Hipulu 3:7 - Monó Gotola Gosohá

⁷ Isilae vegenalite Ómasímini gakó gili ahuliake mino gelekelé oakalagú vi hilamakumú nene Sikalahulímo li gakóma monó gotolaú láa liki gizinamó nene gele minatunize: Itína nene lekeza Ómasímini anó lupa gilinitamó nene,

Hipulu 3:7 ပူးပေါင်းရင်းမြစ်များ

Mataió 17:5

Loko noli agepagi límusi saheheváa nene lemeko ze hitokimikago, límusigutí Ómasímo láa loko limó: Imane nigika amenou gipáne noimó nene ánigo numu helekuze, lekeza nene gakoláa gili alilo.

Mataió 22:43

Liki likago, eza láa loko lo kimimó: Láa likima Sikalahulímo nanamú Tevitini alémo vávani okago Tevití nene ámina vemú nene Guivahaníneve loko live. Tevití láa loko limó neve:

Makí 12:36

Tevití eza Ómasímini Sikalahú nenémo agikagú alémo vávani okago láa loko limó: Mezaú ve eza není Guivahaníne nene není nigizani zamagaloka minoloko voko noako, mukí gala vega nene gigisa lapuvauka ahuloketanogo uve loko lo amimóma neve.

Zoní 10:16

Itó sipsip izáne mulusi makó niave. Keza imane mikasigú vegenalitini geisa mikutí niamave. Neza kelémoko okugo, nonó lupamú gilinigave. Lá ikiko, sipsip iza mulusi hamokó minanigave, itó ámina oko gizapa ve hamokó minanogo uve.

Zoní 10:27

Sipsip izáne lilí iki nia vegenalite nonó lupamú giliaká niago, neza ánigoko geleketonougo némegetiaká niave.

Zoní 10:3

Áisi nene anitekiko gatetó gizapa ve nenémo gahe segetanogo ive. Itó sipsip izava keza gizapa vémini anó lupamú gilinigave. Nigiliko sipsip izavatini kugulizá oko sele noloko geisa mikutí kelémoko liminogo ive.

Zoní 5:25

Neza lamaná lo likimitoze, gililo. Gamena makó alitanogo ive. Itó imane litá oko mota alitokave. Neneloka helemó nenete Ómasímini gipala není nonó lupa giliiki otiiki minanigave.

Aposolo 1:16

Nigivénegita, Zutá eza ale goí igo Izesuni agizató ale vemámini mogonala nene lo likimitoze, gililo.

Aposolo 28:25

Lá iake liká ahuliká iki liminigi niago, Pauló nene gakó hamokó láa loko lo kimimó: Ómasímini Sikalahulímo agepagutí gakó loaká i ve Isaiani alémo vávani okago, gakó gihila nene avotikini láa loko lo kimimóma neve:

Aposolo 8:29

Sikalahulímo Piliponi nene voko kali volane vo agupeló vozo.

Hipulu 10:15

Itó Ómasímini Sikalahulímo ezagi ámina gakó nene lamaná gihila neve loko lo utó oko lo lemekamóma neve. Aí gakola monó gotolaú lá oko neve:

Hipulu 3:13

Leza ganá apí oko gele seketigí uni gakó nene ale gikitoko alinake anosaló anititunimó nene Kilistoni nasahilí izá moloko ale minuni vegená loló itunimó nenazo, gamena gamena itó gamenavatini ha neikoma golesa netalímini gimilegú moloká aleká oaká nenémo lekelitokatí ve makó apikulú alekoko Ómasimú agika hize lí okative liki, eza agata aliko eza agata aliko iki luhusatini ali alévolé iki minalo.

Hipulu 3:15

Nenemú monó gotolaú gakó makó lá oko nemó nene gele alitunize: Lekeza itína Ómasímini anó lupa gilinitamó nene Isilae vegená gínikaha iake mesaha amó nenéminiki likigika hize lí iko lá amilo.

Hipulu 4:7

nenemú itína vo holatuni gamena makó moloake, mota lo lukumu gakó nene alika Tevitini agepagú molokago, láa loko limó: Lekeza itína nene Ómasímini anó lupa gilinitamó nene, likigika hize lí iko minamilo.

Hipulu 9:8

Ámina netalímini mogonamú nene Sikalahulímo láa loko lo nolimive: Seli numuni nene ha neiko apazá gihila etó onoi zavusavegú Ómasímini avogisaló vo holatuni gapo koló o gesá amimó neve.

Alikamú 3:20

Gilinahe. Neza likigikámini gahe amegesaloka otenouke hoko-hoko loaká nouve. Makó keza gakóne imane giliiki gahe siginimikiko, keí numukú itinogo uve. Iteko kezagi noko minanogo une.