Yaptıklar 14:1 - Enі Baalantı

¹ İkoniya kasabasında hep butürlü oldu. Pavli hem Varnava girdilär iudey sinagogasına da lafettilär ölä, ani inandı çok insan iudeylerdän hem urumnardan.

Ени Бааланты

¹ Иконийа касабасында хеп бутӱрлӱ олду. Павли хем Варнава гирдилӓр иудей синагогасына да лафеттилӓр ӧлӓ, ани инанды чок инсан иудейлердӓн хем урумнардан.

Yaptıklar 14:1 ပူးပေါင်းရင်းမြစ်များ

Mark 7:26

Bu karı urumca lafedärdi, ama kendisi Siriya-finikiyalıydı. O yalvarardı, çıkarsın fena duhu onun kızından.

İoan 12:20

Onnarın, kim geldiydi İerusalimdä baş iiltmää, vardı birkaç urum aralarında.

İoan 7:35

İudeylär lafedärdilär biri-birinnän: «Nereyi bu adam isteer gitsin, da biz Onu bulamayalım? Düşünmeer mi gitsin bizim insana, ani daanık urum kasabalarına, da urumnarı üüretsin?

Yaptıklar 11:21

Saabinin eli onnarlandı. Çok insan inandılar da döndülär Saabiyä.

Yaptıklar 13:43

Açan toplantı daalıştı, çok iudey hem dinni yabancılar, kim dönmüştü iudey dininä, gittilär Pavlinin hem Varnavanın ardına, angıları durdular lafa onnarlan da bakardılar inandırmaa onnarı, ki ileri dooru verilsinnär Allahın iivergisinä.

Yaptıklar 13:46

Ama Pavli hem Varnava girgin dedilär: «İlkin sizä lääzımdı sölensin Allahın sözü, ama çünkü siz onu ret edersiniz da istämeersiniz kabletmää diveç yaşamak, onuştan biz döneriz başka milletlerä.

Yaptıklar 13:5

Etiştiynän Salamin kasabasına, haberledilär Allahın sözünü iudey sinagogalarında. İoanı almıştılar yardımcı kendilerinä.

Yaptıklar 13:51

Pavli hem Varnava silktilär tozları ayaklarından, onnara azar gibi, da gittilär İkoniya kasabasına.

Yaptıklar 14:19

Antiohiya hem İkoniya kasabalarından geldi birkaç iudey da, insanı kendi taraflarına çekip, düüdülär Pavliyi taşlan, sora sanarak, ani öldü, sürüdülär kasabadan dışarı.

Yaptıklar 14:2

Ama o iudeylär, angıları inanmadılar, debreştirdilär tayfännarı da çevirdilär onnarın üreklerini kardaşlara karşı.

Yaptıklar 14:21

Annattılar İi Haberi bu kasabada da edendilär çok üürenici. Sora döndülär geeri Listra, İkoniya hem Antiohiya kasabalarına.

Yaptıklar 16:1

Sonda Pavli etişti Derviya hem Listra kasabalarına. Orada vardı bir üürenici, adı Timofey. Onun anası bir inancı karı iudeylerdän, ama bobası urumnardandı.

Yaptıklar 16:2

Kardaşlar Listra hem İkoniya kasabalarından Timofeyi metettilär.

Yaptıklar 17:12

Onnardan çoyu inandılar hem bir sürü urum karı-adam ii insannardan.

Yaptıklar 17:17

Sinagoga içindä lafedärdi iudeylärlän hem Allahtan korkan insannan. Meydanda lafedärdi her gün, kiminnän karşı gelärdi.

Yaptıklar 17:4

Kimisi onnardan, büük bir sürü urum, ani korkardılar Allahtan, hem anılmış karılardan birkaçı, inandılar da geçtilär Pavlinin hem Silanın tarafına.

Yaptıklar 18:4

Her cumertesi Pavli lafedärdi sinagogada da inandırardı hem iudeyleri, hem urumnarı.

Yaptıklar 18:8

Krisp, sinagoganın öndercisiydi, Saabiyä bütün evinnän inandı. Korinflilerdän çok insan Pavliyi işittilär, inandılar da vaatiz oldular.

Yaptıklar 19:10

Bölä tuttu iki yıla kadar. Ölä hepsi Asiyada, hem iudeylär, hem urumnar, işittilär Allahın sözünü.

Yaptıklar 19:17

Bu oluş için haber etişti hepsi iudeylerä hem urumnara, angıları yaşardılar Efes kasabasında. Bir korku hepsini aldı, da Saabi İisusun adı büük bir saygı kazandı.

Yaptıklar 19:8

Sora girdi sinagoga içinä da üç ay insana korkusuz annadardı hem inandırardı Allahın Padişahlıını.

Yaptıklar 2:47

Allahı metinnärdilär hem hepsi insandan beenilmiştilär. Saabi her gün eklärdi eni kurtulannarı onnarın sayısına.

Yaptıklar 20:21

Çaardım hem iudeyleri, hem urumnarı, dönsünnär günahlarından Allaha da inansınnar Saabimiz İisusa.

Yaptıklar 21:28

Onnar baarardılar: «İzrailin adamnarı, yardım edin! Bu adam hepsini hererdä üüreder halkımıza, Zakona hem bu erä karşı. Bundan kaarä, urumnarı da soktu Ayoz bina içinä da mındarladı ayoz eri».

Yaptıklar 9:20

Saul hemen başladı haberlemää sinagogalarda, ani İisus – Allahın Oolu.

Romalılara 1:16

Zerä bän utanmêêrım /Hristozun/ İi Haberindän. O bir kuvet Allahtan, ki kurtarsın hepsini, kim inanêr, ilkin iudeyleri, sora urumnarı da.

Romalılara 10:12

Yok ayırmak iudeylerin hem urumnarın arasında, zerä hepsinin Saabisi birdir. O herkezinä cömert, kim Onu çaarêr.

Galatіyalılara 2:3

Tit da benimnän geldiydi. Makar ki o urumnardan, zorlamadılar onu, kesiklik kabletsin.

Galatіyalılara 3:28

Yok şindän sora ne iudey, ne urum, ne çırak, ne serbest, ne adam, ne karı; İisus Hristozda hepsiniz bir.

Koloslulara 3:11

Burada yoktur ayırmak urum, iudey, kesikli, kesiksiz, varvar, skif, çırak hem serbest arasında. Hristos – hepsidir hem hepsindä.

2 Tіmofeyä 3:11

koolamakları hem zeetleri, ani başıma geldi Antiohiya, İkoniya hem Listra kasabalarında. Ne koolamaklar geçirdim! Ama hepsindän Saabi kurtardı.