Romalılara 12:6 - Enі Baalantı

⁶ Ayırı baaşışlar kablettik Allahın iivergisinä görä, ani verilmiş bizä. Kimdä var prorokluk baaşışı, onu faydalasın kendi inan ölçüsünä görä.

Ени Бааланты

⁶ Айыры баашышлар каблеттик Аллахын иивергисинӓ гӧрӓ, ани верилмиш бизӓ. Кимдӓ вар пророклук баашышы, ону файдаласын кенди инан ӧлчӱсӱнӓ гӧрӓ.

Romalılara 12:6 ပူးပေါင်းရင်းမြစ်များ

Matfey 23:34

Onun için, tä, yollêêrım sizä prorokları, aarifleri hem bilgiçleri. Kimisini öldüreceniz da stavroza gereceniz, başkalarını düüyeceniz sizin sinagogalarda hem koolayacenız onnarı kasabadan kasabaya.

Matfey 25:22

O, angısı kablettiydi iki talant, geldi da dedi: „Çorbacı, sän verdin bana iki talant. Bän onnarlan kazandım taa iki talant“.

Luka 11:49

Onuştan Allahın Aariflii deer: „Yollayacam onnara Benim proroklarımı hem apostollarımı: kimisini öldüreceklär, kimisini koolayaceklar!“.

Yaptıklar 13:1

Antiohiyada, oradakı klisedä vardı kimi proroklar hem üüredicilär: Varnava; Simon, angısına denilärdi Niger; Luţiy, Kirinä kasabasından; Manain, angısı büüdü İrod beylän barabar; hem Saul.

Yaptıklar 15:32

İuda hem Sila, angılar kendileri dä proroktular, girginnettilär kardaşları, kaavilendirip türlü laflan.

Yaptıklar 2:17

„Son günnerdä, deer Allah, dökecäm Benim Duhumdan herbir insan üstünä. Sizin oollarınız hem kızlarınız prorokluk edeceklär. Gençleriniz görünmäk göreceklär, ihtärlarınız düş göreceklär!

Yaptıklar 21:9

Onun vardı dört evlenmemiş kızı, angıları prorokluk edärdilär.

Romalılara 1:11

Zerä pek isteerim göreyim sizi hem sizinnän paylaşayım bir baaşış Duhtan sizin kaavilenmeniz için,

Romalılara 12:3

Allahın iivergisinnän, ani bana verilmiş, sizä hepsinizä deerim: düşünmeyin kendiniz için taa üstün, nekadar lääzım. Ama ii düşünün o inan ölçüsünä görä, nekadar Allah herkezinä verdi.

1 Korіnflіlerä 12:18

Ama Allah erleştirdi herbir eki güüdedä ölä, nicä Kendi istedi.

1 Korіnflіlerä 13:2

Eer bendä varsaydı prorokluk beceriklii, eer bilirseydim hepsi saklı işleri hem edendiseydim bütün bilgiçlii, eer varsaydı büük inanım, bayırları da erindän diiştireyim, ama yoksaydı sevgim, ozaman bän bişey diilim.

1 Korіnflіlerä 14:1

Sevginin ardına gidin, ama çalışın duhça baaşışları edenmää, en çok prorokluk etmää.

1 Korіnflіlerä 14:24

Ama prorokluk edärseydi hepsi, da gelärseydi bir inansız, yada sıradan bir insan, o hepsindän azarlanır hem hepsindän daavalı olur.

1 Korіnflіlerä 14:29

Proroklardan lafetsin iki-üç kişi, kalanı da aaraştırsın, ne sölener.

1 Korіnflіlerä 3:5

Kim Pavli? Kim Apollos? Onnar izmetkerlär, kimin yardımınnan siz inandınız. Saabi herkezinä kendi işini verdi.

1 Korіnflіlerä 7:7

Bän isteerim, ki hepsi insan benim gibi olsun, ama herkezin Allahtan var kendi baaşışı. Birisinä bir türlü, başkasına başka türlü verili.

2 Korіnflіlerä 8:12

Zerä ne veriler havezliklän, o baaşış kabul olêr, diil ani versin birkimsey neyi yok, ama neyi var.

Efeslіlerä 3:5

angısı açık diildi adam oollarına geçän vakıtlarda, nicä şindi açıklandı Ayoz Duhtan Onun ayoz apostollarına hem proroklarına.

Efeslіlerä 4:11

O koydu kimisini apostol, başkasını prorok, başkasını ii haberci, taa başkasını presviter hem üüredici,

Fіlіplіlerä 3:15

Onuştan hepsimiz, kim duhça ergin, lääzım bölä düşünelim. Eer sizdä varsa başka bir neet bişey için, Allah bunu da açacek sizä.

1 Salonіklіlerä 5:20

Prorokluu paasızlandırmayın.

2 Petrіnіn 1:20

Hepsindän öncä biliniz, ani Ayoz Yazılarda hiç bir prorok sözü dä kimsey kendi-kendindän açıklayamêêr.