Apokalіpsіs 9:20 - Enі Baalantı

²⁰ Kalan insannar, ani öldürülmedilär bu belalardan, dönmedilär Allaha kendi ellerinin yaptıklarından. İleri dooru baş iilttilär cinnerä hem altın, gümüş, tunç, taş hem aaçtan idollara, angıları görämeerlär, işidämeerlär hem gezämeerlär.

Ени Бааланты

²⁰ Калан инсаннар, ани ӧлдӱрӱлмедилӓр бу белалардан, дӧнмедилӓр Аллаха кенди еллеринин йаптыкларындан. Илери доору баш иилттилӓр ӂиннерӓ хем алтын, гӱмӱш, тунч, таш хем аачтан идоллара, ангылары гӧрӓмеерлӓр, ишидӓмеерлӓр хем гезӓмеерлӓр.

Apokalіpsіs 9:20 ပူးပေါင်းရင်းမြစ်များ

Matfey 21:32

Zerä İoan geldi, dooruluk yolunu göstersin. Siz onu inanmadınız, ama harççılar hem maskaralar inandılar. Siz gördünüz bunu, ama hep okadar pişman olmadınız günahlarınızdan hem inanmadınız.

Yaptıklar 17:29

Öleysä, ki Allahtan çekileriz, düşmeer sanalım, ani Allah benzeer altına, gümüşä eki taşa, ani yapılmış adam fikirinnän hem becermesinnän.

Yaptıklar 19:26

ama görersiniz hem işidersiniz, ani Pavli, diil sade Efes kasabasında, ama yakın bütün Asiyada çok insanı inandırıp-saptırdı, deyip, ani adam elinnän yapılı allahlar – diil hakına allahlar.

Yaptıklar 7:41

Ozaman yaptılar bir idol bızaa biçimindä, getirdilär ona kurban da sevindilär kendi ellerinin yaptıına.

2 Korіnflіlerä 12:21

Korkêrım, ki açan enidän gelecäm sizä, Allah beni utandıracek sizin önünüzdä, da bän kahırlanacam çoyu için, ani günaha girdilär hem Allaha dönmedilär mındarlıktan, orospuluktan hem hayırsızlıktan, ani yapardılar.

1 Tіmofeyä 4:1

Ayoz Duh açık söleer, ani bitki zamannarda kimisi inandan atılacek, sesleyeräk aldadıcı duhları hem fena duhların üüretmeklerini,

Apokalіpsіs 15:1

Göktä gördüm başka bir büük hem şaşmaklı nışan. Bu – edi angil, ani taşıyardılar edi son belaları. Allahın üfkesi bu belalarlan bitti.

Apokalіpsіs 16:8

Dördüncü angil döktü çölmeeni günün üstünä. İzin verildi günä, yaksın insannarı kızgınnıınnan.

Apokalіpsіs 9:19

Beygirlerin kuvedi aazlarında hem kuyruklarında. Zerä kuyrukları, angılarında var kafalar, benzär yılana, da bunnarlan insanı zeetlärdilär.

Apokalіpsіs 9:21

Onnar dönmedilär adam öldürmektän, büü yapmaktan, orospuluktan hem hırsızlıktan.