Romalılara 1:13 - Enі Baalantı

¹³ İstämeerim, kardaşlar, ki bilgisiz kalasınız. Çok sıra neetlendim geleyim sizä, ama şindiyä kadar kösteklär bana karşı çıktı. İsteerim sizdä dä faydalı bir iş yapayım, nicä başka milletlerdä.

Ени Бааланты

¹³ Истӓмеерим, кардашлар, ки билгисиз каласыныз. Чок сыра неетлендим гелейим сизӓ, ама шиндийӓ кадар кӧстеклӓр бана каршы чыкты. Истеерим сиздӓ дӓ файдалы бир иш йапайым, ниӂӓ башка миллетлердӓ.

Romalılara 1:13 ပူးပေါင်းရင်းမြစ်များ

İoan 12:24

Dooru, dooru söleerim sizä, ani booday toomu, ani, düşüp erä, ölmärseydi, yalnız kalêr. Ama ölärseydi, çok bereket getirer.

İoan 15:16

Siz Beni seçmediniz, ama Bän sizi seçtim. Sıraladım, gidip, meyva getiräsiniz, da hojma olsun meyvanız, ki ne dä isteyeceniz Bobadan Benim adıma, sizä versin.

İoan 4:36

Kim biçer, hak alêr, bereket diveç yaşamak için toplêêr. Onuştan ekici hem biçici barabar sevineceklär.

Yaptıklar 1:15

O vakıt topluydu bir üz irmi kişinin dolayında. Petri kalktı bu kardaşların arasında da dedi:

Yaptıklar 14:27

Etişip orayı, topladılar kliseyi da annattılar hepsini, ne Allah yaptı onnarlan hem nicä açtı başka milletlerä inan kapusunu.

Yaptıklar 15:12

Hepsi insan sustu da sesledilär Varnavayı hem Pavliyi. Bunnar annattılar hepsi nışannar için hem şaşmaklı işlär için, ani Allah onnarın yardımınnan tayfännarın arasında yaptı.

Yaptıklar 19:21

Açan bu işlär oldu, Pavli kararladı, Makedoniya hem Ahaya erlerindän geçip, İerusalimä gitsin. O dedi: «İerusalimdän sora Roma kasabasını da göreyim giderim».

Yaptıklar 21:19

Pavli selämnedi onnarı, sora hepsini annattı, ne yaptı Allah tayfännarın arasında onun izmetçiliinnän.

Yaptıklar 28:14

Orada bulduk kardaşları, ani yalvardılar, kalalım edi gün onnarda. Sonda etiştik Roma kasabasına.

Romalılara 1:12

doorusu, ki bän aranızdaykan, havezlenelim biri-birimizin inanınnan – sizin inanızlan bän, benim inanımnan da siz.

Romalılara 11:25

Kardaşlar, istämeerim, ani bu saklı işi bilmeyäsiniz. Bu sizi koruyacek, kendinizi aarif sayasınız. İzrail bir parça vakıda inatlaştı, başka milletlerdän inancıların sayısı tamannanınca.

Romalılara 7:1

Ne, bilmeersiniz mi, kardaşlar – lafederim onnara, kim biler Ayoz Zakonu – Zakonun var kuvedi adamın üstünä okadar vakıt, nekadar adam yaşêêr.

1 Korіnflіlerä 1:10

Yalvarêrım, kardaşlar, bizim Saabi İisus Hristozun adınnan, hepsiniz annaşın, da olmasın ayırıklık aranızda. Olun birliktä, bir neettä hem bir düşünmektä.

1 Korіnflіlerä 10:1

Kardaşlar, istämeerim, habersiz kalasınız, ani hepsi bobalarımız bulut altında bulundular, da hepsi deniz içindän geçtilär.

1 Korіnflіlerä 12:1

Kardaşlar, istämeerim, habersiz kalasınız Duhun baaşışlarından.

1 Korіnflіlerä 14:20

Kardaşlar, fikirlän uşak gibi olmayın, kötülää küçük evlat gibi olun, ama fikirlän olun olgun adam.

1 Korіnflіlerä 14:26

Ozaman ne yapalım, kardaşlar? Açan bireri toplanêrsınız, herkezinizdä var bir psalma, bir üüretmäk, bir açıklamak, başka dildä lafetmäk eki dilleri çevirmäk. Hepsi bunnar olsun klisenin kaavilenmesi için.

1 Korіnflіlerä 9:2

Eer başkası için diilseydim apostol, sizin için baarlem apostolum. Benim apostolluumun mühürü sizsiniz, çünkü inancıysınız Saabiyä.

2 Korіnflіlerä 1:8

Kardaşlar, biz istämeeriz, bilmeyäsiniz, nelär geçirdik Asiyada. Bir büük ük altındaydık, kuvedimizdän dışarı. Ölä ki, umudu aldıydık yaşamaktan.

2 Korіnflіlerä 2:14

Ama şükür Allaha, Kim herzaman gezdirer bizi Hristozun ensemäk paradında hem bizimnän hererdä daadêr gözäl kokuyu, ne geler Onu tanımaktan.

Galatіyalılara 3:15

Kardaşlar! Bir örnek vereyim insan yaşamasından. Makar ki bir baalantı sade insandan yapılı, yok nasıl birkimsey onu bozsun eki ona bişey eklesin.

Galatіyalılara 6:18

Kardaşlar, Saabimiz İisus Hristozun iivergisi olsun sizin duhunuzlan. Amin.

Fіlіplіlerä 1:22

Eer ileri dooru yaşarsam güüdedä, faydalı işlär yapabilärim. Ama bilmeerim, ne ayırayım.

Fіlіplіlerä 4:17

Söleerim bunu, diil ani baaşış aarêêrım. Tersinä, aarêêrım bir kazanç sizin faydanız için.

Koloslulara 1:10

Dua ederiz, ani yaşamanız Saabiyä yakışsın da herbir iş üzerä beendiräsiniz kendinizi Ona, hertürlü iiliklärlän meyva getiräsiniz hem ilerleyäsiniz Onu tanımakta,

Koloslulara 1:6

ani sizä etişti. İi Haber, nicä bütün dünnedä, sizin aranızda da meyva getirer hem git-gidä ilerleer o gündän, açan işittiniz onun için hem hakına annadınız Allahın iivergisini,

1 Salonіklіlerä 2:18

Hakına, ani istedik sizä gelmää. Bän, Pavli, bir-iki sıra istedim geleyim, ama şeytan bizä köstek koydu.

1 Salonіklіlerä 4:13

Kardaşlar, istämeerim sizi bilmezliktä brakmaa ölülär için, ki kahırlanmayasınız, nicä kalan umutsuz insannar.

2 Salonіklіlerä 2:7

Zerä zakonsuzluun saklı kuvedi şindi dä işleer, salt o vakıdadan, açan O, Kim şindi onu durgudêr, ortalıktan alınacek.

2 Tіmofeyä 4:17

Ama Saabi benim yanımdaydı, O beni kaaviledi, ki nasaat işi tamannansın benim aazımnan, da hepsi milletlär onu işitsinnär. Bölä aslanın aazından kurtuldum.