Romalılara 8:16 - Enі Baalantı

¹⁶ Bu Duh Kendisi, bizim duhumuzlan birleşip, şaatlık eder, ani biz Allahın uşaklarıyız.

Ени Бааланты

¹⁶ Бу Дух Кендиси, бизим духумузлан бирлешип, шаатлык едер, ани биз Аллахын ушакларыйыз.

Romalılara 8:16 ပူးပေါင်းရင်းမြစ်များ

Matfey 5:9

Mutlu barıştırıcılara, zerä onnara denecek Allahın oolları!

Luka 20:36

Artık yok nasıl ölsünnär, çünkü angillerä benzeerlär. Onnar Allahın oolları, zerä ölümdän dirileceklär.

İoan 1:12

Ama hepsi onnar, kim Onu kabletti, kim Onun adına inandı, O izin verdi onnar olsun Allahın uşakları,

Yaptıklar 5:32

Bunnara biz şaadız hem Ayoz Duh, Angısını Allah verdi onnara, kim sesleer Onu».

Romalılara 8:14

Zerä hepsi, kim kullanılmış Allahın Duhundan, onnar – Allahın oolları.

Romalılara 8:19

Zerä hepsi, ne yaradılmış, umutlan bekleer, nezaman Allahın oolları açılacek.

Romalılara 8:23

Ama diil sade o yaradılannar, ama biz dä, kimdä var Allahın ilk baaşışı – Ayoz Duh, biz dä oflêêrız hem bekleeriz, bizi ool yapsın hem kurtarsın bizim güüdelerimizi.

Romalılara 8:26

Hep ölä Duh ta yardım eder bizä, bizim zayıflıımızda. Zerä biz bilmeeriz, nicä lääzım dua etmää, ama Duh kendisi bizim için aracılık eder ölä oflamaklarlan, ani laflan hiç annadılmaz.

Romalılara 9:26

Hem nicä orada dener: Siz diilsiniz Benim insanım, onnara denecek diri Allahın oolları».

Romalılara 9:8

Bundan annaşılêr, ani Allahın uşakları diil onnar, kim duuêr güüdeycesinä Avraamdan. Ama Avraamın senselesi sayılacek onnar, kim duuêr Allahın adamasına görä.

2 Korіnflіlerä 1:12

Bununnan üüneriz, pak üzlän bunu var nasıl söleyelim, ani biz dünnedä hem maasuz sizin aranızda yaşadık, halizliklän verilip Allaha, diil insan aarifliinä görä, ama Allahın iivergisinä görä.

2 Korіnflіlerä 1:22

Angısı bizi mühürledi hem pey verdi Ayoz Duhu bizim üreklerimizä.

2 Korіnflіlerä 5:5

Onuştan Allah bizi hazırladı da Ayoz Duhu pey bizä verdi.

2 Korіnflіlerä 6:18

«Bän Boba sizä olacam, siz da oollar hem kızlar Bana olacenız», – deer Saabi, Çokkudretli.

Galatіyalılara 3:26

Hepsiniz, inannan İisus Hristoza, olêrsınız Allahın oolları.

Galatіyalılara 4:6

Çünkü oolluk edendiniz, Allah Kendi Oolunun Duhunu üreenizä yolladı, ani baarêr «Avva!» – annaması «Boba!»

Efeslіlerä 1:13

Açan işittiniz hakına sözü – İi Haberi, angısınnan kurtuldunuz, onu inandınız hem Hristozda siz dä adanmış Ayoz Duhlan mühürlendiniz.

Efeslіlerä 4:30

Gücendirmeyin Allahın Ayoz Duhunu, Angısınnan mühürlendiniz kurtulmak günü için.

1 İoanın 3:1

Bakın, netürlü sevgi bizä Boba verdi, ki bizä densin Allahın uşakları. Da hakına öleyiz. Onuştan dünnä bizi tanımêêr, zerä Onu da tanımadı.

1 İoanın 3:10

Tä nesoy belli olêr, kim Allahın uşakları hem kim diavolun uşakları: herkez, kim dooruluk yapmêêr hem kim kendi kardaşını sevmeer, o diil Allahtan.

1 İoanın 3:2

Sevgili kardaşlar! Biz şindi Allahın uşaklarıyız, ama ne olacez, bizä taa açılmadı. Salt okadar bileriz, ani, açan Hristos açılacek, Ona benzär olacez, zerä görecez Onu, nicä O hakına var.

1 İoanın 4:13

Bununnan tanıyêrız, ani Allah bizdä, biz dä Onda, zerä O Kendi Duhundan bizä verdi.

1 İoanın 5:10

Kim inanêr Allahın Ooluna, onda var Allahın şaatlıı. Kim inanmêêr Allahı, Allahı yalancı yapêr, zerä inanmêêr Allahın şaatlıını, ani Allah şaatlık etti Kendi Oolu için.

Apokalіpsіs 21:7

Kim enseyecek, o bunnarı edenecek. Bän ona Allah olacam, o da bana ool olacek.