Alikamú 14:5 - Monó Gotola Gosohá

⁵ Keza nene galanáini nomi vegená nianazo, kegepaukatí soza gakó makó olío lememimóma neve.

Alikamú 14:5 ပူးပေါင်းရင်းမြစ်များ

Mataió 12:34

Gosihalímini agapilamó zuha lekelisi nene niave. Mogonatini golesagi nianazo, gakó lamaná ma lisá amave. Ligikagú vaí o minakutí legepatunú loaká noune.

Luká 23:4

Loko lokago, Pilató nene guguni giziaká ve napamagi mukí vegenámagi láa loko lo kimimó: Neza imane vémini lihimavalamú vitagá umó nomive.

Zoní 1:47

loko lokago, Natanaé nene Izesutoka vo anitekago, ánigoake, Ánigalo. Imane ve Isilae ve gihiláa nenazo, agikagú soza gakó minami ve noive.

Epeso 5:27

ezáaloka ale akolotake likigika gizopa lo minikogó lihima nomimó etó ikigó minatave loko hilimó neve.

Kolosa 1:22

itína Kilistoni agupe hilimó nenémo hulu lekemekago, likigika gizopa lo miniko apazá keké viziki Ómasímini avogisaló lihima nomimó minatave loko goha aitoka lekelémo apizimóma neve.

Hipulu 9:14

Lá okanazo, Kilistó eza nene mino-loko vova vova oaká Sikalahulímo hize lé otago, ezáa agika agupe avasavagi minamó nene Ómasi lehizemiake, lélisi oko moloko oaká uhá netá hutuváa ligikagú gímizimó nene Kilistoni golanímo aleko iteko nagamí zeko lelémo vávani okiko, alévolé Ómasi gelekeleláa otanogo une.

1 Pitá 1:19

Lekeza Kilistoni golani meinava iteko minamó nenetunú meina hizeko gologí oleketonoimóma neve. Eza guguni gizoaká sipsip iza agupe gololó imó itó avasavagi vové avé loko minamó nenéminoko minamóma neve.

1 Pitá 2:22

Áisi nene lihima makó ale utó molamimóma neve. Itó agepagutí soza makó lamimóma neve.

1 Pitá 3:10

Nenemú monó gotolaú gakó makó láa loko neve: Guivahani eza hee hee liki miniaká nia vegenatokagó agovisa kemeko aitoka liaká niakumú agata moloko gámemé noimóza, golesa netá aliaká nia vegená nene Guivahanímo ánigamó ánigo goselé oaká noinazo, makó keza alévolé oko minoakakumú lagaváa kivisekiko logoliza vizeko minoko aleko itune liikima genezáiniló gizapa iiki gakó golesa lamitaze. Itó kegepatunú soza gakó makó lamitaze. Itó golesa netá kemegesa amiiki netá lamanakó alitaze. Hulugú miniki nenémini hozaváa aliki amuza miliki alitaze.

Zutá 1:24

Itó hize lé olikimikiko, akiki otiki amiki niko gonanalivagi lapanalaló lihimavatini minamitimó niko lokogolizagi lekelémo molati ve