2 Pitá 3:3 - Monó Gotola Gosohá

³ Ganatilisi imane gili zagiki gililo. Alika gamenama alitokiko, vegená golesa utó iiki kugupémo amu heleaká noi netató ali gikitiki aliki miniki gakotini alivi letivi iki lilikitiki

2 Pitá 3:3 ပူးပေါင်းရင်းမြစ်များ

Zoní 12:48

Makó keza není ahuli hotó inimiiki není gakó ahulatamó nene, gakó lo mulumó nenémo gamena napaló goní oketanogo ive.

2 Koliti 4:2

Láa nounike, avozavagi netá itó asugunatoka aleaká netá nene lemegesa amekunike, makó sozámini amupiló minoko Ómasímini gakó ale gopa oaká nene ma osá amune. Leza Ómasímini avogisaló monó ale akutoko lo utó moloko lo nokumuko vegená mukilite lelí mogonate gilikago hee lokogó neve.

2 Timotí 3:1

Geza gakó makó láa loko gele hee lozo: Gamena asú inogo noiko, golesa netá utó oko puu linogo ive.

Hipulu 1:2

gamena asú inogo noigo imane gamena nene gipalámini agepa ale vávani okago aí gakó lo utó oko lo limimó. Gipala eza mukí netá matalímini mututonáa loló oko minative loko lota vémini zámuzatunú mukí netá ale utó imó.

2 Pitá 1:20

Ómasímini agepagutí gakó nene vegenalita giliki alivi hiziiki makó linamó negopa, Ómasímini Sikalahulímo kelémo vávani noigo Ómasilokatí gakó liki miniaká amóma nenazo, nenemú ganatilisi gakó makó láa liki gili guni iki gililo: Ómasímini agepagutí gakó liaká a vete monó gotolaú luhuva gizi mila gakolímini mogonáa nene ve makolite kezáini kigikagutí gili guni iake lamoakalímini neve.

2 Pitá 2:10

Litaha kigikámo amu heleaká netá golesa ámegetiake goihá giligili iki gizapa véinitini gakó gili ha gele gele iaká nia ve nene Ómasímo aleko iteko alévolé oko nagá kiminogo ive. Ámina soza monó ve nenémináa nenete kelegesá legemigo hokolizá iki miniaká niave. Itó lapanáiki niamoláa nene alivi letivi ikitiki miniaká niave.

1 Zoní 2:18

Mohóne gipáne, gamena nene mota alínipa o asú okave. Nenemú lekeza Kilistoni gala ve napa utó itive liki lina gakó mota gilinave. Itó itína gala veva mukí utó iake miniliki vinave. Nenemú nene gamenaváa mota alínipa o lamaná okave loko gelenoune.

Zutá 1:16

Ve nenémináa keza géneka háneka lake gínikaha gánakaha iki kugupémo amu heleaká noi netá aliki nenegú minake kezáinimú ali nupa napa iki nimina ve keza vegená lugáate netá matá limitave liki kegepoka liki giminikú miliká aliká iaká niave.

Zutá 1:18

Keza nene gamena napa alitokiko, gumesisi mokoló hozáinimú amuza miliaká nia ve utó iiki monotinimú alivi letivi ilikitatave liki li kimiaká amóma neve.