Romalılara 8:14 - Enі Baalantı

¹⁴ Zerä hepsi, kim kullanılmış Allahın Duhundan, onnar – Allahın oolları.

Ени Бааланты

¹⁴ Зерӓ хепси, ким кулланылмыш Аллахын Духундан, оннар – Аллахын ооллары.

Romalılara 8:14 ပူးပေါင်းရင်းမြစ်များ

Galatіyalılara 5:18

Eer siz Duhtan kullanılmış olarsaydınız, diilsiniz Zakonun zapında.

İoan 1:12

Ama hepsi onnar, kim Onu kabletti, kim Onun adına inandı, O izin verdi onnar olsun Allahın uşakları,

Galatіyalılara 3:26

Hepsiniz, inannan İisus Hristoza, olêrsınız Allahın oolları.

Galatіyalılara 5:16

Bunu demää isteerim: yaşayın Ayoz Duha görä, ozaman tamannamazsınız tenin hamellerini.

Apokalіpsіs 21:7

Kim enseyecek, o bunnarı edenecek. Bän ona Allah olacam, o da bana ool olacek.

1 İoanın 3:1

Bakın, netürlü sevgi bizä Boba verdi, ki bizä densin Allahın uşakları. Da hakına öleyiz. Onuştan dünnä bizi tanımêêr, zerä Onu da tanımadı.

2 Korіnflіlerä 6:18

«Bän Boba sizä olacam, siz da oollar hem kızlar Bana olacenız», – deer Saabi, Çokkudretli.

Galatіyalılara 4:6

Çünkü oolluk edendiniz, Allah Kendi Oolunun Duhunu üreenizä yolladı, ani baarêr «Avva!» – annaması «Boba!»

Romalılara 8:5

Kim tencesinä yaşêêr, düşüner, ne ten isteer. Ama kim duhçasına yaşêêr, düşüner, ne Duh isteer.

Romalılara 8:9

Ama siz tendän zaplı diilsiniz, ama Duhtan, eer Allahın Duhu sizdä yaşarsaydı. Kimdä yok Hristozun Duhu, o diil Onun.

Efeslіlerä 5:9

Zerä aydınnıın meyvası hertürlü iilik, dooruluk hem aslılık.

Romalılara 8:19

Zerä hepsi, ne yaradılmış, umutlan bekleer, nezaman Allahın oolları açılacek.

Romalılara 9:8

Bundan annaşılêr, ani Allahın uşakları diil onnar, kim duuêr güüdeycesinä Avraamdan. Ama Avraamın senselesi sayılacek onnar, kim duuêr Allahın adamasına görä.

Efeslіlerä 1:5

O öncä kararladı, Kendisinä aaretlik alsın bizi İisus Hristozun aracılıınnan, Kendi istemesinä hem ii kurulmuşuna görä,

Romalılara 9:26

Hem nicä orada dener: Siz diilsiniz Benim insanım, onnara denecek diri Allahın oolları».

Matfey 5:9

Mutlu barıştırıcılara, zerä onnara denecek Allahın oolları!

Galatіyalılara 4:5

ki kurtarsın onnarı, kim bulunêr Zakonun zapında, da busoy oolluk edenelim.

1 İoanın 3:24

Kim tamannêêr Allahın sımarlamaklarını, o Allahta, Allah da onda kalêr. Da bununnan bileriz, ani Allah bizdä yaşêêr – Ayoz Duhlan, Angısını O bizä verdi.