İoan 11:55 - Enі Baalantı

⁵⁵ İudeylerin Paskellä yortusu yaklaşardı. Çok insan dolaydan geldilär İerusalimä Paskelledän ileri, paklansınnar deyni.

Ени Бааланты

⁵⁵ Иудейлерин Паскеллӓ йортусу йаклашарды. Чок инсан долайдан гелдилӓр Иерусалимӓ Паскелледӓн илери, паклансыннар дейни.

İoan 11:55 ပူးပေါင်းရင်းမြစ်များ

Matfey 26:1

Hepsini bunnarı annattıktan sora İisus dedi Kendi üürenicilerinä:

Matfey 26:2

«Bilersiniz, ani iki gündän sora Paskellä yortusu olacek? Ozaman Adam Oolu daavaya verilecek, stavroza gerilmiş olsun».

Mark 14:1

İki gün kaldıydı Paskellä hem Hamursuz yortuyadan. Büük popazlar hem bilgiçlär aarardılar kolaylık, nicä İisusu şalvirliklän tutsunnar da öldürsünnär.

Luka 22:1

Hamursuz yortu, ani dener Paskellä, yaklaşardı.

İoan 12:1

Altı gün Paskelledän ileri İisus geldi Vifaniya küüyünä, neredä yaşardı Lazar, angısını diriltti ölüdän.

İoan 13:1

Paskellä yortusundan ileriydi. İisus bilärdi, ani geldi vakıt, gitsin bu dünnedän Bobasına da, çünkü sevdi kendikilerini, angıları vardı bu dünnedä, gösterdi, ani sever onnarı bitkiyädän.

İoan 18:28

Sora İisusu Kayafadan alıp, götürdülär Pretoriuma. Sabaadı. Onnar kendileri Pretoriuma girmedilär, ki mındarlanmasınnar da iyäbilsinnär Paskelleyi.

İoan 2:13

İudeylerin Paskellesi yaklaşardı. İisus geldi İerusalim kasabasına.

İoan 2:6

Orada vardı altı kap taştan. İudeylerin adetlerinä görä, bu kaplardan suyu faydalardılar yıkanmak adetlerindä. Herkezi bu kaplardan alardı iki-üç ölçü su.

İoan 5:1

Ondan sora oldu iudeylerdä bir yortu, da İisus gitti İerusalim kasabasına.

İoan 6:4

Paskellä, iudeylerin yortusu, yaklaşardı.

Yaptıklar 21:24

Al onnarı seninnän, paklan onnarlan barabar, sän harcan onnar için, ki onnar kırktırsınnar başlarını, da herkezi annayacek, ani ne işittilär senin için, diil aslı, ama sän dä kendin Zakonu tutarak yaşêêrsın.

Yaptıklar 21:26

Ozaman Pavli aldı bu adamnarı da ertesi günü paklandı onnarlan bilä. Sora girdi Ayoz binaya, ki haberlesin, nezaman paklanmak günneri biter hem nezaman lääzım herkezi kendisi için kurban getirsin.

Yaptıklar 24:18

Bän kurban getirirkän, Asiyadan kimi iudeylär hızlandılar üstümä Ayoz binada. O vakıt bän paklandıydım, dolayımda da kalabalık yada karışmalık yoktu.

1 Korіnflіlerä 11:28

Herkezi aaraştırsın kendi-kendini da ölä isin bu ekmektän hem içsin bu çölmektän.

İakovun 4:8

Eer siz Allaha yaklaşarsaydınız, O da sizä yaklaşacek. Ellerinizi paklayın, ey, günahkerlär! Üreklerinizi temizleyin, ey, kararsızlar!