve loló oake alévolé oko mino lúaló moloko minanogo ive.

Hipulu 7:23

Itó goí iki guguni giziaká ve keza nene hoza miní amiki aliliki nivake hili vivi amó nenazo, ámina hoza agepaló alita ve mukí minamó.

Hipulu 7:7

Itó iti mina vete limi mina vegená nónohá zikimiaká niakumú nene makolímo ma gelemuve loko lamitimó nenazo, nenemú Melikiseteké eza Avalahani avilegeko ve napa minamó neve loko gelenoune.

Hipulu 7:9

Neza gelekugo lá okave. Livaí eza avolahini agupeuka ha noigo, Melikisetekeki hotu li lomala niasigo, Avalahani liví nene ale amimó nene Livaini amimó geleneive. Lá okago, Livaí eza vegenatotí henoni 10 10 nekutí netá hamopamó aliaká a vetini avóipo mina vémo Avalahani amatoka minake ámina netá nene Melikisetekeni ale amimó gelekave. Itó Livaiki aí agapilamó zuhagi guguni giziaká ve lilí amó mukitó nenete Melikiseteké mota Livaini avilegekave liki linamó gelekave.

Hipulu 9:27

Vegenalita gamena hamokó hilitune loko itó alikáa lihimatemú goní inogo une.

Alikamú 1:18

itó alévolé amelahina neza imane nouve. Gelenape. Neza hulumóza, goha otekuke mino lúaló moloko minanogo uve. Itó heleakalímini itó galémini gahémini kií nénisi alenouve.