İoan 17:19 - Enі Baalantı

¹⁹ Bän onnar için Kendimi vererim Sana, ki onnar da kendilerini versinnär Sana aslılıkta.

Ени Бааланты

¹⁹ Бӓн оннар ичин Кендими верерим Сана, ки оннар да кендилерини версиннӓр Сана аслылыкта.

İoan 17:19 ပူးပေါင်းရင်းမြစ်များ

İoan 10:36

Böleysä, Bän, Kimi Boba ayozladı da yolladı dünneyä, sizin lafınıza görä çıkêr, ani kötüleerim Allahı, salt onuştan, ani dedim: „Allahın Ooluyum“.

İoan 15:13

Yok kimseydä taa büük sevgi, nekadar o, açan birkimsey verer canını kendi dostları için.

İoan 15:3

Şindi siz paklandınız o sözlän, ani Bän sizä söledim.

İoan 17:17

Ayozla onnarı aslılıklan. Senin sözün aslılık.

İoan 17:20

Dua ederim diil sade onnar için, ama kalanı için da, angıları onnarın laflarından inanaceklar Bana.

1 Korіnflіlerä 1:2

seläm yollêêrız sizä – Allahın klisesinä Korinf kasabasında, angılar ayozlanmış İisus Hristozdan hem çaarılmış ayoz olmaa – hem hepsinä, kim anêr bizim Saabimizin İisus Hristozun adını hererdä. O hem onnarın, hem bizim Saabi.

2 Korіnflіlerä 4:15

Zerä hepsi bunnar sizin faydanız için olêr, ki Allahın iivergisi, zeedelenip, taa çok insana etişsin, da şükür zeedelensin Allahın metinnii için.

2 Korіnflіlerä 7:14

Ölä ki, bän kalmadım utanmakta, eer biraz sizinnän üündüseydim onun önündä. Ama nicä hepsi dooru, ne söledim sizä, ölä Titın da önündä sizinnän üünmemiz dooru çıktı.

2 Korіnflіlerä 8:9

Zerä siz bilersiniz bizim Saabi İisus Hristozun iivergisini. O Kendisi, olarak zengin, fukaaralandı sizin için, ki siz Onun fukaaralıınnan zenginneyäsiniz.

Koloslulara 1:6

ani sizä etişti. İi Haber, nicä bütün dünnedä, sizin aranızda da meyva getirer hem git-gidä ilerleer o gündän, açan işittiniz onun için hem hakına annadınız Allahın iivergisini,

1 Salonіklіlerä 4:7

Çünkü Allah çaarmadı bizi diilpaklaa, ama çaardı ayozlaa.

2 Tіmofeyä 2:10

Bunun için hepsinä dayanêrım seçilmişlär için, ki onnar da kurtulmak edensinnär, ani İisus Hristozda, diveç metinniklän.

Tіta 2:14

O verdi Kendini bizim için kurban olsun, ki kurtarsın bizi hertürlü zakonsuzluktan da, paklayıp, bir ayırı insan Kendinä yapsın, çalışkan ii işlär yapmaa.

Çıfıtlara 10:29

siz ne deersiniz? Nekadar taa büük ceza kabledecek o, kim Allahın Oolunu çiinemiş, baalantı kanını aşaalamış, neylän ayozlandıydı, da butakım Allahın hayırlı Duhunu gücendirmiş.

Çıfıtlara 2:11

Zerä ayozlayan İisus hem ayozlanmak yolunda olannar – hepsi bir Bobadandır. Onuştan İisus utanmêêr onnara desin «kardaş»,

Çıfıtlara 9:13

Eer bızaaların hem tekelerin kannarı hem bir dananın külü serpilip ayozlarsaydı mındar olannarı hem paklarsaydı bulaşık güüdeleri,

Çıfıtlara 9:18

Ölä ki, ilk baalantı da lääzımdı kannan kaavilensin.

Çıfıtlara 9:26

Başka türlü Ona lääzım olaceydı dünneyin kurulmasından çok sıra zeetlensin. Ama O şindi, vakıtların bitkisindä peydalandı, ki bir sıra herzamana Kendi kurbanınnan günahı silsin.

1 İoanın 3:18

Uşacıklarım! Sevelim diil laflan hem dillän, ama işlän hem aslılıklan.

1 İoanın 3:3

Herkez, kim bu umudu Ona koyêr, kendini paklêêr, nicä Hristos pak.