Epeso 2:22 - Monó Gotola Gosohá

²² Sikalahú nenémo lekezagi ámina oko aitoka lekelémo miní amekago, Ómasímini numuni apá lilí ikago mulutikú minoko aleko oaká noive.

Epeso 2:22 ပူးပေါင်းရင်းမြစ်များ

1 Koliti 3:16

Lekeza nene Ómasímini monó zavusave niave, itó Ómasímini Sikalahú nene mulutikú minoko aleko oaká noimó nene gelemahe.

1 Koliti 3:9

Leza Ómasímini hozaló veva nousive. Ómasímini minía nene lekelisi niave. Itó lekeza Ómasímini numuni apala niave.

1 Koliti 6:19

Itó lekeza láa liki gilisá amahe: Lukugupe nene Sikalahulímini monó zavusave neve. Ómasímo lekelí lukugupémini agikagú minoko aleko itive loko mololeketonoimóma neve. Lekeza nene likigika lukugupémini amelage minamanazo,

2 Koliti 6:16

Itó Ómasímini zavusavegi soza ómai netalímini zavusavegi keza nana iki apizitáive. Gilinahe. Ómasi alévolé oko minoaká vémini zavusave nene lélisi nene noune. Nenemú Ómasímo láa loko lonoimóma neve: Neza mulúiku minoko aleko inake holutikú mohona inogo uve. Ómasinini loló o kemekugo, keza vegenáne zuha minanigave.

Epeso 3:17

itó Kilistokumú gili alévolé iminatímo eza mulutikú minoko aleko itive loko, itó agika likimitímo luhusatini ale gilitoko lukesalini loló okiko,

1 Zoní 3:24

Lo huka gakoláa gili alita vegená keza Ómasigi apizi lamaná iki niminiko, Ómasi eza mulúikú minoko aleko inogo ive. Itó Sikalahú lehizeletamó áisi lo lemekago, Ómasi eza mulutegú minoko aleko oaká noive loko geleaká noune.

1 Zoní 4:13

Áisi lelí lelémo amakuka moloaká noive. Itó lelí mulutegú minoko aleko oaká noive. Nenémini mogona nene Sikalahula lehizeletamole loko gelenoune.

1 Zoní 4:16

Ómasímo agika lemeaká noimó nene ánigoko gelenoune. Itó gele seketigí oko gelekune. Ómasímini mogona nene agika lemeakalímini neve. Itó vegená makó kigika kimiliki viki miniki aliki ita vegená keza Ómasiloka gímiziki minanigave. Itó Ómasímo mulúikú minoko aleko inogo ive.