Luka 8:31 - Enі Baalantı

³¹ Fena duhlar İisusa yalvarardılar, ki sımarlamasın gitsinnär dipsizlää.

Ени Бааланты

³¹ Фена духлар Иисуса йалварардылар, ки сымарламасын гитсиннӓр дипсизлӓӓ.

Luka 8:31 ပူးပေါင်းရင်းမြစ်များ

Matfey 25:41

Sora deyecek sol tarafında olannara: „Gidin Bendän, siz betvalılar, diveç ateşä, ani hazırlanmış diavola hem onun angillerinä!

Luka 8:28

Görüp İisusu, bir keskin seslän baardı da düştü Onun önündä, bir büük seslän deyip: «Neyin var benimnän, İisus, Pek üüsek Allahın Oolu! Yalvarêrım, zeetlämä beni!»

Luka 8:32

Burada, bayır yamacında otlardı bir büük sürü domuz. Fena duhlar yalvardılar Ona, izin versin girsinnär domuzlara. İisus izin etti.

Romalılara 10:7

eki: „Kim dipsizlää inecek?“, ki Hristozu ölüdän kaldırsın».

Apokalіpsіs 11:7

Onnar şaatlıklarını tamannadıynan, canavar, ani kalkêr dipsizliktän, onnarlan cenk edecek da, enseyip, onnarı öldürecek.

Apokalіpsіs 17:8

Canavar, angısını gördün, öncä vardı, ama şindi yok. O dipsizliktän çıkacek da kayıplaa gidecek. Erdä yaşayannar, kimin adları dünneyin kurulmasından diil yazılı yaşamak kiyadında, şaşaceklar, görüp canavarı, ani öncä vardı, şindi yok, ama genä gelecek.

Apokalіpsіs 19:20

Canavar hem yalancı prorok, ani yapardı meraklı nışannar canavarın önündä, tutuldular. Yalancı prorok bu nışannarlan aldattı onnarı, kim kablettiydi canavarın damgasını hem kim baş iildärdi canavarın idoluna. İkisi dä diridän atıldılar ateş gölünä, ani kükürtlän yanêr.

Apokalіpsіs 9:11

Onnarın üstünä padişah odur, kim dipsizliin angili, kimä çıfıtçasına dener Avaddon, ama urumcasına Apollion.